Seis de ca siete persones n’España nun fain actividaes artístiques

Malpenes una de cada siete persones n’España realiza actividaes artístiques non profesionales, lo que supón un porcentaxe que ye más de trés puntos inferior al de la media de la UE. Hasta un 80% de la población nun realiza nunca esti tipu de práctiques.

Les actividaes artístiques non profesionales, acomuñaes al tiempu llibre, l’ociu y los hobbies de la población suponen un elementu importante en términos de bienestar, desenvolvimientu intelectual y participación social. N’España, esti tipu de practiques nun son demasiáu habituales: solo’l 14,2% de la población realizales davezu, diaria o semanalmente. El porcentaxe ye más de trés puntos inferior a la media de la Unión Europea de los ventiocho –17,5%–, y atópase alloñáu de dellos países de la redolada: 29,7% n’Alemaña, 18,2% en Portugal y 21,7% en Reinu Uníu. Francia, pela so parte, refundia un porcentaxe más baxu, con solu un 10,4% de los sos habitantes acomuñaos a actividaes culturales de forma amateur.

En función de la frecuencia cola que se realicen estes práctiques n’España, los datos desagregaos amuesen unu enclín esmolecedor: casi un 80% de la población española nun realiza nunca actividaes artístiques de forma amateur. Pel llau contrariu, les persones que lleven a cabu estes actividaes culturales non profesionales de forma diaria xube al 6,1%. Nesti casu, la media ye cimera a la de la UE-28, del 5,5%.

Nel restu de rexistros temporales, la media nacional asitiase perembaxo de la comuñal: 8,1% frente a 12,3% si la práctica ye selmanal; 1,6% frente a 5,1% si ye mensual; y 2,2% frente a 5,1% si la práctica dase, siquier, una vegada al añu.