Xixón celebra’l Día Internacional de los Museos con delles novedaes

Esti 18 de mayu los museos del mundu xúnense pa celebrar el Día Internacional de los Museos col oxetivu, como propón el Conseyu Internacional de Museos (ICOM) , d’amosar que los museos son un mediu importante d’intercambiu cultural y d’arriquecimientu de les cultures.

Cada añu, a propuesta del ICOM los museos trabayen so un mesmu lema, que nesti 2018 convída a tar más xuníos ente nós y col públicu yá que falamos de “Museos hiperconectaos: Enfoques nuevos, públicos nuevos”. La conectividad, o meyor la hiperconectividad, ye una característica de la nuesa sociedá, del nuesu sistema de trabayu y de relación qu’esti añu .

Conexón, comunicación, públicos, diversidá, digitalización, comunidá, sociedá… son dalgunos de los conceutos que dende la Rede Municipal de Museos de Xixón, xuntu col Muséu Evaristo Valle, tuvieron esti añu en cuenta pa preparar un programa d’actividaes col que celebrar el Día Internacional de los Museos.

Pero la fiesta de los museos, nun termina col día yá qu’anguaño como novedá, per primer vegada, los museos de Xixón xunen a la celebración de la Nueche Europea de los Museos abriendo’l sábadu 19 de mayu dalgunos de los nuesos centros hasta la media nueche pa ufiertar una visita distinta con un enfoque más sensorial.

PROGRAMACIÓN