Uviéu sofita tamién la iniciativa “Asturies, capital mundial de la Poesía” de Graciano García

Na vez de proposiciones d’urxencia de la cabeza xunta plrenaria del Conceyu d’Uviñeu, aprobóse por  unanimidá la propuesta presentada por PP y Ciudadanos de sofitar la iniciativa “Asturies, capital mundial de la poesía” del director eméritu de la Fundación Princesa d’Asturies, Graciano García.

El conceyal de Vox, Hugo Güertes, amosó’l sofitu total” de la formación a esta iniciativa yá que “cualquier eventu, cultural o non, qu’atraiga visitantes y por tantu riqueza a Uviéu, va ser bienveníu y sofitáu”.

Tamién votó favorablemente los conceyales de SOMOS, anque la propuesta, indicó Rubén Rosón, “llegue de manos del PP y Ciudadanos”. Nesti sentíu llamentó qu’estos partíos fueren votar en contra de la urxencia d’una de les sos propuestes sobro la memoria democrática y aseguró qu’al PP güélen-y los pies a franquismu y non yá porque foi creáu por dalgún d’ellos”.

Dende’l PSOE, la conceyala Lucía Falcón, solicitó que’l sofitu a esta iniciativa nun se quede namá “nun adornu” teniendo en cuenta que’l presupuestu pa 2020 “nun contempla nin un solu euru pa la poesía”. La conceyala preguntó poles midíes concretes que se van a realizar pa sofitar la iniciativa.

El segundu teniente alcalde y conceyal d’Interior, Mario Arias,  llamentó que’l sofitu unánime de la iniciativa nun pudiera llegar al Plenu en forma de declaración institucional apartidista y refartó a Somos que “intenten colar les sos proposiciones resalvando’l trámite de presentación”.  Per otra parte, Arias pidió “pudor” al partíu socialista que solicitó “honrar a el autores d’Uviéu” yá que pudieron facer “mientres la rellumanza de la cultura de los postreros  4 años”. El conceyal remató indicando la importancia de “qu’Uviéu tea a la vanguardia y  lidere, como capital d’Asturies que ye, esta iniciativa cola celebración y el fallu del Premiu Internacional de Poesía Xovellanos”.