Sociedá

El nuevu ministru de cultura, Miquel Iceta tomó posesión del so cargu esti llunes nun actu celebráu na see ministerial nel que recibió la cartera de manos del so predecesor, José Manuel Rodríguez Uribes, y nel que tamién tuvo presente la ministra de Facienda, María Jesús Montero.

Dende esti llunes 5 de xunetu va volver a ser posible aportar al interior de les cuatro biblioteques municipales d’Avilés (Bárganos Candamo, Los Canapés, La Lluz y La Carriona). Asina, amás de siguir col serviciu de préstamu, podrá aportase físicamente a les sales nes que s’alluguen los fondos, y recupérase la consulta de prensa y revistes.

Con fecha 30 de xunu de 2021 a les 11 hores tuvo llugar la xunta de la comisión de valoración de la convocatoria pa la selección de propuestes pa la ellaboración d’un catálogu de proyectos culturales pa promocionar y dinamizar la conmemoración del añu Xacobeéu 2021 y 2022 y posterior programación d’un circuitu d’actividaes temátiques nel Principáu d’Asturies.

Esti xueves, 24 de xunu, a les 12 hores, nel llar de l’Academia de la Llingua Asturiana preséntase l’Avance de Resultados de la III ENCUESTA SOCIOLLINGÜÍSTICA DEL NAVIA-EO.

La Secretaría Permanente de la Iniciativa Ciudaes Amigues de la Infancia, conformada por representantes del Ministeriu de Derechos Sociales y Axenda 2030, la Federación Española de Conceyos y Provincies (FEMP), l’Institutu Universitariu de “Necesidaes y Derechos de la Infancia y l’Adolescencia” (IUNDIA) y UNICEF España, alcordó anovar la reconocencia al Conceyu d’Uviéu como Ciudá Amiga de la Infancia nel marcu de la IX Convocatoria de Reconocencies 2021-2025.

Como resultancia final del proyectu educativu “Muyeres na Ciencia y la Tecnoloxía”, entámase esti alcuentru virtual nel que van participar tantu centros educativos de la ciudá como científiques o investigadores que van dar nome a los principales espacios de la conocida “Milla de la Conocencia Margarita Sales de Xixón”.

El conseyu d’alministración de la Sociedá de Desenvolvimientu La Curtidora SA, que se celebró por videoconferencia so la presidencia de l’alcaldesa, Mariví Monteserín aprobó la selmana pasada los servicios que se van ufiertar, coles sos correspondientes tarifes, n’Espaciu Maqua, el rehabilitáu Palaciu Maqua que ta llamáu a impulsar el sistema innovador y entamador d’Avilés.

La Oficina de Movilidá Internacional Xuvenil d’Avilés, “Europa Equí”, empecipia esta selmana una serie de viaxes  coles mires d’esquizar les nueves posibilidaes del voluntariáu n’España. L’oxetivu ye dar visibilidá a esti tipu de voluntariáu ente les persones nueves de la ciudá, por aciu la ellaboración d’un mapa nel qu’estos proyectos figuren geolocalizados. El mapa podrá consultase na web europaaqui.org.