Sociedá

El númberu de muyeres qu’ocupen el cargu de primer executivu (CEO) nes 500 mayores empreses del mundu nun llega al 3%, tal que recueye un estudiu publicáu ayeri por Ipsos pero naide fai un res por camudar la situación.

Al traviés del proyectu “Actívate” el conceyu d’Uviéu pon en marcha seis programes de formación y emplegu pa paraos de llarga duración col que va contratar a 48 persones mayores de 45 años que van recibir tamién orientación profesional pa reinsertarse dempués al mercáu llaboral.

Col plazu presentación de solicitúes hasta’l 26 de marzu vieno acabante convocase les ayudes añales a entidaes que desenvuelvan proyectos culturales en 2018 n’Avilés.

La convocatoria recién presenta cunta con una asignación presupuestaria de 99.500 euros. En 2017, 23 entidaes percibieron subvenciones por importe de 73.392,12 euros. Descargue equí les clauses que rixen la convocatoria

El Conceyu d’Avilés, al traviés del Serviciu de Promoción y Espardimientu de la Cultura, abrió esti miércoles 7 de marzu’l plazu de solicitú d’estes subvenciones a les que puen aspirar entidaes y asociaciones ensin ánimu d’arriquecimientu que desenvuelvan tantu la so actividá, como’l proyectu cultural oxetu de subvención, nel conceyu d’Avilés.

Podrán presentase solicitúes hasta’l llunes 26 de marzu na See Electrónica municipal (https://sedeelectronica.aviles.es/), nel Rexistru Xeneral del Conceyu d’Avilés (Serviciu d’Atención Ciudadana, S.A.C. de la Plaza d’España, 1) y nos rexistros auxiliares. Les clauses reguladores de la convocatoria, según los modelos d’impresos a rellenar, atópense disponibles para la so consulta y descarga al pie d’esta noticia.

La convocatoria cunta con una asignación presupuestaria de 99.500 euros, de los que 49.500 correspuenden a la Llínea 1 d’ayudes, y 50.000 a la Llínea 2. Les modalidaes d’actividaes y proyectos culturales incluyíes en caúna d’estes llínees son les siguientes:

Llínea 1:

Creaciones nel campu de les artes plástiques, artes interdisciplinares y multimedia: teatru, música, danza, fotografía, lliteratura, audiovisual, pintura, restauración patrimonial.

Actividaes de calter cultural y creativu acordies a los fines de la entidá solicitante y que fomente una actividá pública o d’interés social o que promocionen una finalidá pública

Llínea 2:

Cultura y música tradicional asturiana

Certames Corales

La cuantía máxima a conceder a cada entidá beneficiaria nun va poder superar el 100% del presupuestu del proyectu presentáu, y en nengún casu va ser cimeru a 5.000 ó 15.000 euros, nel casu de les concedíes dientro de la Llínea 1 y nel casu de los proyectos subvencionaos dientro de la Llínea 2 respeutivamente. Cada entidá solicitante va poder presentar un solu proyectu per llínea de subvención.

Uviéu va de lila y celebra el 8M encamentando a la ciudadanía a sumase a la fuelga pol Día Internacional de la Muyer.

El I Alcuentru Européu de Conseyos Locales y Rexonales de Participación Infantil y Adolescente tuvo llugar del 1 al 5 de marzu n’Avilés nes instalaciones de la Residencia d’Usos Múltiples del Edificiu Fueru, cola participación de moces y mozos d’edaes entendíes ente los 14 y los 17 años.