Política L’aranés yá ye oficial: sólo queda la llingua asturiana by asturnet 22 de setiembre, 2010 El Parlament vieno acabante d’apautase esti miércoles colos votos del tripartitu y CiU n’probar la Llei del Occitano, que reconoz l’aranés como llingua oficial de Catalunya y comprométese darreu a la difusión de la llingua propia de la Vall d’Aran. La llei va fomentar l’aranés y regular so oficialidá y emplegu nes instituciones propies de la Vall d’Aran y de la Generalitat, que van tener d’usar l’occitano nes sos relaciones colos ciudadanos y nos sos alcuerdos. Darréu, amás, l’aranés tendrá de tener programación na televisión y na radiop públiques catalanes. El textu dexa afitao que l’aranés tien de ser la llingua preferente nos organismos de la Vall d’Aran y estipula que’l conocimiento de la llingua ha reconocese como un méritu a la hora de trabayar na alministración pública. 22 de setiembre, 2010 0 FacebookTwitterPinterestEmail
Política Bloque por Asturies quier acabar coles asignaciones a los grupos parllamentarios by asturnet 21 de setiembre, 2010 El diputáu del Bloque por Asturies, Roberto Colunga presentó nuna rueda de prensa la so propuesta de que se supriman les asignaciones económiques a los grupos parllamentarios de la Xunta Xeneral, lo que permitiría un aforru de 2,5 millones deuros, ensin questo suponga que se desanicien los espacios físicos, los elementos materiales y el personal afayadizu y suficiente pa desenrrollar con dignidá, igualdá, eficacia y la máxima eficiencial so llabor parllamentariu y latención a los ciudadanos y ciudadanes. Nesto momentos, y según datos ufríos por Bloque por Asturies, los partíos reciben les siguientes cantidaes al mes: – PSOE: 83.235´82 euros – PP: 80.923´71 euros – IX-LV: 41.617´84 euros al mes. – BpA: 3.500´11 euros Siendo les cantidaes añales recibíes polos Grupos Parllamentarios les siguientes: – PSOE: 998.829´84 euros – PP: 971.084´52 euros – IX-LV: 515.598´85 euros – BpA: 42.001´32 euros 21 de setiembre, 2010 0 FacebookTwitterPinterestEmail
Política El Coleutivu Pola Xuntanza valora los esfuercios por facer un actu unitariu l8-S by asturnet 20 de setiembre, 2010 El Coleutivu Pola Xuntanza valoró al traviés dun comunicáu los actos unitarios desendolcaos polos partíos nacionalistes l8 de setiembre. Pal coleutivu ciudadanu, que valora positivamente los esfuercios fechos, la so propuesta pasa por facer un solu actu unitariu en futures convocatories que cristalice nuna plataforma amplia de tol asturianismu y/o nacionalismu políticu nes vinientes eleiciones nacionales y de conceyos nel 2011. Pa Pola Xuntanza, esti nuevu escenariu posibilita alcuerdos ente los partíos asturianistes que fai un añu yeren improbables, colo que supón un avance na idea de facer una sola candidatura nacionalista nel 2011. La voluntá de los diferentes partíos nacionalistes de querer facer actos unitarios ye valorada de forma positiva pol Coleutivu Pola Xuntanza, poro consideren que sabre un nuevu ciclu políticu onde lasturianismu políticu tien dentendese col algame de puxar por un frente común nacionalista onde deben tar tolos partíos y sectores políticos que nagüen pola xuntanza del nacionalismu asturianu. 20 de setiembre, 2010 0 FacebookTwitterPinterestEmail
Política El PAS celebra 25 años con un conciertu de Xosé Ambás y Tuenda by asturnet 16 de setiembre, 2010 Dientro de los atos organizaos pol Partíu Asturianista (PAS) pa la celebración del so primer cuartu de sieglu dactividá política, la organización nacionalista tien previsto entamar un conciertu col grupu Tuenda y Xosé Ambas, el día 2 d’ochobre nel Auditoriu d’Uviéu. El conciertu ta abiertu pa tolos públicos, de forma llibre y gratuita y el PAS convida a tola sociedá astruaiana celebrar con ellos los sos primeros 25 años de vida como formación. 16 de setiembre, 2010 0 FacebookTwitterPinterestEmail
Política La toponimia de Quirós, Taramundi y los conceyos dOs Ozcos aprobada pol Gobiernu by asturnet 16 de setiembre, 2010 El Conseyu de Gobiernu autorizól 15 de setiembre los proyectos de Decretu polos que se determinen los topónimos oficiales de Quirós, Taramundi, Samartín dOzcos, Santalla dOzcos y Villanova dOzcos, según anuncia dada pola Dirección Xeneral de Política Llingüística. Con estos son yá 47 conceyos quacabaron la revisión de los sos topónimos tradicionales y otros 16 emprimaron esti procesu afaláu pola Conseyería de Cultura y Turismu al envís de recuperar la toponimia popular y incorporar de manera progresiva los nuevos topónimos oficiales a la señalización vial. Esti procesu emprimó nel añu 2004 cola constitución de la Xunta Asesora de Toponimia del Principáu, que dende entós vien desarrollando un trabayu bien intensu de revisión y determinación toponímica, movilizando a espertos en trabayu de campu y collaborando con autoridaes municipales y colectivos vecinales y culturales. Trátase dun procesu de revisión llargu y exhaustivu, entamáu tres de la petición de los propios ayuntamientos, onde intervienen los partíos políticos con representación municipal, los colectivos de vecinos, les asociaciones de la zona, lAcademia de la Llingua Asturiana y la Universidá dUviéu, mesmo quinvestigadores, encuestadores y espertos en toponimia. Según informa Política Llingüística, nunos díes van publicase estos decretos nel Boletín Oficial del Principáu dAsturies. 16 de setiembre, 2010 0 FacebookTwitterPinterestEmail
Política Bloque por Asturies pide respetu a la toponimia na Vuelta Ciclista a España by asturnet 13 de setiembre, 2010 El Diputáu del Bloque por Asturies, Roberto Colunga, pidió a la Vuelta Ciclista a España que respete la toponimia oficial asturiana, al traviés d’una carta al Director del eventu ciclita, que pasó estos díes per Asturies. El Bloque por Asturies púnxose a total disposición de el organizadores de la Vuelta Ciclista a España y propúnxo-yos que pa cualquier dulda sobre la redacción de los topónimos contactaren cola Conseyería de Cultura, que tien la obligación de faer que se respete la toponimia oficial. Roberto Colunga, que fizo pública la reclamación recuerda a la Oficina de Política Llingüística del Gobiernu dAsturies que tien de facer tolo posible pa consir que se cumpla coles obligaciones de respetar la toponimia. 13 de setiembre, 2010 0 FacebookTwitterPinterestEmail
Política Les trés convocatories del 8 de setiembre coinciden nel analís Asturies necesita un cambiu by asturnet 9 de setiembre, 2010 Los actos del Día de la Nación Asturiana celebraos polos partíos nacionalistes amosaron la esistencia dun discursu común, yá quen tolos actos coincidióse na necesidá de cambiar la situación políticia dAsturies. Trés convocatories, la de Xixon, Candás y Uviéu, con alredor de doscientes persones caúna, nes quotru de los temes trataos foi la necesidá dun xuntanza política ente los nacionalistes asturianos. Asturnews ufre semeyes de toles convocatories. Bloque por Asturies y UNA caminen phacial pautu electoral En Xixón lactu entamó con media hora de retrasu nos Xardinos del Nautico. Participaron nel actu lactor asturianu Toño Caamaño y representantes de dellos colectivos asturianos, como Javier Orozco, refuxáu políticu colombianu. Sicasí, la presencia más llamativa foi la del ex-conseyeru Javier García Valledor a la Plaza del Náutico, que según persones presentes nel actu acaparó tola atención de los medios. El tovía militante dIzquierda Xunida declaró sentise más cercanu al mensaxe desta convocatoria qual de la dirección dIX. Nel actu participaron dos representantes dAndecha Astur y miembros dotres formación, como FAI, que reclamó con folletos que se celebrel Día de la Nación Asturianal 25 de mayu. Amás del Bloque por Asturies , UNA y Andecha Astur, tuvieron nel actu les formaciones llocales UICA, Asturianistes por Nava, Más Corvera y S.XXI de Muros del Nalón, los sindicatos CSI y SUATEA y los colectivos Fai! y Entemecer. A la fin del actu diose llectura del manifiestu consensuáu poles fuercies presentes. Unión Asturianista (URAS-PAS) celebról Día de la Nación en Candás Unión Asturianista, coalición formada pol PAS y la URAS, celebró en Candás el Día de la Nación Asturiana. Dende primer hora de la mañana una carpa del PAS instalada nel centru de la villa candasina sirvió de llugar pa dar a conocer el mensaxe y les propuestes de la coalición, dientro de la campaña Y tu, ¿qué opines?. Nos actos participaron más de doscientes persones, según la formación. A la una y media la tarde entamó lactu políticu cola intervención del representante llocal dUnión Asturianista en Carreño. Darréu intervino Javier López, presidente dUnión Renovadora Asturiana, que recordó que los problemes xenerales afonden más nAsturies pola mor de la mala xestión de los partíos centralistes. Xuan Xosé Sánchez Vicente, presidente del Partíu Asturianista, peslló les intervenciones del Día de la Nación con un discursu nel que recordó la llarga hestoria de la nación asturiana única, xunto a Cantabria, con un nome diferenciáu cuando aportaron a la Península los romanos. Sánchez Vicente recordó les ansies dUnión Asturianista pol progresu dAsturies, que nun se da, recordaron pol mal facer del PSOE y el pasotismu del PP, que desprecien a Asturies y tán a ver que-yos manden facer dende Madrid. Les cais de Candás enllenáronse dempués de banderes del PAS y la URAS, percorriendo les cais hastal monumentu a la mar y a la mina, onde se fizo un homenaxe a los trabayadores asturianos nun momentu de crisis tan dura como esta. Nun llocal del conceyu celebróse dempués una xinta de xermandía na que, amás de los militantes de dambes formaciones, tuvieron presentes miembros de Xuventú Asturianista y Mariu Arbesú, Secretariu dOrganización dAndecha Astur, en representación del so partíu. Andecha Astur y otres formaciones pidieron democracia pAsturies N’Uviéu, a la una y media, entamó la manifestación del Día de la Nación Asturiana del colectivu Democracia p’Asturies”, onde participen Andecha Astur, Darréu y la CSI, ente otres formaciones. Percorriéronse les cais de la capital asturiana, dende la Estación del Norte hasta delantre de Presidencia del Gobiernu dAsturies, rematando lactu la vocera de la plataforma ciudadana “Democracia p’Asturies” pa darréu dar pasu a les intervenciones de voceros de les organizaciones presentes. Semeyes de los actos Semeyes del actu de la Plataforma unitaria 8-S, en Xixón Semeyes del actu de Democracy for Asturies n’Uviéu Actu d’Unión Asturianista (URAS-PAS) en Candás 9 de setiembre, 2010 0 FacebookTwitterPinterestEmail
Política Xixón, Uviéu y Candás acueyen les celebraciones del nacionalismu asturianu by asturnet 8 de setiembre, 2010 Dalgo distinto pue sentise esti añu na celebración del Día de la Nación. Los esfuercios fechos poles formaciones asturianistes pa xuntase nun solu actu nun fueron quien a espeyase del too, pero a la fin lactu impulsáu pol Bloque por Asturies en Xixón va ser el que cunte con más participantes. Sicasí, amás, la plataforma Democracy for Asturies y les formaciones URAS y PAS van celebrar dos actos, nUviéu y Candás, respectivamente. En Xixón: Pol futuru dAsturies Concentración a les 12.30 hores nos Xardinos del Nauticu. Participen del actu, lactor asturianu Toño Caamaño, representantes de dellos colectivos asturianos, Javier Orozco, refuxáu políticu colombianu y l’actor José Antonio Lobato. Amás, van actuar el gaiteru Llorián García Florez, y la cantadora de tonada Mari Luz Cristóbal, ente otros. La ciudá más grande dAsturies va recibir lactu convocáu por delles organziaciones embaxo limpulsu del Bloque por Asturies, quabandonól Gobiernu y el pautu con Izquierda Xunida va pocos meses. La Plataforma Unitaria 8 de Setiembre, nome que garró esti pautu, ta sofitada pol sindicatu SUATEA, el colectivu Entemecer, la formación de Muros del Nalón S. XXI, la Corriente Sindical dIzquierda, Bloque por Asturies, UNA, Fai!, Andecha Astur, UICA, Asturianistes por Nava y Más Corvera. Nesti actu ta confirmada la presencia del tovía miembru dIzquierda Xunida, Javier García Valledor, que nos meses últimos abandonól so cargu de diputáu por esta formación. NUviéu: Democracy for Asturies Manifestación a la una la tarde, con salida de la Estación del Norte. Nel actu que va celebrase na capital dAsturies, impulsáu pola plataforma Demcrocia pAsturies embaxol mesmu lema, van tar, según la organización, y ente otros, Andecha Astur, la organización xuvenil Darréu y el sindicatu asturianu Corriente Sindical dIzquierda (CSI). En Carreño: URAS-PAS Dende les 11, carpa informativa. A les 13:30, concentración y dicursos nel «Monumentu a la mina y a la mar», na Escalera de La Gabiana (escalera que va dende lAyuntamientu al puertu), en Candás. Actuación de gaiteros. Xinta de xermandía a partir de les 14:30 de la tarde nel Restaurante La Fonte, Avda. del Ferrocarril 4 y 8. Los actos de la coalición Unión Asturianista, na que participen la URAS y el Partíu Asturianista van cuntar tamién cola presencia de Xuventú Asturianista, qua partir de les 11 la mañana va instalar un puestu informativu en Candás, onde van tratar de conocer de cerca les esmoliciones de los asturianos ya informalos de les propuestes de nueso pAsturies. 8 de setiembre, 2010 0 FacebookTwitterPinterestEmail
Política Izquierda Xunida llama a un Día dAsturies “especialmente reivindicativu” by asturnet 7 de setiembre, 2010 Jesús Iglesias, Coordinador Xeneral d’IX d’Asturies, emplazó a los asturianos a vivir un Día d’Asturies especialmente reivindicativu esti añu. Un día de reflexón sobre la situación de crisis económica y les respuestes qu’ésta precisa, dixo. Al par dEnrique Fernández, representante de Los Verdes d’Asturies y Juan Uría, de Lliberación, Jesús Iglesias presentó los actos que la organización va desenvolver en Santalla d’Ozcos, conceyu gobernáu por IX, y que van cuntar cola presencia del Coordinador Federal d’IX, Cayo Lara. Jesús Iglesias xunió la celebración del Día d’Asturies cola situación económica y asina señaló que la fuelga xeneral convocada pal próximu día 29, supón una llamada de movilización social que de forma natural y obligada tien que tener reflexu nel actu del miércoles. Nesti Día d’Asturies nel Occidente, el Coordinador Xeneral d’IX d’Asturies, nun olvidó sorrayar la situación de les infraestructures de la zona, paralizaes nos últimos meses, y la necesidá de la so conclusión, incluyíes les obres de l’autovía del Cantábricu, y la segunda calzada del tramu Salas-La Espina, de l’autovía del Suroccidente, imprescindible pa les comunicaciones de la zona. L’asturianismu y l’autogobiernu van ser otru de les exes centrales d’esti día pa IX-Los Verdes d’Asturies y Lliberación. Anque aportunó en que la esmolición fundamental de los ciudadanos ye la crisis y les respuestes afeches a la mesma, afirmó que l’autogobiernu debe d’aprovir a Asturies “de más preseos, de mas ferramientes y de más capacidaes y competencies” pa encarala. Nun hai tiempu nesta llexislatura pa poner en marcha de nuevu un procesu de reforma estatutaria que, tenemos que dicir, foi felizmente atayáu, porque llevaba a Asturies a un caleyón ensin salida”, apuntó. Nesti sentíu, Iglesias esplicó que ye necesariu aprovechar el Día d’Asturies pa emplazar a los ciudadanos por que en les próximes elecciones autonómiques tengan presente los modelo de comunidá autónoma que pueden llograse, y qu’agora, col camín abiertu pol Estatutu Catalán, a pesar de los retayos sufiertos, esixen un camín de inmenses posibilidaes de desenvolvimientu autonómicu que pueden encetase. Coles mesmes, encamentó a el que resulten escoyíos nes elecciones qu’abran el procesu por que en les próximes elecciones autonómiques tengan presente los modelo de comunidá autónoma. José Uría, representante de Lliberación, refirióse al Día d’Asturies, como un día particularmente simbólicu pa identidá asturiana que va celebrar Lliberación cola voluntá espresa de reafitar l’enfotu de sectores significativos del asturianismu cultural y políticu nel proyectu que representa IX y Los Verdes. Nel Día d’Asturies manifestamos, afirmó Uría, quIX-Los Verdes son la meyor garantía de que tanto en sociedá civil como nes instituciones se caltenga una tensión efectiva en defensa de les polítiques sociales como valores medioambientales y tamién de defensa de la cultura asturiana amenaciada por síndromes tan destructivos como’l de José Luis Moreno. Enrique Fernández, respresentante de Los Verdes d’Asturies, realizó, n’asturianu occidental, un llamamientu a la participación de los asturianos nos actos del Día d’Asturies en defensa del Occidente asturianu como símbolu de l’Asturies rural y de la economía granible y sostenible, alloñada de la economía de la especulación que llevó a esta crisis económica mundial. 7 de setiembre, 2010 0 FacebookTwitterPinterestEmail
Política El PAS esplica la so non participación nel actu impulsáu pol Bloque pal 8-S by asturnet 3 de setiembre, 2010 El Partíu Asturianista unvió güei a los medios de comunicación una nota que da anuncia de los actos de celebración del Día de la Nación, que van facer, xunto a la URAS y éntel «Monumentu a la mina y a la mar» de Candás, esti miércoles 8, a les 13:30 hores. La formación nacionalista esplica nesi mesmu documentu como a lo llargo duna serie de selmanes, caltuvo negociaciones cola voluntá de facer un Día dAsturies o Día de la Nación unitariu, qua la fin nun-yos paecieron afayadices pol formatu del actu (una concentración, quimposibilita laxerarquización dorganizaciones y persones y la so visualización, y non una manifestación) y pola composición de los convocantes, que según el PAS escapa a la nuestra idea dun actu organizáu y xestionáu polos partíos políticos. El PAS desea, sicasí, a Bloque y UNA una feliz celebración. El PAS quixo facer pública tamién, la so comunicación final col Bloque por Asturies y la UNA, onde-yos dieron anuncia de la so decisión final: Estimaos: El PAS recibió nel so día una invitación vuestra pa una manifestación unitaria pal 8 de septiembre de 2010. Anque con reserves por delles razones, en principiu paeciónos bien, porque, como siempre pensamos, esti país necesita normalizase en munchos aspectos, ente otros, los relativos al 8 de septiembre, que debería tender a ser unitariu y políticu, como notres nacionalidaes. Per otru llau, tamos interesaos, tamién como davezu, en mantener les meyores relaciones polítiques con toles fuerces asturianes, especialmente, les del ámbitu asturianista. Ensin embargu, nun podemos aceptar el planteamientu final pal 8 de septiembre. De mano, porque una manifestación (que tien les sos fórmules y los sos ritos) camuda n’otra cosa. En segundu llugar, porque la iniciativa dexa de tar nes manes de fuerces polítiques pa convertise nun mangaráu d’organizaciones y colectivos, toos, ensin dulda, respetables, pero que nun encaxen, al nuestru talantar, nun marcu esclusivamente políticu, como debe ser el del 8 septiembre. Esa modificación, polo tanto, del formatu, de los asistentes, y la impresión final que, al nuestru talantar, se treslladaría a la opinión pública de “totum revolutum” y d’actu más asemeyáu a un Primeru de Mayu qu’a otra cosa, fai que tengamos que negar la nuestra presencia con vosotros pa esa fecha. Pa la vuestra información, vamos caltener, pol contrariu, la otra parte los actos que teníamos previstos pa esa fecha, los que faremos con la URAS, colos que tenemos, como se sabe, firmáu un pactu hai tiempu. Deseámosvos, como a tolos asturianos, un feliz día de la nación. 3 de setiembre, 2010 0 FacebookTwitterPinterestEmail