Política

Nuna sorpresiva propuesta que fai albidrar que ya tuvieren apautada la cuestión, el Presidente de la Xunta de Galicia, Emilio Pérez Touriño, propunxo al Presidente José Luis Rodríguez Zapatero que el nuevu modelu de financiación tenga en cuenta, por primera vegada, el coste deriváu del fechu diferencial de tener llingua propia, petición pala que Zapatero amosó la mayor receptividá. De llograse esti pruyimientu Asturies perdería una importante financiación pola necedá de los partíos mayoritarios al nun declarar la oficialidá del asturianu.

Asturies ya pierde ayudes importantes d’Europa por nun tener llingua oficial, pero’l colmu diba ser yá que perdiere tamién financiación del Estáu por tener una llingua dafechamente normalizada y con presencia na educación y nun querer declarala oficial y caltenela nun estatus xurídicu estrañu a la Constitución y a la situación de toles llingües que se falen n’España.

Según anunció en rueda de prensa Ana Rosa Migoya, Conseyera de Presidencia y Vocera del Gobiernu d’Asturies, el Presidente Areces va entamar esti llunes un cursu básicu de llingua asturiana que va recibir nel so propiu despachu y con una periocidá de trés díes selmanales, variando según les sos necesidaes d’axenda. Al paecer esti pasu forma parte de les condiciones impuestes por Izquierda Xunida-Bpa-LV a la FSA-PSOE pal nuevu pautu de gobiernu n’Asturies y vieno a reforzase cola anuncia de Zapatero de que va compensar a les comunidaes con llingua oficial.

Amás, y según anunció tamién la Vocera del Gobiernu, el discursu de Navidá que suel echar el presidente d’Asturies en Nuechevieya, va emitise esti añu en dos versiones, lleíes pol propiu presidente Areces, en castellán y n’asturianu.

Migoya comentó na rueda de prensa que con esti pasu, “vuelve a demostrase la sensibilidá del Gobiernu de la FSA y del propiu Presidente pa cola llingua asturiana”, que recordó, “nun ye nuevu nel presidente Areces”, en referencia a la so participación nos años setenta de les manifestaciones a favor del “bable nes escueles”.

Los llectores más “inocentes” d’Asturnews ablucaron ayeri cola conversión asturianista d’Areces

El Partíu Asturianista ta acabante asoleyar un númberu nuevu de la revista “L’asturianista”. Nesti númberu segundu entrevistes a Xesús Cañedo, Secretariu Xeneral del PAS y a Sergio Marqués, ex presidente d’Asturies y presidente d’honor de la URAS.

Amás, esti númberu dos inclúi artículos de dellos militantes del Partíu Asturianista y noticies sobres les cuestiones polítiques más d’actualidá nos meses últimos.

Descarga’l númberu dos de la revista, de baldre

El Bloque por Astuires vieno acabante pedir esti día al presidente del Gobiernu asturianu, Vicente Álvarez Areces, qu’incorpore a la so petición sobre financiación autonómica la demanda gallega de recursos pa la financiación de los gastos que suponen el tener una llingua propia.

El secretariu d’Organización de la Federación Socialista Asturiana, Jesús Gutiérrez, considera que proyeutos como l’embalse de Caliao (Casu) o la construcción d’una incineradora en Serín (Xixón), “siguen alantre”. Según informó la FSA-PSOE al traviés d’una nota prensa, Gutiérrez fizo estes declaraciones nuna entrevista emitida esti llunes por RNE que se grabó la selmana pasada. El mandatariu socialista señaló qu’una de les principales esmoliciones de los socialistes ye garantizar el suministru d’agua de calidá pa los asturianos nos próximos 50 años.

L’alcalde de Piloña, el socialista Camilo Montes, va destituir como miembru del equipo de gobiernu al teniente d’alcalde, José Antonio García ‘Allende’ dspués de que fora declaráu tránsfuga na comisión nacional del pautu antitransfuguismu. La noticia diola’l propiu alcalde nuna rueda de prensa xunta la secretaria de Política Municipal de la FSA-PSOE, Adriana Lastra.

El secretariu xeneral del PP d’Asturies, Fernando Goñi, desixó esti xueves a la Federación Socialista Asturiana (FSA) qu’aparte al edil espulsáu d’Izquierda Asturiana (IAS), José Ángel García Fernández, ‘Allende’, del Gobiernu Municipal de Piloña, en cumplimientu del Pactu Antitrasnfuguismu.

El xueves, la Comisión ‘Antitransfuguismu’ apau´tose n’unviar al comité d’espertos, qu’emite dictames que deben acatar los partíos, el casu de ‘Allende’, elixíu nes últimes elecciones por Izquierda Asturiana (IAS) y que dempués dio’l so apoyu pa que l’alcalde, el socialista Camilo Montes, gobernare nel Ayuntamientu. PP ya IAS fueron les organizaciones que llevaron a la Comisión Antitransfuguismu el casu y que nun llograron un alcuerdu firme pola negativa de los representantes de la FSA a aceutar la propuesta.

Goñi recordó que José Ángel García Fernández

El grupu parlamentariu IX-BA-LV dixo güei por boca del so voceru, Francisco Javier García Valledor, nun sentise espeyáu nel presupuestu pa les polítiques mediuambientales “que nun se corresponde col alcuerdu de gobiernu firmáu ente la FSA-PSOE ya IX-BA-LV, nel qu’espresen ambiciosos compromisos mediuambientales”. Pa IX-BA-LV “nun ye razonable que’l proyectu presupuestariu pa 2009 suponga un amenorgamientu del 2,4% en relación al proyectu que’l gobiernu socialista en solitario proponía pa 2008”.

El proyectu rechazáu en 2008 contemplaba 94.395.530 € frente a los 92.123.431 € del proyectu pa 2009.

Por programes l’único que xorrez ye’l de saneamientu y abastecimientu que pasa de 53.431.115 € a 58.400.641 €, y que ye una cuestión obligada pol conveniu de calidá de les agües firmáu col gobiernu del Estáu y que ye cofinanciáu, ye decir “tenemos qu’aportar la cantidá necesaria dende los presupuestos autonómicos para poer recibir la parte de financiación estatal nes inversiones que tán previstes nel plan con carácter plurianual”.

José Antonio Madiedo renunció al cargu de director xeneral de Pesca del Principáu dientro de la Conseyería de Mediu Rural, pal que lu pronunxo’l nuevu conseyeru de mediu Rural Aurelio Martín. Madiedo atribúi a motivos “esclusivamente personales y familiares” la so renuncia al cargu, según informó la Conseyería al traviés d’una nota prensa.

José Antonio Madiedo Piñera, de 35 años d’edá, ye llicenciáu n’Alministración y Xestión d’Empreses pola Universidá de San Luis (EE.UU) y trabaya anguaño como profesor asociáu na Universidá de Massachusetts y como profesor visitante del Amherts College.

El portavoz de la FSA, Fernando Lastra, ganador del “Madreñazu”, l’antipremiu de la Xunta Pola Defensa de la Llingua, fizo promesa por carta de siguir nel so llabor d’enemigu declaráu de la normalización de la llingua asturiana, asegurando que la so intención ye la de ser merecedor del antipremiu con más gana nel futuru. Hai que facer rescamplar que la so contestación coincide nel tiempu col asoleyamientu del informe sobre les llingues minorizaes del Conseyu d’Europa, onde se critica espresamente a l’alministración asturiana y a la del Estáu por nun tomar midíes urxentes y firmes de compromisu col idioma propiu d’Asturies, y onde se demanda la oficialidá como una de les bases fundamentales p’asegurar la sobrevivencia d’esta llingua milenaria.

Fernando Lastra, portavoz de la FSA y premiáu col “Madreñazu”, contestó que diba facer por merecer el premiu con más gana, coincidiendo col tirón d’oreyes que’l Conseyu d’Europa-y da a l’alministración asturiana.

El conteníu lliteral de la carta unviada por Fernando Lastra ye’l que vien darréu:

El sábadu 20 d’avientu, a les 19:30 hores, nel Salón d’Actos del Antiguu Institutu de Xixón, la Xunta pola Defensa de la Llingua Asturiana va entregar los sos Premios Andrés Solar.