Portada Sociedá Preséntase’l Circuitu “Muyeres y neñes na ciencia”

Preséntase’l Circuitu “Muyeres y neñes na ciencia”

by redacción asturnews

Como resultancia final del proyectu educativu “Muyeres na Ciencia y la Tecnoloxía”, entámase esti alcuentru virtual nel que van participar tantu centros educativos de la ciudá como científiques o investigadores que van dar nome a los principales espacios de la conocida “Milla de la Conocencia Margarita Sales de Xixón”.

Como resultancia del proyectu creose un circuitu o Ruta de les Científiques, percorriendo distintos espacios de la mesma. El so entamu atopase nel espaciu ufiertáu pola Escuela Politécnica d’Inxeniería de Xixón, onde va tar allugáu un monolitu informativu col mapa del circuitu, los nomes de les muyeres homenaxaes y los espacios que representen a caúna de los nueve científiques y tecnólogues escoyíes polos colexos.

Amás, mientres esti alcuentru va presentase una APP diseñada específicamente pa poder faer un percorríu piatonal, de forma circular, que percuerre dichu espaciu.

A lo llargo de los 5 kms y 9 puntos nos que s’estiende esta ruta, va poder conocese la trayectoria profesional de toes elles, amás d’información sobro los llugares de la Milla a los que representen.

Por aciu esta app, que tenéis disponible na store de IOS y Android, vais poder percorrela al vuesu ritmu, conociendo un pocu más un espaciu singular de la vuesa ciudá, y que constitúi’l distritu d’innovación de la mesma.

La nuesa ruta empieza na Escuela Politécnica d’Inxeniería, pa siguir en dirección Escuela de Marina, Intra, pasando pola ampliación de la Milla de la Conocencia, Hospital de Cabueñes, Llaboral Centru d’Arte y Llaboral Ciudá de la Cultura, Parque Científicu Tecnolóxicu y , p’acabar esta ruta circular, nel Xardín Botánicu.

Más información

Edificiu IMPULSA Organizador:
Xixón Impulsa-Dirección Xeneral de Igualdad Ayuntamiento de Xixón
Cuando: 18 de xunu de 2021 De 10:00 a 12:00

Tamién te podria gustar