Música

Gausón Fernande Gutierri ta acabate asoleyar con Caxastur un estudiu bien curiáu y fondu sobre’l traxe tradicional de los asturianos. Un trabayu d’investigación, editáu en versión billingüe asturianu-castellanu, nel que la entidá financiera “continúa’l tradicional llabor de promoción y difusión del patrimoniu cultural asturianu”. Fernande Gutierri ye un importante difusor de la etnonoloxía, amás de miembru de la Fundación Belenos.

La banda de punk y folk Skontra tan acabante sacar a la cai “Cantares pa dempues d’una guerra”, el segundu discu na so carrera, y van presentalu na sal Tribeca d’Uvieu esti vienres a les 20:30 hores, ya’l día siguiente na sala Savoy de Xixón as les 20:00. Les entraes puen mercase nos habituales puntos de venta de El Barucu y la tien da Lomba Records de Xixón), la tienda Planeta Tipo n’Uvieu, Discos LP n’Aviles y Discos Eusebio en Mieres.

El discu ta grabáu a lo cabero de 2007 y principios de 2008 nos estudios Parisana 33 de Cangues d’Onis embaxo la producción de Pablo Viña. El grupu, que lleva funcionando dende’l 2001 ta formáu anguaño por Cesar na batería, Gonza al baxu, Marino na guitarra y nos coros, Fredo na guitarra y la voz, Zapico na gaita y Berto como vocalista.

Les Orquestes infantiles y xuveniles de Venezuela algamaron el Premiu Príncipe d’Asturies de Les Artes. El xuráu, que falló nel mediudía d’esti martes nel Hotel Reconquista d’Uvieu, destacó “la confianza decidida nel valor educativu de la música pa la dignidá del ser humanu” que siempre mostró’l proyectu creáu por creáu por Jose Antonio Abreu. Esta candidatura, sofitada sobre manera por Fernando Masaveu, compitió n’ultimu terminu col compositor Pierre Boulez frances ya’l arquitectu Tadao Ando, qu’habien pasao la última criba d’ente’l total de 28 candidatos.

Esti primer gallardón d’esta edición supón un premiu de 50.000 euros, un diploma acreditativu y una escultura orixinal de Joan Miró. Les Orquestes infantiles y xuveniles de Venezuela soceden na llista de premiaos nesta categoría al cantautor norteamericanu Bob Dylan.

La Casa de Cultura de Llugones ufre la oportunidá de participar nun cursín d’averamientu a la tecnica el jazz. Embaxo’l “The music of Duke Ellington”lema y dende’l 30 de xunu al 4 de xunetu el cursu afondará na praútica con instrumentos como’l contrabaxu ya’l baxu, la trompeta, el pianu y los teclaos, la batería y la percusión, el saxofón y la guitarra.

Los profesores son Ion Celestino, Marcelo Escrich, Jacobo De Miguel, Fernando Arias, Javier Rubio y Marco Martínez. P’algamar más información sobre’l cursin pue consultase nel siguiente númberu 696 681 583.

Esti llunes arranca la programación del ciclu Intersecciones de Cajastur nel so apartáu musical cola actuación en direutu del músicu Antonio Luque, más coniocíu na escena independiente como Sr Chinarro. La cita col artista sevillanu ye a les 20:30 hores, con entrada de baldre y llibre hasta completar l’aforu del centru cultural que la entidá financiera asturiana tien na capital (C/San Francisco, 4).

Sr Chinarro tan acabante sacar un nuevo discu al mercáu, el decimu na so carrera. Embaxo’l nome de “Ronroneando” y espublizáu pol sello Mushroom Pillow esti mesmu añu, Luque torna con lletres d’amor-desamor y un soníu más accesible que la mayoría de trabayos que firmara enantes.

La Col.la Propinde, banda folk de L.lena, va tar actuando esti sñabadu 17 de mayu nel mercáu medieval de Capdepera, en Mallorca. La banda tien dos discos na cai, “L.l” y “Gueria”. Asimesmo tienen feches delles collaboraciones como la que llevaron al cabu nel discu “Chigre y Dragón” del raperu Dark La Eme, artista vecín.

La banda ta compuesta pol cantante Nel; Alex Domínguez, a la gaita y los coros; David Suárez, cola flauta travesera, les xiblates y tamien a los coros; Cano na guitarra acústica y ellectrica; Lluis Moro, a los teclaos y la diatónica; Gelete, a la batería y les percusiones y Germán, al baxu electricu.

Los conciertos del Museu Casa Natal de Xovellanos van dar esti vienres la oportunidá d’averase a los soníos de harpa del músicu Jose Antonio Domene, un de los harpistes de mayor prestixu internacional con una trayectoria qu’abarca, por exemplu, dos primeros premios nel Concursu Internacional d’Harpa de la UFAM de París y collaboraciones con delles de les orquestes más reconocíes. El conciertu ta organizáu poles Mocedaes Musicales de Xixón y va entamar de magar les 19:30 hores.

Alberto Ablanedo, interprete destacáu de bouzouki y que fora miembru de Dubram, Los Gatos del Fornu, Llangres y Bron, va tar dando un cursín-taller sobre la hestora del fol k n’Asturies el prósimu mes na Escuela de Música Tradicional del Conservatoriu Valle del Nalón de Sama. El cursu llema por nome “Averamientu na hestoria del folk n’ Asturies” y vien a ser una sustitución de l’asignatura “Ensame foll”, qu’ufiertó la escuela n’ochobre de 2007 ensín suficientes alumnos matriculaos como pa llevase al cabu.

Toos aquellos interesaos en participar nesti taller puen algamara más información, bien llamando a la propia escuela al númberu de telefonu 985 67 71 13 o escribiendo-yos un mensaxe de correu ellectrónicu a llangreumusicatradicional@hotmail.com.

El xueves ye’l día de la selmana pal que’l restorán Tierra Astur de Cualloto tien reservao una actuación d’un grupu o artista del ámbitu de la mísica tracional asturiana y esti 15 de mayu va ser el turnu del grupo de pandereteres de Nerbia. Con un repertoriu musical basáu na recuperación d’antiguues canciones al travien de la investigación de campu, coru de cantadores y percusionistes ñació en 2004 y cunta col trabayu de Silvia Quesada, Laura Fernández, Verónica Fernández, Cristina González y Lorena Rodríguez.

El Conceyu de Bimenes ta acabante convocar la novena edición del Concursu de gaiteros y gaiteres mozos de Bimenes, nel que van poder tomar parte tolos concursantes que quieran, siempres a títulu personal y teniendo menos de 21 años el día 30 de xunu del añu 2008. Nel Concursu va afitase un llímite máximu de 10 participantes, que van ser almitíos por rigurosu orde d’inscripción. Sicasí, una vegada superada esta cifra na fase d’inscripción quedará abierta una llista de reserva pa cubrir posibles baxes. La fecha tope pa la receición de les inscripciones ye’l llunes 30 de xunu de 2008 a les 20:00 hores.

La rellación de participantes fadráse pública’l martes 1 de xunetu de 2008, nun actu abiertu al públicu que se va facer na Casa la Cultura de Bimenes a les 12:00 hores. Nesti actu va sortease l’orde de participación nel certa.

El concursu va ser el sábadu 5 de xunetu de 2008, a les 18:00 hores, en Xenra (Bimenes), nel marcu de la XII Fiesta de la Oficialidá de la Llingua Asturiana. El concursante tendrá de presentase, como mínimo, 30 minutos enantes del entamu pa interpretar dos temes, ún obligatoriu de la llista dada pol Conceyu y otru que pue ser llibre. Los temes han de ser interpretaos ensin añadíos nin supresiones son Muñeira de Remis, Floréu de Remis, Diana floriada de Veriña, Fandangu puntiáu, Muñeira Barganaz, Xota’l Centru, Marcha’l Tao, Alborada’l paxarín, Xota Pumariega o Carretera d’Avilés.

Los concursantes han d’emplegar como instrumentu la gaita tradicional asturiana (d’un sólu roncón) en cualesquiera de les sos modalidaes. Tamién ye obligatoriu l’usu del traxe tradicional asturianu.

Van dase trés premios, con valos de 300, 200 y 100 euros. El Xuráu tará compuestu por miembros cualificaos, designaos pol Conceyu de Bimenes y presidíu pol alcald. El fallu sedrá inapelable.

La propuesta d’inscripción tien de formalizase unviando per corréu los datos personales nuna fueya (onde constarán nome y apellíos, direición y teléfonu de contautu), amás d’una fotocopia del DNI a: Casa la Cultura de Bimenes IX Concursu de Gaiteros y Gaiteres Mozos – Santuyano s/n. CP 33527 – Bimenes. Pa cualesquier dulda esiste un teléfonu de contactu, el 680 114 090.