Portada Lliteratura Xulio Viejo fai repás a la trayectoria de Xosefa Canellada en Santolaya

Xulio Viejo fai repás a la trayectoria de Xosefa Canellada en Santolaya

by asturnet

Pola mor del centenariu del ñacimientu de la filóloga y escritora María Xosefa Canellada, el Conceyu de Cabranes, en collaboración col Seminariu de Filoloxía Asturiana de la Universidá d’Uviéu, organiza unes conferencies na Casa la Cultura-Centru de Llectura de Santolaya (Cabranes).

Xulio Viejo Fernández, profesor de la Universidá d’Uviéu y miembru del Seminariu de Filoloxía Asturiana va falar esti vienres día 19 d’ochobre a les 19,30 hores de l’autora, na conferencia titulada “María Xosefa Canellada: investigación y compromisu”.

El vienres que vien, 26 d’ochobre a les 19,30 hores, el profesor de la Universidá d’Uviéu, Ramón d’Andrés dará llectura a la conferencia “Lo que pensaba María Xosefa Canellada de la normalización del asturianu”.

Les xornaes van rematar el miércoles 31 d’ochobre a les 19,30 hores con “Obra lliteraria de María Xosefa Canellada: la ética nel canon lliterariu”, por Pilar Fernández, profesora del Institutu “Pérez de Ayala” d’Uviéu.

La entrada a toes elles ye llibre.

Tamién te podria gustar