Plástiques

La playa de La Llada, asitiada en Santa María del Mar, va acoyer el sábadu 26 y el domingu 27, de 12, a 19 hores, una esposición al aire llibre, de semeyes y versos organizada por Xuacu Álvarez en collaboración col Ayuntamientu de Castrillón. Los poemes son de Mª Esther García y les semeyes d’Ernesto García.

La Revista “La Sidra”, decana de les revistes sidreres, convoca’l Concursu de Semeyes pa fotografon non profesionales de temática sidrera na edición de 2008.

El concursu da un primer premiu de 300€ y un segundu premiu de 150. Coles diez meyores semeyes va organizase una esposición na Sidreria La Galana de Xixón. Les meyores semeyes van ser espublizaes na revista y con elles va facese el calendariu sidreru 2009.

Les semeyes tienen que tar rellacionaes cola sidra, la mazana o cualisquier de los sos derivaos. El plazu de presentación de semeyes (via corréu lletrónicu o ordinariu) dura hasta l’1 d’ochobre.

Bases completes

El mozu pintor asturianu Hugo Fontela presenó’l llunes la “New York, New York” en Xixón y la mesma va tar abierta nel Centru Cultural Caxastur del Palaciu de Revillaxiéu nes próximes selmanes.

L’amuesa recueye un total de 66 obres, pertenecientes a la producción artística de los últimos cuatro años y de la so esperiencia en Manhattan, según informó, al traviés d’una nota de prensa, Caxastur.

La comisaria de la esposición ye Victoria Hidalgo de Úrculo.

Ayeri, día 18 de xunetu presentóse en Club de Prensa Asturiana’l llibru coles 17 obres presentaes a la V Edición del Concursu de Cómic n’Asturianu de la Comarca de la Sidra. Nel actu intervinieron Alfonso Zapico, ganador del Concursu; Mª Antonia Pedregal Montes, Xefa de la Oficina de Política Llingüística del Principáu y Alejandro Vega Riego, Presidente de la Mancomunidá.

Alfonso Zapico, que ta acabante d’asoleyar la novela gráfica “Café Budapest” cola editorial Astiberri, depués de dar les gracies pol premiu, quixo facer finca en gran llabor que pue facer el cómic no que se refier a la promoción del usu de la llingua asturiana yá que, al empar de comprometer a los artistes asturianos qu’escueyen esti xéneru nel usu d’esta, llega a los sectores más mozos de la población.

Mª Antonia Pedregal tamién emponderó’l cómic como una forma d’espresión bien afayadiza pa esparder l’usu del asturianu énte’l públicu infantil y xuvenil. Tamién comentó l’enfotu de la Conseyería de Cultura y Turismu del Principáu, por aciu de la Oficina de Política Llingüística, n’apoyar l’importante llabor de los Servicios de Normalización Llingüística nos Conceyos y Mancomunidaes, lo que se reflexa en sofitu económicu que-y dan a actividaes y campañes de promoción del asturianu qu’estos desenvuelven, como ye’l casu d’esti concursu.

Alejandro Vega Riego zarró l’actu comentando’l compromisu que vien calteniendo la Mancomunidá Comarca de la Sidra pa cola normalización del asturianu dende va años. Dixo que, gracies al consensu políticu de tolos partíos con representación na Comarca pasu ente pasu van algamándose coses n’estayes como la recuperación de la toponimia o la visibilidá de la llingua asturiana n’alministración qu’antaño yeren impensables. Agradeció a los participantes nesta edición del concursu’l so esfuerzu y convocó la VI edición del Concursu de Cómic n’Asturianu Comarca de la Sidra

La esposición del Cómic va tar na Casa la Cultura de Bimenes del día 25 de xunu al 16 de xunetu

Güei martes a les siete la tarde, el Club de Prensa Asturiana, asitiáu na sede de La Nueva España n’Uviéu, va acoyer la presentación del cómic ganador y los seleccionaos del concursu de cómics de Nava. El concursu convócase pa hestories escrites en llingua asturiana.

Esti martes a les siete la tarde, el Club de Prensa Asturiana, acoyía la presentación del cómic ganador y los seleccionaos del concursu de cómics de Nava que se convoca añalmente pa hestories escrites en llingua asturiana y del llibru coles 17 obres presentaes a la V Edición del Concursu de Cómic n’Asturianu de la Comarca de la Sidra.

Nel actu intervinieron Alfonso Zapico, ganador del Concursu; Mª Antonia Pedregal Montes, Xefa de la Oficina de Política Llingüística del Principáu y Alejandro Vega Riego, Presidente de la Mancomunidá.

Alfonso Zapico, que ta acabante d’asoleyar la novela gráfica “Café Budapest” cola editorial Astiberri, depués de dar les gracies pol premiu, quixo facer finca en gran llabor que pue facer el cómic no que se refier a la promoción del usu de la llingua asturiana yá que, al empar de comprometer a los artistes asturianos qu’escueyen esti xéneru nel usu d’esta, llega a los sectores más mozos de la población.

Mª Antonia Pedregal tamién emponderó’l cómic como una forma d’espresión bien afayadiza pa esparder l’usu del asturianu énte’l públicu infantil y xuvenil. Tamién comentó l’enfotu de la Conseyería de Cultura y Turismu del Principáu, por aciu de la Oficina de Política Llingüística, n’apoyar l’importante llabor de los Servicios de Normalización Llingüística nos Conceyos y Mancomunidaes, lo que se reflexa en sofitu económicu que-y dan a actividaes y campañes de promoción del asturianu qu’estos desenvuelven, como ye’l casu d’esti concursu.

Alejandro Vega Riego zarró l’actu comentando’l compromisu que vien calteniendo la Mancomunidá Comarca de la Sidra pa cola normalización del asturianu dende va años. Dixo que, gracies al consensu políticu de tolos partíos con representación na Comarca pasu ente pasu van algamándose coses n’estayes como la recuperación de la toponimia o la visibilidá de la llingua asturiana n’alministración qu’antaño yeren impensables. Agradeció a los participantes nesta edición del concursu’l so esfuerzu y convocó la VI edición del Concursu de Cómic n’Asturianu Comarca de la Sidra.

Les bases d’esti concursu van publicase d’equí a poco na páxina web www.comarcajoven.com. La esposición del Cómic va tar na Casa la Cultura de Bimenes del día 25 de xunu al 16 de xunetu.

La Casa Cultura de Colombres, conceyu de Ribedeva, acueye hasta’l próximu día 19 de xunu, una esposición cedida pola Obra Social y Cultural de Caxastur que fai un repás pelos denomaos “ritos de pasu”, espresión emplegada polos antropólogos pa refirise a una serie d’acontecimientos a lo llargo del periplu vital de les persones qu’impliquen el pasu d’un estáu a otru: ñacimientu, bautizu, casoriu, matrimoniu, maternidá, muerte…

Los ritos apaecen recoyíos nos venti paneles colos que cuenta l’amuesa. Los testos de Servando Fernández Méndez y les acuareles del dibuxante Ernesto García del Castillo, “Neto”.

El Consorciu pal Desenrrollu de la Montaña Central d’Asturies va presentar esti vienres el llibru “Hombres de Carbón”, que recueye’l trabayu del fotógrafu Antonio Corral alredor de la vida nes mines. El llibru contien 150 páxines de semeyes feches pol fotógrafu de Figareo ente 1984 a 2007. El Consorciu cuntó cola financiación de PRODER Montaña Central pa facer esti proyecto.

L’actu va tener llugar na sala de graos de Campus Universitariu de Barredo (Mieres) y va cuntar cola presencia del propio autor, del presidente del Consorciu y alcalde de Mieres, Luis María García; el presidente del Grupu de Desenrrollu Rural y alcalde de Morcin Jesús Alvarez; y un representante de la Conseyeria de Desenrrollo Rural ente otros organismos de la Comarca y d’Asturies.

El Conceyu de L.lena va acoyer esti 24 de mayu’l Concursu de Dibuxu y Pintura al Aire Llibre que se celebra cada añu nel conceyu y que llega nesta ocasión a la so edición númberu quince. El certame va facese nun sitiu del conceyu que se-yos dirá a los concursantes el mesmu día que se faiga. Les inscripciones, pa les qu’entamó’l plazu’l pasáu 15 d’abril puen facese na Casa la Cultura de La Pola fasta’l miercoles 22 de mayu. En total, el concursu va repartir 4.268 euros en premios.

N’ediciones anteriores namás podíen participar artistes mozos, pero esti añu ábrese una categoría pa mayores de 30 años cola idea “d’afalar la promoción de los artistes asturianos de cualesquier edá”.

La técnica pictórica ye llibre y cada autor va poder presentar namás una obra. Na categoría Sénior, la empobinada a mayores de 30 años, el llenzu ha tener unes midíes comprendíes ente los 70×50 y los 170×140 centímetros, pal restu d’obres el formatu ye llibre.

El xuráu va tar presidíu pol alcalde de L.lena y formáu por delles persones con un prestixu reconocíu nel ámbitu de la pintura, va facese públicu’l 20 de setiembre d’esti añu y la entrega de premios va facese nel mes d’ochobreen “Les Feries”.

Coincidiendo cola Selmana de les Lletres Asturianes, La Mancomunidá Comarca de la Sidra tresllada la so esposición coles obres del V Concursu de Cómic al conceyu de Cabranes, a la Casa la Cultura María Xosefa Canellada de Santolaya, capital del conceyu.

Esta amuesa, na que van tar presentes la obra ganadora del concursu, “Les cuentes de Gasparín”, d’Alfonso Zapico Fernández, asina como los dos accesit concedíos pol xuráu, que foron “¿Otru culín?”, de Juan Miguel Borja Estévez y “Millagru na canga”, de Jose Juan González García.

La obra va abrise al públicu esti vienres, día 2 de mayu, y va tar espuesta hasta’l día 11 del mesmu mes. Amás de les mentaes obres, tamién va esponese una esbilla colos meyores trabayos presentaos al concursu.