Siete grupos aspiren a ganar la séptima edición del FestiAMAS en La Llosa d’Uviéu

Siete grupos aspiren a ganar la séptima edición del FestiAMAS en La Llosa d’Uviéu sigún afitaron l”Alcalde, Alfredo Canteli y la conceyala de Festexos, Cuadonga Díaz, na presentación de la final d’esti concursu que se va celebrar el domingu, 22 de setiembre, a partir de les 19 hores.

“Una cita obligada pa tolos músicos” de la rexón, destacó’l rexidor, “que va cerrar la programación de San Mateo” y que “demuestra’l compromisu del equipu de gobiernu cola música y la cultura asturiana” Nesta presentación sorteóse l’orde nel que los finalistes van actuar: los primeres en xubise al escenariu va ser el grupu Garolo. Siguiránlu Saraude, Fachamama, Indoven, Plastic Soul, Drunken Buddha y Xente Tarrecible

L’Alcalde, Alfredo Canteli y la conceyala de Festexos, Cuadonga Díaz, presentaron esti llunes la VII Final de FestiAMAS que se va celebrar el próximu día 22 en La Llosa, dende les 19:00 hores. Tamién participaron na presentación David Serna, responsable de la organización y Lucía Herrera, responsable de la TPA.

El rexidor empezó la so intervención esperando que “esti concursu calténgase demientres munchos años” yá que ye “un prestu” qu’Uviéu acueya la final d’esti eventu “que se convirtió en referente y cita obligada para tolos asturianos, especialmente para los más nuevos que s’intenten faer un buecu nel difícil industria de la música”.  Canteli destacó la proyección d’esti concursu que, en tan solo siete ediciones, pasó de 60 a 176 grupos participantes.

Díaz foi la mano inocente que determinó l’orde nel que van actuar los siete grupos finalistes el próximu domingu: Garolo, Saraude, Fachamama, Indoven, Plastic Soul, Drunken Buddha y Xente Tarrecible van xubise, nesti orde, al escenariu de la Llosa. La TPA va emitir la final el domingu, 29 de setiembre, a les 23:45 hores.