Trabe asoleya una antoloxía billingüe de poesía asturiana actual

José Luis García Martín ta al cargu de la edición billingüe, en castellán y n’asturianu, de “Por partida doble. Poesía asturiana actual”, una antoloxía que recueye la obra de diez poetes asturianos de güei (Esther Prieto, Antón García, Berta Piñán, Aurelio González Ovies, Xuan Bello, Pelayo Fueyo, Javier Almuzara, Martín López-Vega, Vanessa Gutiérrez y Sofía Castañón) que “tenten de convertir lo local n’universal y de da-y un tonu propiu a los grandes temes de siempre”.

“Escriban n’asturianu o en castellanu alitren por trescender particularismos, pero ensin perder l’acentu personal nin desdexar la memoria colectiva y los repuelgos de la historia”, comenten dende la editorial.

La obra ufre, según l’antologador “diez maneres distintes de contemplar el mundu y d’aidar a cada llector a trazar el so propiu autorretratu”.