Xixón celebra del 13 al 15 de Payares les II Xornaes de Normalización Llingüística nos Conceyos

La Oficina de Normalización Llingüísticales tien recién anunciaes peles redes sociales les II Xornaes de Normalización Llingüística nos Conceyos, que se van celebrar nel Centru de Cultura Antiguu Institutu los díes 13, 14 y 15 de payares con un granible programa d’actos y alderiques.

Pasaren yá trece años dende les primeres xornaes qu’entamara esta oficina de normalización xixones, y magar que s’avanzó abondo na normalización, entá queda munchu camín por percorrer, y dende la organización albidren que “ye un momentu afayadizu pa poner les cartes enriba la mesa y afondar nes distintes esperiencies de normalización llingüística de les llingües del Estáu español”.

Nestes xornaes van poder conocese distintes esperiencies de normalización llingüística que se vienen faciendo n’Aragón, Baleares, Navarra, Galicia, Valencia, Llión y otros territorios y afondar na situación que ta viviéndose anguaño n’Asturies cola puesta en marcha y caltenimientu de distintos servicios de normalización llingüística en dellos Conceyos.

Programa de les Xornaes

Ye mui importante pa la normalización social de toles llingües minorizaes de la Península el fechu de deprender unos d’otros y ayudase mutuamente, “amás de trabayar n’andecha y xunir fuercies: les iniciatives, los proyeutos, les xeres… son mui asemeyaes en toles llingües porque amuesen les nuestres realidaes sociales, que nun s’estremen tanto como puea paecer dende fuera”.

Les inscripciones tán abiertes hasta’l 7 de payares, per vía telefónica (985 10 13 89 / 14 28), per vía electrónica (llinguaasturiana@xixon.es) y per vía presencial (C/Xovellanos nº 21, Xixón).