Música

La XXV Edición del Festival Intercélticu d’Avilés, de la que’l so desenvolvimientu taba previstu ente’l 26 de xunetu y el 1 d’agostu de 2021, quedó suspendida. La decisión, tomada pola organización d’esti eventu, foi treslladada a la conceyalía de Cultura, que cada añu sofita a l’Asociación Cultural Esbardu na realización d’esta cita reconocida como Fiesta d’Interés Turísticu Rexonal dende 2008.

Bruce Sprigsteen, Paul Simon y Jennifer Hudson van actuar nel megaconciertu col que la ciudá de Nueva York quier marcar el próximu 21 d’agostu en Central Park la so reapertura y el fin de les restricciones impuestes pa evitar la espansión de la pandemia del coronavirus.

Esti sábadu, a les 20 hores, el Centru de Cultura Antiguu Institutu abelluga un conciertu puramente dedicáu al poeta y compositor Juan del Encina, unu de los autores más personales y más representativos de la renacencia española, de quien en 2018 celebráronse los 550 años de la so nacencia, probablemente na ciudá de Salamanca.

Volando vinu Kiko Veneno en 1977 col so primer álbum Venenu -al pie de los hermanos Amador-, escoyíu como’l meyor álbum español del sieglu XX pola revista Rockdelux y agora vuelve a Asturies que ya visitó d’aquella, con un conciertu esti sábadu a les 19 hores nel teatru Campoamor.

Ed Sheeran volvió romper el retiru qu’anunció a finales de 2019, esta vegada pa llanzar una tema, ‘Bad Habits’, y confirmar al traviés de la so discográfica qu’esti artista superventas ta trabayando nun nuevu álbum.

Caldo y Os Rabizos ye un bandín tradicional del Eo-Navia, un grupu de música con reportoriu popular procedente del territoriu qu’abarca l”os concellos dende a montaña lucense hasta zona dos vaqueiros d’alzada e dende el mar hasta a montaña de Ibias”, qu’esti sábadu va enllenar el Muséu del Pueblu d’Asturies a les 20:30 hores cola so música.

Ún de los grupos míticos de la escena rockera española, Revolver, va ser el protagonista d’esti viernes na actividá cultural asturiana cola so actuación nel Teatru Campoamor a les 20 hores.

Ábrese una nueva convocatoria del COVID-MAG, l’anováu formatu del Concursu Internacional de Música Antigua que s’entama dientro del Festival de Música Antigua de Xixón y que nesta ocasión, siguiendo’l modelu empecipiáu l’añu pasáu, ufre un concursu que volverá ser puramente online, al traviés de vídeos que se van esibir na canal de YouTube.

L’actividá ‘Música nel Muséu’ ye la propuesta que ta programada pa desenvolvese’l sábadu 3 de xunetu nel Muséu del Pueblu d’Asturies cuntando cola participación de Carreru & Blanco, Ambás y Ramsés, Xeitu y Caldu y Los Rabizos. Del 17 al 25 de queda abiertu’l plazu d’inscripción.

Avilés pon en marcha’l Fifty-Fifty Jazz & Poetry Festival (FFF). Un eventu creáu cola fin d’ufiertar la ciudá como una plataforma d’espardimientu, diversión y alcuentru ente’l públicu y más de 70 artistes consagraos y emerxentes del jazz y los sos derivaos y de la poesía. Una propuesta única n’España, que va tener llugar del 18 al 21 de payares con un ventena d’actividaes previstes.