Sociedá

La Camaretá de Liriu de Noreña invíta esti domingu, a partir de les 17 hores, a la villa condal p’asistir a la segunda xornada del Campionatu d’Asturies de Liriu. Acabante la partida por equipos, escomenzará el I Abiertu del Picadillu, valederu pal Campionatu d’Asturies de Liriu Individual.

Dende l’Asociación Floklórico Musical “Villa y Condáu de Noreña” van más allá de la tradicional espicha isotónica y combiden a los equipos a una xinta de productos de la tierra enantes de que dé comienzu la xornada. Nun podía ser d’otra manera nuna fin de selmana cuando Noreña cellebra la fiesta’l Sabadiegu y del Picadillu.

Esta nueva cita promete ser espectacular porque’l liriu vuelve a la cai, pues la pista de xuegu sedrá l’Antigua Plaza Mayor, presidida pol míticu quioscu de música noreñense. Tou un luxu ufiertáu pola organización d’esti equipu recién estrenáu na competición, na primer xornada, cola segunda posición por equipos y un esplédidu primer puestu nel abiertu d’El LLano algamáu pola machorradora Lucía. Ensin embargu, la Camaretá tien en mente dir índa más lloñe y ganar toles competencies disputaes nel so llar. Anque tá claro que’l restu d’equipos CNL nun van tar pel llabor de poner les coses fáciles.

El coleutivu asturianu Conceyu pola Normalización vieno acabante entamar una campaña pa sofitar la reincorporación a Asturies de los conceyos de Negueira de Muñiz, Fonsagrada, Navia de Suarna y Ribeira de Piquín.

El coleutivu sostien que’l territoriu qu’ocupen estos conceyos perteneciera a Asturies hasta l’añu 1834 y que “la provincia de Lugo lo usurpó ilegítimamente”. Según los sos datos, Galicia anexonó estos territorios nel sieglu XIX cola oposición de la Xunta Xeneral del Principáu.

El Conceyu pola Normalización ye un coleutivu nacionalista asturianu presidíu pol escritor Xaviel Vilareyo y Villamil.

Anuncia de campaña nel blogue de l’xencia CPN

El vienres 23 d’abril a les 20h. nel local cambalache, preséntese l’informe “Para el que quiera oir”. Voces dende y contra los Centros d’Internamientu d’Estranxeros, realizáu pol Ferrocarril Clandestín, Médicos del Mundu y SOS Racismo Madrid.

Voces dende y contra los Centros d’Internamientu d’Estranxeros ye una güeyada al interior del CIE d’Aluche de Madrid, al traviés de los testimonios en primer persona de migrantes que fueron recluídos nesti centru. Un altavoz pa toes aquelles persones que pasaron por esta esperiencia y que nun tuvieron la oportunidá de denunciar la situación que vivieron. La realidá descubierta tres los murios d’esti centru fixo plantegar la necesidá de denunciar públicamente la so esistencia y visibilizar el día ente día de les persones ellí reteníes al traviés d’esti documentu. Recoyéronse más de cuarenta testimonio grabaos y transcritos pa esti fin. Estes son les sos voces. Esti informe, frutu del trabayu colectivu del Ferrocarril Clandestín, SOS Racismo Madrid y Mélicos del Mundu Madrid, pretendi ser un preséu de denuncia de les condiciones y la sistemática vulneración de derechos nestos centros, lo mesmo que de la violencia estructural implícita na so esistencia y nel actual réxime de fronteres.

Informe completu

L’Academia de la Llingua Asturiana va nomar un nuevu miembru na so Xunta Estraordinaria del próximu 7 de mayu, el xurista ya investigador de la lliteratura tradicional Nicolás Bartolomé Pérez, lleonés que trabaya como abogáu n’Asturies, y que vien collaborando cola ALLA dende va años al traviés d’artículos en Lletres Asturianes, la so participación nes Xornaes d’Estudiu y la redacción d’un vocabulariu, el segundu de la inciativa Termast, centráu na terminoloxía xurídica y alministrativa. El nomamientu supón un refuerciu de la presencia d’académicos del sur del del cordal, que ye fechu natural dende los entamos de l’ALLA.

Bartolomé Pérez espublizó en 2007 “Filandón, lliteratura popular llionesa” y tien collaborao en periódicos y revistes como’l Diario de León, Les Noticies o Faceira, de la que ye miembru del conseyu de redacción.

Ente los sos trabayos destaquen artículos d’investigación como “L.lóralu bien l.loréu: notes sobre un cuentu tradicional asturianu”, “Ente Asturies y Miranda. La recuperación de la llingua en Lleón y Zamora” o “El Derechu del Reinu de Lleón nel sieglu XIII: fontes, lliteratura xurídica y llingua”, espublizaos precisamente en Lletres Asturianes; “El asturleonés hoy en León y Zamora”, “El folklore relacionado con la basílica paleocristiana de Marialba de la Ribera (León)”, espublizaos na Revista de folklore, y “Cuando llueve y fai sol, anda la Vieya alrededor: El mitu de la Vieya n’Asturies y Llión”, espublizáu n’“Asturies, memoria encesa d’un país”.

Participa como maestru en cursos como los daos en Lleón pol Ayuntamientu y l’asociación El Teixu, Rede pal Estudiu y Defensa de la Llingua Asturlliones; y dio conferencies en tol dominiu llingüísticu del asturianu. Amás, fizo delles incursiones nel campu lliterariu, algamando un cuartu premiu nel Certame Lliterariu La Caleya 2008 “Reinu de Llión”.

La Camaretá de Liriu de Noreña invíta esti domingu, a partir de les 17 hores, a la villa condal p’asistir a la segunda xornada del Campionatu d’Asturies de Liriu. Acabante la partida por equipos, escomenzará el I Abiertu del Picadillu, valederu pal Campionatu d’Asturies de Liriu Individual.

Dende l’Asociación Floklórico Musical “Villa y Condáu de Noreña” van más allá de la tradicional espicha isotónica y combiden a los equipos a una xinta de productos de la tierra enantes de que dé comienzu la xornada. Nun podía ser d’otra manera nuna fin de selmana cuando Noreña cellebra la fiesta’l Sabadiegu y del Picadillu.

Esta nueva cita promete ser espectacular porque’l liriu vuelve a la cai, pues la pista de xuegu sedrá l’Antigua Plaza Mayor, presidida pol míticu quioscu de música noreñense. Tou un luxu ufiertáu pola organización d’esti equipu recién estrenáu na competición, na primer xornada, cola segunda posición por equipos y un esplédidu primer puestu nel abiertu d’El LLano algamáu pola machorradora Lucía. Ensin embargu, la Camaretá tien en mente dir índa más lloñe y ganar toles competencies disputaes nel so llar. Anque tá claro que’l restu d’equipos CNL nun van tar pel llabor de poner les coses fáciles.

Blog de la orgnización del campeontu de Liriu

La revista “La Ley”, una de les espublizaciones más prestixoses no que cinca a xurisprudencia y anuncies xurídiques, pente medies del so “Diario”, vien d’espublizar que pal Fiscal énte’l Tribunal Constitucional, Jesús-José Tirado Estrada, ye una evidencia que l’autu del Tribunal Constitucional de data 25 de febreru de 2010 avala l’usu de les comunicaciones n’asturianu empobinaes a l’Alministración del Principáu d’Asturies de tolos ciudadanos, mesmamente de los que tienen la condición de funcionarios.

Esta afirmación contradiz a la sentencia del Xulgáu de lo Contencioso-Alministrativu d’Uviéu, que pese al autu del Tribunal Constitucional avalando l’usu de les comunicaciones empobinaes pelos ciudadanos y funcionarios a l’Alministración del Principáu d’Asturies, negóse a da-y la razón al funcionariu demandante.

Ente los titulares del artículu mentáu pueden atopase comentarios como’l siguiente: “Política lingüística: El TC descarta el carácter de lengua oficial del bable asturiano, aunque avala su uso en las comunicaciones dirigidas por los ciudadanos y funcionarios a la Administración del Principado de Asturias. Inadmisión a trámite por notoriamente infundada la cuestión de inconstitucionalidad planteada por un Juzgado de lo Contencioso—Administrativo de Oviedo en relación con el artículo 4.2 de la Ley del Principado de Asturias 1/1998, de 23 de marzo, de uso y promoción del bable”.

La Procuradora Xeneral ta acabante presentar el so Informe Añal 2009, y anque tovía nun pue consultase na web, una visita a la mesma, amuesa que nel apartáu de Resoluciones, y mirando l’añu 2009, namás una de trés (cuatro según l’informe), presentaes dientro del epígrafe “Cultura, Bable y Deportes” , taba venceyada directamente col asturianu, y yera nesti casu una quexa pola falta d’usu de la toponimia de oficial de Llangréu na señalítica.

Por embargu, les quexes y otres actuaciones solicitaes n’otros campos algamen un total de 332, ente les que destaquen función pública, con 43 quexes, y temes rellacionaos coles alministraciones de conceyos, qu’algama les 34 solicitúes.

La Procuradoría Xeneral ye una institución tradicional recuperada y qu’equival a la figura del Defensor del Pueblu. Según espresa na so web ye una institución independiente y garantista, creada pola Xunta Xeneral del Principáu d’Asturies pa la defensa de los derechos y llibertaes reconocíos nel Títulu I de la Constitución, y pa velar pol cumplimientu de los principios xenerales establecíos nel artículu 9 del Estatutu d’Autonomía del Principáu d’Asturies. Ye una Institución qu’investiga quexes, denuncia abusos, formula encamientos, realiza actuaciones de mediación y propón cambeos de les normes.

Sicasí, la Procuradora Xeneral ye nestos momentos la política socialista María Antonia Fernández Felgueroso, hermana de l’alcaldesa de Xixón, y hasta la so llegada a esti puestu, miembru del PSOE y conceyala d’esta formación nel mesmu conceyu. Pela so parte, l’axuntu ye Noel Zapico Rodríguez, tuvo venceyáu al PP y foi Director Xeneral na dómina del gobiernu popular n’Asturies.

Consulta les quexes presentaes na web de la Procuradora Xeneral

Xente Gai Astur entama una campaña embaxo’l lema “VIH/Sida equí y agora. Falemos…”, diseñada y coordinada pola Federación Estatal de Lesbianes, Gais, Transexuales y Bisexuales (FELGTB). Trátase d’una estratexa innovadora na prevención de la tresmisión del VIH ente homes que tienen sexu con otros homes (HSH). Les sos característiques principales son l’usu de medios audiovisuales y de nueves redes sociales como Facebook, Twitter y Ximiélga.me pa la divulgación y la visibilidá de les persones VIH-positives al traviés de siete testimonios.

Páxina de la campaña

El Ministeriu de Fomentu, al traviés de la Comisión Especializada de Nomes Xeográficos (CENG), integrada nel Conseyu Superior Xeográficu, desenrrolla una campaña estatal de promoción de la toponimia, que n’Asturies cunta cola collaboración de la Conseyería de Cultura y Turismu. Asturies, al encruz de la so Dirección Xeneral de Política Llingüística, fai parte d’esta Comisión dende l’añu 2008. Esta campaña xeneral axúntase d’esta manera a les distintes iniciatives del Gobiernu asturianu d’investigación y promoción de la toponimia tradicional.

Con motivu d’esta campaña, el Ministeriu editó’l folletu informativu “Importancia de los nomes xeográficos y necesidá del so usu normalizáu”, con una versión xeneral en castellanu y con versiones nel restu de llingües del Estáu, cuando oficiales –catalán, gallegu y euskera- cuando protexíes polos sos estatutos –casu del asturianu-, a la que se refier xunto col aragonés y el “leonés”, como “otres llingües y dialectos”.

Nel casu d’Asturies, la Dirección Xeneral de Política Llingüística collaboró na redacción n’asturianu y la difusión nos distintos ámbitos y instituciones de dichu material informativo. Nél pue alcontrase información de la propia Comisión Especializada de Nombres Geográficos, del valir de los propios nomes xeográficos, de porqué la so normalización ye necesaria, a quién correspuende desenvolver dicha normalización, qué beneficios aporta, cómo dicha normalización tien que s’adaptar a les distintes llingües o variedaes falaes n’España…

Dende Política Llingüística recuerden que los procesos de normalización y oficialización toponímica son comunes al conxuntu d’España y tienen que ver col desenrrollu de les instituciones democrátiques nel nuestru país y la consideración creciente de la toponimia como parte del patrimoniu cultural inmaterial, conforme reconoció la ONU na so resolución IX/4, del añu 2007. N’Asturies emprimaron los trabayos de normalización toponímica nel añu 2004, col desarrollu de la Xunta Asesora de Toponimia y l’apertura d’espedientes d’oficialización toponímica en dellos ayuntamientos.

Folletu informativu del Ministeriu de Fomentu (ast)

L’Academia de la Llingua Asturiana ta acabante dar anuncia del alcuerdu al que llegó cola empresa Bubok.com, pol que sedrá posible, al traviés de la páxina web de la empresa, la impresión baxo demanda d’obres escosaes y otres publicaciones d’especial interés pal estudiu filolóxicu. L’Academia súmase asina a otres instituciones como la Biblioteca Nacional (BN), ufiertando esti serviciu a la comunidá científica y a la xente interesao, en xeneral.

La presentación del proyectu va celebrase mañana, miércoles 14 d’abril, a les 12,30 hores nel llar social de l’Academia (c/ Marqués de Santa Cruz 6 2u, d’Uviéu), onde va roblase’l pautu de collaboración ente Bubok Publishing y la institución cimera de la nuesa llingua. Van firmar Ángel Herrera, alministrador de Bubok y Ana María Cano González, presidenta de l’ALLA. L’actu finará con una demostración.