Uviéu va a la FIDMA col proyectu “Crucie de Caminos” y escaez l’asturianu

Uviéu participa na FIDMA col proyectu “Crucie de Caminos” y escaez l’asturianu qu’emplegó davezu l’añu pasáu (Uviéu Embruxa) y que yera la novedá de 2017, bien celebrada dende tolos ámbitos sociales y culturales. L’espositor d’esti añu amuesa’l nuevu modelu de ciudá más sostenible, más verde, más social y más cercana al ciudadanu.

El Conceyu d’Uviéu va inaugurar esta fin de selmana la programación del espositor cola qu’allega a la Feria d’Amueses de Xixón (FIDMA) per tercer añu consecutivu, esta vegada col proyectu “Crucie de Caminos”, 1200 metros cuadraos nos que se programaron una gran variedá d’esposiciones y actividaes hasta’l día 19 d’agostu. Con un diseñu futurista, el stand pretende dar a conocer un Uviéu modernu, vertebrador de distintes realidaes tantu históriques como contemporanees y con gran capacidá de futuru.

El motivu central del stand ye’l Camín de Santiago, del que emanen otros cinco caminos: el camín del talentu y l’anovación, nel que vam poer esfrutase de diseñu y tecnoloxía aplicaes a la nuesa ciudá; el camín del emprendimiento y l’emplegu, nel cual amuésense los programes llevaos a cabu nestos últimos años, y los sos valores númberos tocantes a calidá y cualidá; el camín de la ciudá sostenible, con nuevos proyectos de movilidá, amosando una ciudá más cercana al ciudadanu y que prioriza los sos intereses; el camín de los sabores, una esperiencia única qu’amiesta la realidá virtual cola gastronomía asturiana; y a lo último, el camín del deporte y l’infancia, nel que poder esfrutar de los elementos rellacionaos con estes redolaes, tan importantes para la nuesa ciudá.

El pabellón cunta con una arquitectura futurista que tien como exa central un cubu de parés irregulares de 150 metros cúbicos y una pantalla de proyección, única poles sos dimensiones de 42 metros cuadraos, sobro los que se va proyectar conteníu creáu n’esclusiva pa esta edición de la FIDMA y que van amosar el Camín de Santiago nes sos dos aguaes: la hestórica y socioeconómica. Amás van poder vese los proyectos de la futura realidá urbana de la ciudá: la remodelación del antiguu HUCA, el carril bici, y el Bulevard de Santuyano. Dientro del cubu vamos atopar xuna imprentadora en 3D dedicada a imprimir oxetos rellacionaos colos proyectos llevaos a cabu nel Espaciu Coworking de la Turria de la Ería y el Viveru de Ciencies de la Salú. Otru de los curiosos que vamos atopar dientro del cubu son xunas gafes de realidá virtual d’última xeneración al traviés  de les cualos vamos afayar la gastronomía uvieina y asturiana.

Programación stand Uviéu FIDMA