Uviéu acueye esta fin de selmana el XXII Festival Internacional de Cuarentunes

Uviéu acueye esta fin de selmana el XXII Festival Internacional de Cuarentunes, que va celebrase mientres los díes 28 y 29 de setiembre, axuntando 17 agrupaciones musicales de cuatro países.

El conceyal de Turismu, Rubén Rosón, presentó esti llunes, en compañía de dellos representantes de la tuna de la Universidá d’Uviéu, el XXII Festival Internacional de Cuarentunas “Ciudá d’Uviéu”, que’l conceyu va acoyer mientres los díes 28 y 29 de setiembre. “Ye unu de los eventos con más solera y númberu d’ediciones y que, amás, avera a distintos países a Uviéu”, afirmó’l conceyal, al respeutive del eventu que va axuntar a 17 agrupaciones de 4 países distintos. Rosón tamién aprovechó pa estimar el trabayu de la tuna de la Universidá d’Uviéu, yá que gracies a ellos “non solo enllena de xente la capital d’Asturies, sinón que la faen un referente dientro d’esti mundu”.

El vienres 28 los tunos asistentes van viaxar a Cuadonga, onde se va producir una recepción oficial na Cueva y, darréu, una ufrienda floral y una ronda a la Virxe de Cuadonga, ente les 14.00 y les 15.00 hores. Al so regresu a Uviéu, van ser recibíos nel Edificiu Históricu de la Universidá d’Uviéu y va producise xuna Asamblea Xeneral de la Federación na Aula Magna o’l Paraninfu. En cuanto al sábadu 29, van producise, ente les 12.00 y hasta les 21.00 hores, les actuaciones de les distintes agrupaciones asistentes al festival na Sala Principal del Auditoriu. La entrada va ser llibre.