Les Xornaes contra’l Racismu y la Xenofobia vuelven a Xixón en marzu

Les Xornaes contra’l Racismu y la Xenofobia de Xixón tienen llugar tolos años coincidiendo cola celebración del 21 de marzu, Día Internacional de la Eliminación de la Discriminación Racial y les d’esti añu anunciaránse esta selmana con actividaes que van aportar a la xornada central del día 21. Les actividaes de les Xornaes contra’l Racismu y la Xenofobia, previstes pal mes de marzu coincidiendo col Día Internacional para la Eliminación de la Discriminación Racial, inclúin tantu un actu institucional el mesmu 21 de marzu como una cadena humana, yá tradicional, hasta la Plaza Mayor, llugar nel que se llee’l manifiestu de les Xornaes. Amás, mientres les Xornaes apurren los premios a los finalistes del Concursu de Cartelu y Eslogan contra’l Racismu y la Xenofobia y preséntense los videoclips realizaos nel taller “Hip-hop en cursu. Hip-hop contra’l racismu”. Les feches esactes para les distintes actividaes de les Xornaes enta s¡alcuentren por definir.

Les Xornaes tán entamaes por una comisión integrada pol Conceyu de Xixón (Fundación Municipal de Servicios Sociales, Departamentu de Mocedá de la Fundación Municipal de Cultura, Educación y Universidá Popular, Escuela de Segunda Oportunidá de l’Axencia Local de Promoción Económica y Empléu y l’Oficina de Polítiques d’Igualdá) y diverses entidaes de la ciudá: APIA (Asociación Pro-Inmigrantes n’Asturies). Asociación Xitana de Xixón, Asociación para l’Ayuda del Inmigrante Africanu n’Asturies, Fundación Secretariado Xitanu, Cruz Roja Española (Asamblea Local de Xixón), Accem, Centru d’Iniciatives Solidaridad y Empléu (CISE), Fundación Amaranta y Mar de Borrina.

Convocatoria XV Concursu de Cartelu y Eslogan de les Xornaes contra’l Racismu 2021