Xosé Ánxelu Gutiérrez presenta ‘Países’ na Llibrería Asturiana de Trabe

L’escritor avilesín Xose Ánxelu Gutierrez Morán presenta güei a les siete y media la tarde na Llibrería Asturiana de Trabe, el so poemariu ‘Países’, col qu’algamó’l premiu Teodoro Cuesta de Poesía na edición del añu 2004, ‘ex aequo’ cola poeta Marta Mori d’Arriba. La presentación de ‘Países’ va correr a cargu del tamien escritor y profesor na Universidá d’Uvieu, Xulio Viejo.

Xose Anxelu G. Morán (Aviles, 1969) ye doctor en Bioloxía pola Universidá d’Uvieu y trabaya como investigador nel Centru Oceanográficu de Xixón. Autor d’una ventena d’artículos científicos, esta ye la so primer
incursión na lliteratura a nun ser por un relatu premiáu nel Concursu de Cuentos pola Oficialidá de Bimenes en 2002.

‘Países ye un intentu arraimente empíricu d’aplicar el metodu poeticu pa ordenar el mundu’, asegura’l comentariu editorial, nel que ‘los diferentes poemes, marcaos por una señaldá posada, conformen un atles de los países que, dacuando con permisu de residencia y dacuando ensin papeles, foron faciendo la biografía del autor’.