Uviéu participa nel I Campeonatu de la Meyor Pizza d’Asturies

El conceyal d’Hostelería, Turismu y Congresos del Conceyu d’Uviéu, Alfredo García Quintana, presentó, en rueda de prensa, l’I ‘Campeonatu de la Meyor Pizza d’Asturies’ que se celebra hasta’l 28 d’esti mes de xunetu. El conceyal tuvo acompañáu pol presidente de Otea, José Luis Álvarez Almeida y el CEO de ‘Fenicia, marketing gourmet’, Iván de la Plata.

Más de 50 establecimientos rexonales, ente los que s’atopen 11 restoranes uvieinos, van participar nel Campeonatu “La Meyor Pizza” pa llevase’l premiu al restorán cola Meyor Pizza d’Asturies. Mientres un mes, tolos amantes de la pizza van poder percorrer toos aquellos locales adscritos al Campeonatu y probar los sos meyores pizzas pa valorales por aciu votación online na web oficial del campeonatu. Por cada degustación va apurrise un códigu y este va sirvir pa votar la pizza (el códigu hai que xubilo a la Web ‘lamejorpizza.es’) y entrar nel sortéu d’un premiu de 500 euros ente tolos votantes.

García Quintana detalló que “nesti primer certame van tastiase productos y platos sorprendentes en toa Asturies. Esti tipu d’iniciatives sirve p’alicar y aguiyar el sector hosteleru y favorecer qu’Uviéu recupere’l lideralgu turísticu que siempres tuvo”, añede’l conceyal.

“Les empreses empiecen a ver a Uviéu como una ciudá amigable y apetecedora pa desenvolver proyectos“, añedió’l presidente de Otea. Ya Iván de la Plata aseguró que’l Campeonatu “intenta sofitar el desenvolvimientu d’Asturies, con muncha ilusión y esperanza n’ediciones vinientes”.