Xurde Morán historió los sos programes “andariegos” nes televisiones locales de Xixón

A les seis y media de la tarde del xueves, la Xunta d’Escritores celebró ún de los actos centrales del día, la charra de Xurde Morán “Diez años caleyando Asturies”, nel que comentó la so llarga trayectoria televisiva, primero en Tele Xixón con “Caminos y rondas” y agora en Canal10 con “L’andariegu”, programes con un ésitu bien importante.A les siete la tarde foi’l momentu pa la “Llingua y hestoria del Fueru de Zamora”, ponencia a cargu del coordinador de la Xunta, Xaviel Vilareyo. Y a les 19,30 presentáronse los llibros d’Esther García López “Historias de vida ya señas de muerte” (Madú Ediciones) y Faraguyas, cola intervención de Cristian Velasco.

El pieslle del día echólu un recital poéticu a les ocho la tarde, nel que pudieron sentise les voces y poemes de Xurde Fernández, Llucía Fernández Marqués, Chechu García, Elvira Laruelo, Marisa López Diz, Pablo Rodriguez Alonso, Pablo Rodríguez Medina, Xuan Santori, Susana Sela y Xaviel Vilareyo.