Una muyer dexa n’heriedu al Muséu del Prado 800.000 euros y una casa en Toledo

Carmen Sánchez, Amiga del Muséu del Prado , dexó n’heriedu a la pinacoteca una casa en Toledo y 800.000 euros “pa l’alquisición y restauración de cuadros”, según informó’l mesmu muséu esti xueves 23 de febreru nun comunicáu.

Sánchez García, finada en Madrid el pasáu 14 de xunetu a los 86 años d’edá, dispunxera nel so testamentu mandar parte del so patrimoniu al Muséu del Prado, de que la so Fundación d’Amigos yera miembru dende l’añu 2003. Según consta nos archivos de la Fundación Amigos del Muséu del Prado , la donante yera llicenciada n’Hestoria y una Amiga “especialmente activa y participativa”, yá que asistió a 25 cursos dientro del so programa d’actividaes. Amás, foi fundadora del madrilanu Colexu Nervión en 1973.

Los bienes fueron axudicaos yá al Muséu del Prado , que desconocía ser designáu herederu de los mesmos y qu’estimó nesti comunicáu esta “escepcional amuesa de sofitu al cumplimientu de los sos fines”.