Galiana

El Antroxu d’Avilés llegó al so fin tres una selmana apinada d’actividaes, pero sobremanera, de muncha diversión. La conceyala de Festexos, Yolanda Alonso, realizó un balance positivu d’estos díes de fiesta qu’entamaron el pasáu miércoles 15 de febreru en Llaranes. Los actos más multitudinarios rexuntaron a un total de 46.000 participantes.

El XXXV Descensu Internacional y Fluvial de Galiana, estandarte del Antroxu d’Asturies, refuerza entá más si quepe la so esencia participativa y de cai na so XXXV edición. En clave d’humor, con tola música y diversión a embute, 25 espectaculares artiluxos van salear el mar d’espluma. Una fiesta d’Avilés retresmitida en directu para tol mundu al traviés d’Internet, con empiezu a les 19.30 hores d’esti sábadu 18 de febreru.