Música

El Muséu del Pueblu d’Asturies organiza dende’l 11 al 13 d’esti mes de xunetu, un alcuentru qu’embaxo’l nome de “Pandereteres” quier ser unes xornaes monográfiques dedicaes al mundu de la pandereta con cursos, esposiciones y actuaciones musicales.

Amás de la inaguración de la esposición “Los sonidos de la piel” habrá un cursu a lo llargo de los tres díes, “la pandereta asturiana, téuniques y estilos”, que va impartir la profesora Marta Elola y que va desendolcase de 10,30 a 14,30 hores los díes 11, 12 y 13.

Les actuaciones previstes acuntarán a grupos d’Asturies, Galicia, Euskadi, Cantabria y Castiella y Lleón, ente los que destaquen los gallegos Faltriqueira, les asturianes Dulcamara y les Pandereteres de Fitoria.

El cantautor Toli Morilla cumple esti branu diez años na música asturiana, y pa celebralo ta acabante regalar a tolos sos siguidores la so discografía completa, que dende agora ta na so páxina web pa descargar de baldre y n’mp3.

Toli Morilla tien asoleyaos cinco discos, dellos en castellán, con temes n’asturianu, y otros defechu n’asturianu: “Entropía” (2006), “Nueche d’insomniu: L’espectáculu” (2005), “Nueche d’insomniu” (2004), “Entre el barro y las preguntas” (2003) y “Nunca des la espalda” (1998).

Equí pues descargar en mp3 tola discografía de Toli Morilla

Esti vienres 4 de xunetu, a partir de les 20 hores, va celebrase una Nueche Kolk en Fitoria, que cuenta yá con tradición y qu’esti añu inclúi les actuaciones de Felpeyu, La Bandina y Los Gatos del Fornu. La Nueche Folk forma parte de la programación de les fiestes patronales de Fitoria dedicaes a San Antonio, que van desendolcase hasta’l martes 7 de xunetu.

El grupu asturianu Skama la Rede va actuar esta fin de selmana en dos pueblos gallegos: Melide, n’A Coruña y Celerio, en Lugo.

El vienres 4 na Sala 600 de Melide (A Coruña) xunto al grupu Guezos y el sábadu 5 nel Festival Arreaocabo (Celeiro – Lugo) xunto a Def con Dos, Koma y Skacha, Rain is Art y Anger Second.

Güei, a partir de les nueve la nueche, el Teatru Filarmónica d’Uviéu acueye la presentación-conciertu del grupu Tuenda, que va tocar los temes del so discu “Tuenda 2”. El llíder de la formación folk, Xosé Antón «Ambás», comentó que ta marcáu pola “continuidᔠna presentación fecha’l miércoles pasáu nos locales de la Sociedá Xeneral d’Autores.

El discu ta editáu por Tierra Producciones y lleva catorce cortes que duren un total de sesenta minutos. Tuenda ta formáu por Elías García, Pepín de Muñalén y Xosé Antón «Ambás», perconocíu pola música y sobremanera por presentar el programa “Camín de cantares”, na TPA, que popularizó ente’l gran públicu los sones de Tuenda.

Mañana xueves, a partir de les nueve la nueche, el Teatru Filarmónica d’Uviéu acueye la presentación-conciertu del grupu Tuenda, que va tocar los temes del so discu “Tuenda 2”. El llíder de la formación folk, Xosé Antón «Ambás», comentó que ta marcáu pola “continuidᔠna presentación fecha’l miércoles pasáu nos locales de la Sociedá Xeneral d’Autores.

El discu ta editáu por Tierra Producciones y lleva catorce cortes que duren un total de sesenta minutos. Tuenda ta formáu por Elías García, Pepín de Muñalén y Xosé Antón «Ambás», perconocíu pola música y sobremanera por presentar el programa “Camín de cantares”, na TPA, que popularizó ente’l gran públicu los sones de Tuenda.

Myspace de Tuenda

Esti prósimu sábadu, 5 de xunetu a les 21 hores, el Conxuntu Pelayo del Centru Asturianu de Buenos Aires festeyará’l décimu aniversariu de la so banda gaites. Por esti motivu va facese un festival musical nel Salón Alejandro Casona del Llar Social del Centru Asturianu de Buenos Aires asitiáu na cai Solís, 475 de la Ciudá Autónoma de Buenos Aires, con entrada llibre y de baldre.

Interpretaránse pieces tradicionales asturianes y d’anguaño correspondientes al repertorio de la banda gaites.

Amás, va contase cola actuación d’otros músicos y bandes amigues: S A P A (South Amarican Piping Association: Banda Gaites y Dances Esoceses) y Sete Netos (grupu folk de música tradicional gallega y celta).

El Conciertu, como ya se dixere enrriba va tener llugar el sábadu 5 de xunetu a les 21 hores nel Centru Asturianu de Buenos Aires, allugáu na Cai Solís 475, de la Ciudá Autónoma de Buenos Aires.

Dende 1997

La Banda Gaites nació como acompañamientu del conxuntu de baille ante la perda del so primer gaiteru Don Luis Martino.

Nel añu 1997, por aciu d’un grupu mozos que recibíen clases de gaita con profesores llegaos d’Asturies, presentóse’l proyeutu de la creación de la Banda Gaites a Manolo del Campo, creador y director del Conxuntu Pelayo. Foi él el mayor impulsor d’esta idega, sofitando en tou momentu’l proyeutu.

L’esperáu debut prodúxose nel Festival Aniversariu de la Xesta de Cuadonga del Centru Asturianu de Buenos Aires de 1997. La so formación yera de seis gaiteros, una curdionista y un tamboriteru. Los temes interpretaos foron “Cruz de Mayu” y “Marcha Celta” con “Dime Xilguerín Parleru”. La presentación foi un ésitu, polo que tuvo qu’ampliase la formación. N’abril de 1998 ya se contaba con once integrantes.

El perfeicionamientu de la banda gaites foi llográu gracies a los cursos dictaos de mou frecuente por Flavio R. Benito nel Centru Asturianu de Buenos Aires. A lo llargo d’estos años tamién collaboraron impartiendo clases dos reconocíos gaiteros asturianos: Diego Pangua y Pedro Pangua.

Anguaño, la Banda Gaites del Conxuntu Pelayo cuenta con doce gaiteros, dos tamboriteros, un bombista y tres pandereteres.

La Banda Gaites del Conxuntu Pelayo de Manolo del Campo presentóse en delles actuaciones a lo llargo del nuestru país. Nos años 1999, 2003 y 2006 presentóse n’Asturies. Cabe destacar que nel añu 2003 participó nel I Festival Celta de Montevideo (Jacksonville, Uruguay).

Con polémica alrodiu del cartelu que va anuncialu, presentábase esti xueves n’Avilés el XII Festival Intercélticu, que va celebrase ente los díes 18 y 27 de xunetu.

Nesta edidición del Intercélticu van participar representantes de cásique tolos países celtes, como d’Escocia que van venir “Culter & Distric P.B.”, los gaiteros Fred Morrison y Stuart Cassels, “Red Hot Chilli Pipers”, y “Tannahill Weavers”; d’Irlanda tarán “Beoga” y “Clasac Irish Dancers”; de Gales l’agrupación de danza “Dawnswyr Tawerin” y de Bretaña van venir la “Bagad Lann Bihoué”, “Merzhin” y “Korriganed Panvrid”.

Entamando por Asturies que va ufrir la principal representación nel Festival, los asturianos van poer disfrutar n’Avilés con Anabel Santiago & Mikel Lee Wolf, “Andolina”, la bandina “La Curuxa”, la banda de gaites Villa de Avilés, la banda de gaites de La Villa, el club colombófilu avilesín, el club La Peonza, el club náutico de Luanco, Dúo Astur, “Esbardu”, “Escontra´l Raigañu”, “Falanoncaduca!”, la cantante de tonada Marisa Valle Roso, “Xaréu d´ochobre”, Rubén Alba y “Pleamar”.

D’Escocia van venir a Avilés la banda de gaites “Culter & Distric P.B.”, el gaiteru solista Fred Morrison, el grupu de folk progresivu «Red Hot Chilli Pipers», el gaiteru Stuart Cassels y “Tannahill Weavers”. D’Irlanda tarán el grupo de folk “Beoga”, de xira por España y l’agrupación de danza tradicional “Clasac Irish Dancers”.

De Gales actuará l’agrupación de danza “Dawnswyr Tawerin”. Y de Bretaña van venir la banda de gaites “Bagad Lann Bihoué”, el grupu de rock celta “Merzhin” y l’agrupación de danza tradicional “Korriganed Panvrid”.

Pa finar, inclúinse nel programa dende Galicia la banda de gaites “Charamuscas” y el grupu de danza tradicional “Inquedanzas”.

El festival que tolos años entama’l Centru Asturianu de Barcelona va celebrase’l prósimu 28 de xunu nes instalaciones del centru cumpliendo la so cuarta convocatoria. Nel festival participarán grupos como La Col.la Propinde, La Banda de Gaites del Centru Asturianu de Barcelona, City of Barcelona Pipe Band, Risca l’Alba y Neirela, y completarase cola degustación de la sidra, quesu cabrales bollos preñaos y demas productos del pais.

La direccion del Centru Asturianu ye na Cai Naranjo de Bulnes 1-7, y los conciertos entamaran a les 20 hores.

Estos conciertos son perimportantes pa esparcer y difundir el nome del centru asturianu de barcelona na ciudá y p’atrayer a la bayura de xente mozo que vive equi, xovenes necesarios pa remocicar un poco la imaxen de ‘xeriatricu’, que de xemes en cuando tienen esti tipu de Centros.

El parque de la Paz de Llugones ye’l llugar de celebración de la fiesta de San Xuan y la tradicional foguera desti añu que va completase con una nueche folk.

Los conciertos entamarán a les diez y media de la nueche, cola actuación de la “Bandina la Curuxa”, cuartetu asturianu que recientemente presentó’l so primer discu. Tres de la Foguera actuará la banda irlandesa “Beoga” y pesllará la Nueche “Felpeyu”, a partir de les dos menos cuarto de la madrugada.