Títeres, cuentos y animación a la llectura aporten en febreru a les biblioteques d’Avilés

Nueve actividaes infantiles programen les biblioteques públiques municipales d’Avilés nesti mes de febreru, con teatru de títeres en Cuentacuentos, los tradicionales Bebecuentos para los y les más pequenes, y los Talleres d’animación a la llectura. Toes gratuites, van desenvolvese nos centros de La Lluz, Los Canapés, La Carriona y Bárganos Candamo.

Los Cuentacuentos traen a una de les compañíes más actives d’Asturies dedicada a l’atención de la infancia, Tres la Puerta Títeres, d’Ana Laura Folles Izcovich, col so “Cuentu que cuentu”, que va ufiertar hestories esbarriaes, risibles y xirigonza que van faer partise de risa a tolos neños y les neñes, d’ente 4 y 9 años, qu’asistan.

El fomentu del gustu por lleer y del usu de les biblioteques ye xuna constante nes actividaes que componen la programación. Un exemplu claro suponer los Talleres infantiles d’animación a la llectura que comanda l’asociación La Caracola. Nesti casu, por cuenta de la llimitación de places, ye necesaria inscripción previa en caúna de les biblioteques.

Coles mesmes, la educadora y animadora sociocultural Ana Capiya retoma los Bebecuentos con un clásicu de la lliteratura infantil, “La ratita presumida”, nel so horariu y see habitual de la Biblioteca Bárganos Candamo, el sábadu 18 a les 12.00 hores. Destinaes a neñes y neños d’ente 6 meses y 3 años, cada ñácaru tendrá de tar acompañáu namá por un adultu. Tamién con inscripción previa necesaria na mesma biblioteca.

Más información