Sociedá

La Fundación Belenos celebra esta fin de selmana’l so seminariu añal baxo’l títulu “Asturies un espaciu atlánticu: del castru a l’aldea”. La edición oncena del Seminariu d’Estudios Asturianos qu’entama la Fundación en La Puela d’Allande va cuntar cola participación del arqueólogu Xurxo Ayán Vila, l’etnógrafu Ástur Paredes y l’arquitectu Xuan Pedrayes Obaya.

El preciu de matrícula ye 40 €. La inscripción consideraráse fecha col ingresu en cuenta del preciu de matrícula. (FUNDACIÓN BELENOS Cuenta: 2048-0000-26-0340123307) Agospiu opcional en réxime de pensión completa na «Nueva Allandesa»: preciu por persona: 60 €. (Dende la xinta’l sábadu a la xinta’l domingu, too incluyío dafechu).

• PROGRAMA DEL SEMINARIU
PROGRAMA DEL SÁBADU
10:30 h
Presentación ya inaguración del XI Seminariu d’Estudios Asturianos
11:00 h
XURXO AYÁN VILA (Arqueólogu. Instituto “Padre Sarmiento”)
«Casa, familia ya comunidá na Edá del Fierro del NW: análisis arqueolóxicu d’una arquitectura doméstica atlántica».
12:30 h.
ÁSTUR PAREDES (Etnógrafu. Fundación Belenos)
«Les formes elementales de la casa tradicional nos países celtes: Irlanda, Escocia, Gales».
14:30 h.
Xinta
17:00 h.
XUAN PEDRAYES OBAYA (Dr. Arquitectu)
«La formación histórica del espaciu asturianu: del castru a l’aldea».
18:30 h.
ÁSTUR PAREDES (Etnógrafu. Fundación Belenos)
«Alrodiu la evolución del espaciu domésticu n’Asturies: de la ‘casa castreña’ a la ‘casa campesina’».
21:30 h.
Cena
23:30 h.
Filandón. Fiesta asturiana de nueite nel «Café Centro», con música del País.
PROGRAMA DEL DOMINGU
11:30 h
CONCEYU ABIERTU
Visita a dellos llugares de la fastera y conxusta alrodiu:
«Espaciu tradicional, aldea y arquitectura».
Amás de los ponentes, participará: Sonia García Rodríguez (Arqueóloga de la Arquitectura. CSIC)
14:30 h.
Xinta y piesllu del XI Seminariu

La Selmana de la Ciencia ye un eventu d’ámbitu européu que la Universidá d’Uviéu lleva diez años celebrando. Güei, martes 16 de payares, celébrase una conferencia a les cinco la siete y media la tarde, dedicada a los “Oceanos: la biodiversidá escondida”. Va celebrase na Facultá de Xeoloxía de Llamaquique, n’Uviéu.

Sicasí, yá dende pela mañana, a les nueve, va poder visitase la esposición “De la Tierra al Universu”, que va tar abierta hasta’l 15 d’avientu nel aulariu sur del Campus de Viesques, en Xixón.

Tamién esti martes, l’Edifciu Severo Ochoa, dedicáu a la investigación, va celebrar una xornada de puertes abiertes, de 9 a 17 hores. A esa hora les actividaes desplácense a Xeoloxía, con un taller tituláu “Detección y llocalización de terremotos”, abiertu como’l restu los actos, a tolos públicos.

Programa completa de la Selmana de la Ciencia

El sábadu 20 de payares, Graciano García, presidente eméritu vitaliciu de la Fundación Príncipe d’Asturies va ser nomáu patronu d’honor de la Fundación Caveda y Nava nes sos octaves xornaes, que como siempres van tener llugar en Villaviciosa.

Graciano García fundó nos años setenta la revista “Asturias Semanal”, onde apaeció la estaya Conceyu Bable, que dio entamu al surdimientu de la llingua asturiana y la so reivindicación moderna.

L’añu pasáu foi nomáu miembru Vicente Gotor, rector de la Universidá d’Uviéu; y n’otres ocasiones fueron nomaos Enrique Castro “Quini”, futbolista; Gabino Díaz Merchán, arzobispu d’Uviéu; o Emilio Marcos Vallaure, director del Muséu de Belles Artes.

La Conseyería de Cultura y Turismu y el Centru Oceanográficu de Xixón entamen güei, miércoles 10 de payares, el III Día de les Ciencies Asturianes que, dedicáu a la biodiversidá marina, va tar protagonizáu poles conferencies de dos especialistes na materia: el Dr. Carles Pedrós-Alió, del Institutu de Ciencies del Mar de Barcelona y la Dra. Gritta Veit-Köhler, del Centru Alemán pa la Investigación en Biodiversidá Marina, Institutu d’Investigación Senckenberg, asitiáu en Wilhelnshaven.

L’actu va entamar a les doce la mñana nel Salón d’Actos del Acuariu de Xixón, nel Paséu de la Playa de Poniente. A los y les asistentes va entregáse-yos un exemplar con testos d’entrambos los dos investigadores.

El llunes 13 d’avientu van entamar les Xornaes de Cultura Tradicional Zamorana, organizaes pola asociación Furmientu y la collaboración de Caxa España y la Diputación de Zamora. Nes Xornaes van celebrase trés ponencies alredor del patrimoniu cultural y popular de la provincia.

El día 13 va sentise la conferencia “Archivo de escritura popular”, a cargu de Pablo Tobal Sarto, de l’Asociación Etnográfica Bajo Duero. El martes 14, sedrá Pedro Gómez Turiel, miembru de Furmientu, quien imparta la conferencia “El asturleonés de Aliste en el s. XXI”.

La xornada cabera va facese’l día 15, baxo’l títulu “La arquitectura tradicional en Aliste. La necesidad de su difusión preventiva”, el tamién sociu de Furmientu José Félix Pérez Lorenzo disertará sobre esta parte del patrimoniu de la comarca alistana.

La Fundación Belenos celebra esti añu’l so seminariu añal baxo’l títulu “Asturies un espaciu atlánticu: del castru a l’aldea”. La edición oncena del Seminariu d’Estudios Asturianos qu’entama la Fundación en La Puela d’Allande los próxmios díes 20 y 21 de payares, va cuntar cola participación del arqueólogu Xurxo Ayán Vila, l’etnógrafu Ástur Paredes y l’arquitectu Xuan Pedrayes Obaya.

El preciu de matrícula ye 40 €. La inscripción consideraráse fecha col ingresu en cuenta del preciu de matrícula. (FUNDACIÓN BELENOS Cuenta: 2048-0000-26-0340123307) Agospiu opcional en réxime de pensión completa na «Nueva Allandesa»: preciu por persona: 60 €. (Dende la xinta’l sábadu a la xinta’l domingu, too incluyío dafechu).

• PROGRAMA DEL SEMINARIU
PROGRAMA DEL SÁBADU
10:30 h
Presentación ya inaguración del XI Seminariu d’Estudios Asturianos
11:00 h
XURXO AYÁN VILA (Arqueólogu. Instituto “Padre Sarmiento”)
«Casa, familia ya comunidá na Edá del Fierro del NW: análisis arqueolóxicu d’una arquitectura doméstica atlántica».
12:30 h.
ÁSTUR PAREDES (Etnógrafu. Fundación Belenos)
«Les formes elementales de la casa tradicional nos países celtes: Irlanda, Escocia, Gales».
14:30 h.
Xinta
17:00 h.
XUAN PEDRAYES OBAYA (Dr. Arquitectu)
«La formación histórica del espaciu asturianu: del castru a l’aldea».
18:30 h.
ÁSTUR PAREDES (Etnógrafu. Fundación Belenos)
«Alrodiu la evolución del espaciu domésticu n’Asturies: de la ‘casa castreña’ a la ‘casa campesina’».
21:30 h.
Cena
23:30 h.
Filandón. Fiesta asturiana de nueite nel «Café Centro», con música del País.
PROGRAMA DEL DOMINGU
11:30 h
CONCEYU ABIERTU
Visita a dellos llugares de la fastera y conxusta alrodiu:
«Espaciu tradicional, aldea y arquitectura».
Amás de los ponentes, participará: Sonia García Rodríguez (Arqueóloga de la Arquitectura. CSIC)
14:30 h.
Xinta y piesllu del XI Seminariu

La Conseyería de Cultura y Turismu y el Centru Oceanográficu de Xixón entamen esti miércoles, 10 de payares, el III Día de les Ciencies Asturianes que, dedicáu a la biodiversidá marina, va tar protagonizáu poles conferencies de dos especialistes na materia: el Dr. Carles Pedrós-Alió, del Institutu de Ciencies del Mar de Barcelona y la Dra. Gritta Veit-Köhler, del Centru Alemán pa la Investigación en Biodiversidá Marina, Institutu d’Investigación Senckenberg, asitiáu en Wilhelnshaven.

L’actu va entamar a les doce la mñana nel Salón d’Actos del Acuariu de Xixón, nel Paséu de la Playa de Poniente. A los y les asistentes va entregáse-yos un exemplar con testos d’entrambos los dos investigadores.

L’Academia de la Llingua Asturiana celebró la selmana pasada la XXIX edición de les Xornaes Internacionales d’Estudiu, nes que participaron Xosé Lluis García Arias, que foi homenaxeáu pola ALLA, Miguel Ramos Corrada, Gerold Hilty, Dieter Kremer, Jean Germain, Marta Mori o James Fernández McClintock, ente otros munchos.

Asturnews ufra una galería de semeyes de los actos, que pue consultase na páxina d’esti diariu en Facebook.

Álbum de semeyes de les Xornaes Internacionales d’Estudiu de l’ALLA

“Padre de la Filoloxía Asturiana con mayúscules”, asina se refería ayeri Ana Cano, presidenta de l’Academia de la Llingua Asturiana al so predecesor nel cargu, el Profesor Xosé Lluis García Arias, que por mor del so 65 cumpleaños recibió l’homenaxe de l’Academia y la Universidá d’Uviéu. El Rector de la Universidá, Vicente Gotor, dixo d’Arias nes pallabres que-y dedicó “que-y dio encontu ciénfiticu a la reivindicación del asturianu”.

Nel actu participaron tamién el decanu de la Facultá de Filosofía y Lletres, Jesús Menéndez Peláez y el director de la Obra Social de Caxastur, entidá que financió l’actu y la publicación del llibru-homenaxe.

Ana Cano presentó amás trés publicaciones dedicaes al autor, un llibru en dos tomos, de más de mil páxines, con trabayos de 50 autores dedicaos a García Arias, que sal como anexu de Lletres Asturianes; un volume colos trabayos d’Arias sobre la toponimia de Teberga y, amás, la reedición facsimilar de “Llingua y Sociedá”, primer ensayu n’asturianu, espublizáu pol homenaxeáu en 1977.

Ente los asistentes, escritores como Esther García o Xandru Martino, filólogos, hestoriadores como Rafael R. Valdés, profesores como Miguel Ramos Corrada o Xosé Antón González Riaño, xente de la cultura como los músicos Nacho Fonseca y Carlos Rubiera o’l realizador Pablo Quiroga, amás d’otres figures destacaes de la sociedá asturiana, como’l diputáu casquista del PP, Reinerio Álvarez-Saavedra; Xicu Yepes, conceyal d’Unión Asturianista en Villaviciosa y los xuristes Nicolás Pérez y Xurde Blanco, ente otros.

Asturnews ufre vidiu de toles intervenciones, incluyendo la de García Arias, que fizo una defensa del llabor del filólogu investigador.

L’homenaxe a Arias en vidiu:

Intervención d’Ana Cano:

Intervención de Jesús Menéndez, Decanu de Filosofía y Lletres:

Intervención del Rector, Vicente Gotor:

Intervención de Xosé Lluis García Arias:

Arias recibe l’aplausu del públicu:

Nel día de güei el TSX d’Asturies apurrió a los trés miembros del Conceyu por Otra Función Pública n´Asturies responsables del recursu contenciosu – alministrativu la Sentencia nº 1208/10, de 29 d’ochobre, na que s’anula nuevamente’l sistema dixital de nomamientos de funcionarios que yá fuera declaráu illegal na anterior sentencia de 30 d’abril de 2010 ( 281 puestos de Xefes de Serviciu, Coordinadores , Asesores y similares, ampliaos en 10 más por Autu de 22 de xunu de 2010), anulación que s’estiende a otros ocho puestos más creaos con posterioridá.

El Gobiernu del Principáu d’Asturies, llueñe de cumplir de forma responsable los distintos resolvimientos xudiciales que dende l’añu 2009 vienen declarando la illegalidá del usu masivu de la ” llibre designación” como métodu de nomamientu de funcionarios, en consonacia cola xurisprudencia constante y uniforme del Tribunal Supremu, y sustituyir esti procedimientu escepcional y estraordinario pol normal y ordinariu del concursu de méritos; entró nuna carrera allocada de rebeldía frente al Derechu, aprobando una nueva relación de puestos de trabayu’l 18 de marzu de 2009, qu’agora s’anula, na que se caltien el métodu del “deu” pa los puestos nos que yá se declaró ilícitu, y estiéndese a dellos más, que de nuevu declárense illegales.

Les sentencies anteriores del TSXA nun fueron executaes hasta la fecha porque’l Gobiernu asturianu, actuando irresponsablemente col dineru de los ciudadanos y ciudadanes d’Asturies, decidió recurriles en casación ante’l Tribunal Supremu, a sabiendes de la imposibilidá xurídica de que los recursos puedan espolletar, nuna política de “tierra quemada” que pretende treslladar a los futuros gobernantes una Función Pública caótica y absolutamente degradada.

“Cola fin d’echar la recuarta a esti estáu de coses, manifiestamente lesivu pa los intereses d’Asturies”, el Conceyu por Otra Función Pública n´Asturies anuncia que va solicitar la execución provisional de la sentencia.