Política

L’alcaldesa d’Avilés negaba esti día que los 12.000 euros qu’entrega l’Ayuntaientu a UXT vayan dirixíos a conferencies como la de Garzón.

L’alcaldesa d’Avilés, Pilar Varela dixo nel Plenu ordinariu d’Avilés que l’Ayuntamientu “nun financió” la conferencia qu’ufrió’l xuez de l’Audiencia Nacional Baltasar Garzón dientro de la Escuela Internacional de branu de la UXT en setiembre del añu 2007, pola que’l maxistráu cobró 12.000 euros.

La primer edil fizo estes manifestaciones pa retrucar la entruga del voceru del PP d’Avilés, Constantivo Álvarez, nel Plenu ordinariu onde l’edil popular-y entrugó a l’alcaldesa si los 12.000 euros colos que se sovenciona añalmente a UXT, valió pa pagar la conferencia de Garzón.

El conceyu d’Uviéu d’UNA pide que se tea en consideración la hestoria, cultura y personalidaes destacaes d’Asturies nel cambiu de nomes de cais de la capital énte’l procesu abiertu de sustitución de los nomes franquistes.

La federación de partíos Unidá Nacionalista Asturiana (UNA), solicita al consistoriu uviedín y a la Comisión encargada d’evaluar los posibles nomes nuevos de les cais, aveníes y places de la capital d’Asturies, “que tea en consideración la hestoria, cultura y personalidaes destacaes propies d’Asturies a la hora d’escoyer dichos nomes”, llamentando qu’anguaño la ciudá “cadez del merecíu reconocimientu a los representantes d’estos ámbetos, calificando la ocasión que se mos presenta d’única y magnífica pa facer rialidá esti fechu”.

Poro, dende’l conceyu d’Uviéu d’Unidá Nacionalista Asturiana (UNA) solicítase que se tomen, ente otros, los nomes de dalgunos de los principales escritores en llingua asturiana y representantes de la cultura del país en tolos ámbetos (musical, pictóricu, teatral, deportivu, arquiteutónicu y escultóricu, etc.), asina como feches y acontecimientos claves na hestoria d’Asturies

La Federación Norte d’España de Ciudadanos-Partíu de la Ciudadanía solicitó gesti día al presidente electu de la Xunta de Galicia, Alberto Núñez Feijoo, que “non sólo cumpla la so promesa d’anular la LLei de Normalización Llingüística, sinón que ponga frente a la espansión del gallegu en dellos pueblos d’Asturies, entamada pol BNG”.

Al traviés d’una nota de prensa, esti partíu asegura que “conceyos asturianos como A Veiga, Castropol o As Figueiras vienen sufriendo la irracionadliá de les polítiques nacianliegues del anterior gobiernu, que fueron más allá de lespropies fronteres autonómiques”. Solicitó a Núñez Feijoo “que se comprometa a poner frenu darréu a esti illóxicu procesu, que garantice la non intromisión del Executivu gallegu nos conceyos asturianos, y qu’en nome de les instituciones gallgues, pida disculpes y llimpie esti historial de vergoñoses actuaicones de los nacionalistes del Bloque”.

“Entendemos”, añade la nota, “que nun se pue tratar d’establecer artificialmente una llingua nuna población que nin la conoz, nin la usa, nin tien nenguna predisposición a ello”. “Consideramos qu’esti ye un exemplu más del alloñamientu de los nacionalistes del principiu de realidá y sen común”, acabó.

ERC quier que’l Congresu exixa güei al Gobiernu un calenariu pa estender les llingües cooficiales Propón siguir el “modelu” llingüísticu catalán y que “la normalización” llegue tamién a la Cámara Baxa

Esquerra Republicana va defender güei ante’l Plenu del Congresu una moción cola que persigue que la Cámara muestre’l so apoyu al modelu llingüísticu catalán y afale al Gobiernu a que presente, nel plazu d’un mes, un calendariu p’algamar la plena normalización del usu de les llingües cooficiales en tola Alministración Xeneral del Estáu a lo llargo d’esta llexislatura. Esti plan deberá incluyir, según ERC, actuaciones pa llograr que los diputaos puean utilizar el catalán, el gallegu, y el ‘euskera’ nel Congresu. El testu que van someter a votación a los republicanos, difundíu esti dia por dellos medios de comunicación, ye por mor de la entruga sobre esti asuntu que’l diputáu Joan Tardá dirixó’l pasáu miércoles nel plenu a la ministra d’Alministraciones Públiques, Elena Salgado.

Los independentistes catalanes dividieron la so moción en dos partes. La primera tien como oxetivu que’l Congresu manifieste’l so apoyu al modelu llingüísticu catalán y a la plena “normalización” del usu de les llingües cooficiales en “toles esferes de la vida pública”.

ERC plantega que’l Congresu encamienta al Gobiernu a que promueva la incorporación del catalán, el gallegu y l’euskera nos órganos constitucionales y especialmente nel Congresu de los Diputaos. Los republicanos, que defenden activamente l’usu d’estes llingües na Cámara Baxa dende l’anterior llexislatura, tenten agora col so testu y que’l Gobiernu s’implique pa facer realidá esta reivindicación.

Nesti sen ERC propón que primero del branu s’establezan mecanismos de rellación y coordinación ente’l Conseyu de les Llingües Cooficiales de l’Alministración Xeneral del Estáu y les Cortes Xenerales

ERC quier que’l Congresu desixa al Gobiernu l’espardimientu de les llingües cooficiales, siguiendo el “modelu” llingüísticu catalán ypa que “la normalización” llegue tamién a la Cámara Baxa.

Esquerra Republicana va defender güei ante’l Plenu del Congresu una moción cola que persigue que la Cámara muestre’l so apoyu al modelu llingüísticu catalán y afale al Gobiernu a que presente, nel plazu d’un mes, un calendariu p’algamar la plena normalización del usu de les llingües cooficiales en tola Alministración Xeneral del Estáu a lo llargo d’esta llexislatura. Esti plan deberá incluyir, según ERC, actuaciones pa llograr que los diputaos puean utilizar el catalán, el gallegu, y el ‘euskera’ nel Congresu. El testu que van someter a votación a los republicanos, difundíu esti dia por dellos medios de comunicación, ye por mor de la entruga sobre esti asuntu que’l diputáu Joan Tardá dirixó’l pasáu miércoles nel plenu a la ministra d’Alministraciones Públiques, Elena Salgado.

Los independentistes catalanes dividieron la so moción en dos partes. La primera tien como oxetivu que’l Congresu manifieste’l so apoyu al modelu llingüísticu catalán y a la plena “normalización” del usu de les llingües cooficiales en “toles esferes de la vida pública”.

ERC plantega que’l Congresu encamienta al Gobiernu a que promueva la incorporación del catalán, el gallegu y l’euskera nos órganos constitucionales y especialmente nel Congresu de los Diputaos. Los republicanos, que defenden activamente l’usu d’estes llingües na Cámara Baxa dende l’anterior llexislatura, tenten agora col so testu y que’l Gobiernu s’implique pa facer realidá esta reivindicación.

Nesti sen ERC propón que primero del branu s’establezan mecanismos de rellación y coordinación ente’l Conseyu de les Llingües Cooficiales de l’Alministración Xeneral del Estáu y les Cortes Xenerales

Los Conceyos d’Andecha Astur de Siero y de Noreña consideren que dende los Ayuntamientos mentaos “tienen de siguir l’exemplu de los de L.lena y Cangas, ya incluir dientro de los méritos puntuables p’acceder a emplegu públicu ufiertáu l’asturianu”. Poro, pídeyos a los gobiernos municipales qu’incluyan la conocencia de la llingua asturiana como un méritu.

Andecha Astur camienta que ye “perfectamente asumible polos ayuntamientos de Siero y Noreña”. P’Andecha ye “lóxico y normal que se valore positivamente la conocencia de la llingua asturiana a la hora de trabayar nuna Casa Conceyu dende la que se tien qu’atender a ciudadanos y ciudadanes que, según afita la llexislación vixente, pero sobre too el sentíu común, tienen el drechu de rellacionase cola Alministración pública n’asturianu, si asina-yos peta”.

P’AA “nun ye lóxico que se puea valorar, por exemplu, un cursin de mecanografía y non el conocimientu de la llingua propia, más cuando los vecinos y vecines tienen derechu a usala”.

El coordinador xeneral d’Izquierda Xunida d’Asturies, Jesús Iglesias, calificó ayeri d’”absurdo y kafkiano” que “dalguién vea como un problema que se valore como dalgo positivo” la conocencia del asturianu nos concursos d’empléu públicu. Pal llíder de la formación d’izquierdes, “la cuestión nun tien por qué afectar al pactu de Gobiernu autonómicu” ente PSOE ya IX-BpA-LV, “yá que ye una decisión llocal, xustificada dafechu”.

Pal diputáu d’IX en conceyos como L.lena o Cangas “ye onde meyor s’entienden estes cuestiones, pues munchos de los habitantes usen l’asturianu”. Iglesias quitó-e importancia a esta polémica. Yá que como recordó l’alcade de L.lena, que l’asturianu cuente de forma positiva “nun va perxudicar a nadie”.

L’alcalde comentó tamién que pal gobiernu de L.lena “ye drechu plenu de los vecinos el poder xestionar cuestiones cola alministración n’asturiany”. Creyendo amás, l’edil l.lenense que “ye necesario dir avanzando na potenciación del asturianu”. “Esto nun ye una imposición”, dixo, “hai que dir concienciando de la importancia d’estes midíes pa evitar la perda de la llingua, un valor importante”.

Énte les declaraciones de los Alcaldes de los conceyos d’Occidente en rellación cola midida de la Casa Conceyu de Cangas d’iguar los derechos de los ciudadanos “y nun discriminalos pola llingua que falen, UNA quixo dexar nidio nun comunicáu que la Llei d’Usu y Promoción del Asturianu “especifica claramente que les cases de conceyu puen poner en prautica les midíes que faigan falta p’asegurar la efectividá de los drechos llingüísticos de los asturianos (art. 8.1)” lo que paUNA, “xustifica la midida na Casa Conceyu y en tolos que quieran iguar los drechos de los asturianos”.

Pa Miguel Ánxel Díez Coordinador de UNA: “Les declaraciones de los alcaldes de Tinéu, Salas y Grandas obedecen a una subordinación total a la FSA que teniendo atada la llingua asturiana nel gobiernu col pautu con BA-LV-IU resulten-y incómodos dalgunos conceyos que nun tán baxo’l so control”.

Dende Unida Nacionalista Asturiana “sofiten y sofitarán” les midíes qu’intenten acabar cola clara discriminación llingüística “que padecemos n’Asturies” y faen un envís a tolos ciudadanos pa que falen n’asturianu “ensin complexos y denuncien cualesquier tratu discriminatoriu”.

El Partíu Asturianista (PAS) espresó nun comunicáu “la so más fonda llerciu pol histéricu ataque del PSOE y del PP per aciu de los sos portavoces Sra. Migoya y Sr. Aréstegui respectivamente contra la propuesta del Ayuntamientu de Cangas de aponderar el conocimientu de la Llingua Asturiana nel concursu d’accesu a l’emplegu municipal nel Conceyu”, una decisión que pal PAS pue sofitase defachu na Llei d’Usu y Promoción de la Llingua Asturiana.

Dende’l Partíu Asturianista (PAS) dicen venir denunciando cuantayá l’incumplimientu de dicha Llei pol Gobiernu Asturianu (PSOE-IU) “de magar la llexislatura cabera, como la d’anguaño”. Pal PAS “abellugase nesa Llei pa baltiar la propuesta del Ayuntamientu de Cangas, ye una burlla y un despreciu pa con tolos asturianos por parte d’esti Gobiernu del PSOE ya IU”.

D’otru mou, el PAS confirma “el cinismu del PP, que denuncia al altu la yeba l’atozu del PSOE, per aciu de la so ferramienta mediática pal so desprestixu, y nun s’esmolez un res n’echa-y una gabita nel arrequexamientu de la Llingua Asturiana y combayando col PSOE-IU nel esaniciu de la mesma”.“Por too ello”, comenten dende’l Partíu Asturianista, “sofitamos al Ayuntamientu de Cangas y encaméntamoslu a caltener la propuesta”.

La formación política Andecha Astur camienta positiva la manifestación d’esti sábadu, yá que “nos tiempos caberos la llingua asturiana vien sofriendo importantes y numberosos ataques no que cinca al so enseñu y a la so presencia nel sistema educativu: dende’l so arrequexamientu, col estatus de “minor”, nos planes d’estudiu de la Facultá de Filoloxía al intentu de facela esapaecer de les enseñances reglaes de la Escuela de Maxisteriu pasando pola situación d’illegalidá, según afita’l Tribunal Supremu, de les plantíes funcionales de docentes, que dexa al debalu a los mayestros y mayestres d’asturianu. Ataques colos que s’intenta dexar ensin posibilidá de formación a los futuros mayestros d’asturianu y que recorten los drechos de los que yá lo son”.

Poro, Andecha Astur sofita públicamente la manifestación que la Xunta pola Defensa de la Llingua Asturiana (XDLLA) convoca, baxo’l lema “En Maxisteriu y nel sistema educativu, la llingua asturiana ¡como les demás!”, pal prósimu sábadu, 7 de marzu, n’Uviéu y fai un llamáu a los sos militantes y simpatizantes pa qu’acudan a una movilización na qu’esta organización política reivindicará, “la oficialidá pal asturianu como midida irrenunciable pa finar con estos ataques a la nuesa llingua y normalizar dafechu la so presencia nel sistema educativu”.

Andecha Astur quixo aprovechar el comunicáu pa denunciar, la que consideren “postura pasiva y claudicante de les estayes d’enseñu de los sindicatos españoles UXT y CCOO, no que cinca a la situación de los mayestros y mayestres d’asturianu, y de los partíos políticos Izquierda Unida y Bloque por Asturies (casualmente toos ellos miembros d’una plataforma pro-drechos llingüísticos como ye’l Conceyu Abiertu pola Oficialidá), que pautaron un alcuerdu de gobiernu col PSOE renunciando dafechu a la oficialidá de la llingua asturiana” a cambiu, a xuiciu d’AA, “d’algamar puestinos bien remuneraos nel organigrama del Gobiernu’l ‘Principáu’”.