Música

Celtas Cortos ufrió una perbona actuación nel estrenu del Espace Marine na programación del Festival de Lorient 2008. Acompaños polos galeses de Sibrydion, qu’amosaron la so calidá con un rock frescu que contautó col públicu dende’l primer momentu, la banda de Jesús Cifuentes dió una llección de profesionalidá nel escenariu y ufrió un espectáculu completu nel que tolos componentes de la banda s’entregaron a un públicu tamién entregáu.

Les nueches de la Carpa asturiana entamaron a ser animaes dende’l primer día del Festival por mor de les actuaciones de la Bandina La Curuxa y los miembros del grupu Escontra’l Raigañu qu’alendaron les actuaciones con bailles a los qu’invitarona a participar a tolos presentes.

El gaiteru gallegu Pablo Devigo ganó’l Troféu Mac Crimmon 2008 nel Festival de Lorient depués d’una de les ediciones más competitives que viviera esti veteranu concursu internacional de Gaita gallega y asturiana. Tres d’elli quedaren clasificaos el tamién gallegu Alberto Coya y los asturianos Pablo Carrera y Marco Antonio Guardado, qu’otra vuelta queda nel cuartu llugar, depués de la so sesta participación nesti Troféu.

Probablemente fuera ún de los Trofeos Mac Crimmon más competitivos que se recuerden incluyendo la dómina na que’l concursu se llamaba Macallan. Competitivu pola calidá del trabayu presentáu polos nueve gaiteros que participaben nel concursu.

La única representante bretona, Marie Le Cam, entama a tocas con soltura les pieces asturianes y gallegues, enforma difíciles pa una escuela, la bretona, que práuticamente desconocía la música de nueso hasta los años 90. Y los que participaben per primer vegada nel concursu, como Llorían García, llograron a pesar de los nervios una interpretación afalagable, sobremanera a la vista de la pergrande dificultá de les pieces qu’escoyeron pal concursu. Cada añu s’exisen más los gaiteros asturianos y gallegos nel MacCrimmon y eso nótase nel concursu.

Algunos requintos estropiaron actuaciones d’intérpretes gallegos nes pieces asturianes amosando la dificultá pa los nuesos vecinos d’averase a la música del país. Y lo mesmo asocedía a la contraria. Pero’l concursu brilló nel planu interpretativu como había munchos años que nun lo facía… Otros años, les coses taben más clares pa ser a albidrar el ganador ensin munchos conocimientos del instrumentu… Esti añu, les coses taben más difíciles.

La delegación asturiana que va participar dende esti vienres hasta’l domingu 10 d’agostu nel Festival Intercélticu de Lorient entamó viaxe a les 10 de la nueche d’esti xueves 31 de xunetu con bandes como Ciquitrinos, les pandereteres de Dulcamara, Escontra y les bandes de gaites de Corvera y La Reina del Truébano como representantes. La delegación salió de la Plaza la Xesta d’Uviéu como ye tradicional y va aportar a Lorient pa xintar y disfrutar de les primeres actuaciones del festival.

Los dos autobuses de que se compón la delegación viaxen práuticamente enllenos, coles Bandes de gaites nún d’ellos y les demás agrupaciones y la prensa nel otru. Como tolos años, la collación foi enforma bultable y la gayola inundó los autobuses dende los primeros kilómetros d’una nueche llarga que se va prollongar hasta’l mediudía en que ta previsto qu’aporten a Lorient.

Asturnews ufre como tolos años una galería coles fotos de la xida de la delegación que tamién puen seguise na web de Flickr na que se allugarán les fotos diaries del festival o nel Canal de You Tube qu’Asturnews dedica al Festival de Lorient.

El primer día del Festival Intercélticu de Lorient arranca davezu con una completa xornada na que se van poer degustar los más típicos pexes de la Bretaña, mentantu actúen delles de les bandes qu’esti añu amenicen la selmana. A les 20.00 hores, en Port de Páche, dase’l pistoletazu al Festival 2008 con una xinta popular xunta la mar y a partir de les 22 hores nel Espace Marine, podrá disfrutase de los Celtas Cortos.

Como ya persaben los nuesos llectores, el Festival Intercélticu de Lorient cellebra esti añu, del 1 al 10 d’agostu, la edición númberu 38 con una importante representación asturiana de la mano de bandes como Ciquitrinos, les pandereteres de Dulcamara, Escontra y les bandes de gaites de Corvera y La Reina del Truébano. Amás el festival que dirixe Lisandro Lombardía va cuntar cola presencia de nomes consagraos de la musica celta como Lorena Mc Kennit, Moving Hearts o The Chieftains o grupos averaos a la escena como Celtas Cortos, Idir o Les Balkaniks.

La delegación asturiana que participa nel Festival Intercélticu de Lorient, con bandes como Ciquitrinos, les pandereteres de Dulcamara, Escontra y les bandes de gaites de Corvera y La Reina del Truébano como representantes, va colar esti xueves pela nueche pa Bretaña, cola delegada Fé Santoveña como cabezalera, nos autobuses de la organización ente xaréu y música. La delegación va salir de la Plaza la Xesta d’Uviéu como ye tradicional a les 10 de la nueche y aportar a Lorient pa xintar y disfrutar de les primeres actuaciones del festival.

El primer día del Festival Intercélticu de Lorient arranca davezu con una completa xornada na que se van poer degustar los más típicos pexes de la Bretaña, mentantu actúen delles de les bandes qu’esti añu amenicen la selmana. A les 20.00 hores, en Port de Páche, dase’l pistoletazu al Festival 2008 con una xinta popular xunta la mar y a partir de les 22 hores nel Espace Marine, podrá disfrutase de los Celtas Cortos.

El Festival Intercélticu de Lorient cellebra esti añu, del 1 al 10 d’agostu, la edición númberu 38 con una importante representación asturiana de la mano de bandes como Ciquitrinos, les pandereteres de Dulcamara, Escontra y les bandes de gaites de Corvera y La Reina del Truébano. Amás el festival que dirixe Lisandro Lombardía va cuntar cola presencia de nomes consagraos de la musica celta como Lorena Mc Kennit, Moving Hearts o The Chieftains o grupos averaos a la escena como Celtas Cortos, Idir o Les Balkaniks.

Amás y como ye tradición, los asistentes al festival, l’eventu más importante d’esti tipu en tol Arcu Atlánticu, van tener ocasión de disfrutar d’un buen piñu d’actividaes complementaries, exposiciones, conferencies, alcuantros de lliterarura, esibiciones cinematográfiques, escursiones ya inclusive un partíu de rugby nel que vaa tomar parte una seleición del País de Gales. Precisamente Gales ye’l país al que va dir dedicada esta edición númberu 38 del FIL, socediendo asina a Escocia.

El sellu discográficu “Aguañaz” vieno acabante presentar “A la vera de Borín”, el primer clip del discu nuevu de La Bandina: “13”. La pieza ta dirixida por Javier Lueje, que yá fixere con La Bandina’l videu “Na caleya” y que ye tamién responsable del guión y la realización del videu, que ta rodáu nel mercáu de Xixón, al pie del Molinón.

Nesti primer clip del discu “13”, los componentes de La Bandina preséntense como músicos ambulantes, en mediu d’un ambiente que tresporta al espectador a la zona de los Balcanes. Visual mente, el videu bebe de la estética del cine mudu gracies a recursos tant.Q de producción (carteles, velocidá…) como d’interpretación.

“A la vera de Borín” ye la tercer pista de “13” y versión d’un cantar mui conocíu pelos chigres de Morea (Ayer), anque, a ciencia cierta, nun se sabe nada del so orixe. La Bandina, a partir de dellos cachos de lletra que conocíen, constrúin la hestoria d’un amor “nun se sabe si imposible o, al final, consumáu”.

Sigún la discográfica, “a partir d’un conocimientu fondu de la música tradicional y los sos instrumentos, los componentes de La Bandia creen y recreen la música y bailles tradicionales y populares”. El so primer álbum, “Pa baiLlar” (2001) ye de corte tradicional, averáu a lo etnográfico. Pero ye a partir del so segundu trabayu, “.. .de romandela” (2005), cuando La Bandina actualiza totalmente’l so discursu interpretativu al emplear, xunto colos tradicionales, instrumentos como’l saxu sopranu; sección de viento con trombón, bombardino y trompeta; baxo eléctricu, y dalgún ‘affaire’ cola electrónica.

Dende esti xueves 31 y hasta’l 11 d’agostu, Asturnews va ufrir a los blogues y a les webs asturianes el primer “widget” informativu de la we n’asturianu pa facer un seguimientu en tiempu rial del Festival de Lorient, con actualizaciones constantes, noticies y un programa d’actuaciones dinámicu. Esta ufierta sumase a la canal en You Tube qu’Asturnews entamara l’añu pasáu y a les galeríes fotográfiques en Flickr.

Pa poer seguir en direutu l’actualidá del Festival de Lorient y consultar de forma dinámica la programación del mesmu, especialmente no que cinca a la delegación asturiana, pue descargase’l códigu del que se da anuncia na “homepage” d’Asturnews, qu’inxertáu nun blog o nuna web ufrirá la mesma estética y diseñu que pue vese na portada d’esti diariu cultural dixital”.

Esta ye la primer vegada qu’un widget se constrúi n’asturianu dafechu y s’ufre a la comunidá qu’eplega la llingua asturiana na rede pa un acontecimientu de calter internacional como ye’l Festival de Lorient.

El 18 de xunetu entamó la 12 edición del Festival Intercélticu d’Avilés qu’esti añu va desendolcase hasta esti domingu 27 de xunetu y qu’esti añu taba dedicáu a los 1100 años del símbolu nacional d’Asturies: la Cruz de la Victoria y al so cubrición d’oru y piedres fecha pol Rei Alfonsu II el Grande nel añu 908. Los actos desendolquense en delles sedes, como nel Palaciu de Valdecarzana y vien cuntando con representantes de cásique toles naciones celtes: Asturies, Irlanda, Escocia, Bretaña, Gales y Galicia. L’Intercélticu d’Avilés ta declarada fiesta d’interés turísticu asturianu. D’Escocia vinieron al Intercélticu avilesín “Culter & Distric P.B.”, los gaiteros Fred Morrison y Stuart Cassels, “Red Hot Chilli Pipers”, y “Tannahill Weavers”; d’Irlanda tuvieron “Beoga” y “Clasac Irish Dancers”; de Gales l’agrupación de danza “Dawnswyr Tawerin” y de Bretaña la “Bagad Lann Bihoué”, “Merzhin” y “Korriganed Panvrid”. Entamando por Asturies que va ufrir la principal representación nel Festival, los asturianos tan pudiendo disfrutar n’Avilés con Anabel Santiago & Mikel Lee Wolf, “Andolina”, la bandina “La Curuxa”, la banda de gaites Villa de Avilés, la banda de gaites de La Villa, el club colombófilu avilesín, el club La Peonza, el club náutico de Luanco, Dúo Astur, “Esbardu”, “Escontra´l Raigañu”, “Falanoncaduca!”, la cantante de tonada Marisa Valle Roso, “Xaréu d´ochobre”, Rubén Alba y “Pleamar”. Pa finar, dende Galicia vienieron a tocar nel Festival de Naciones Celtes más importante de tolos que se fain n’Asturies, la banda de gaites “Charamuscas” y el grupu de danza tradicional “Inquedanzas”.

Xixón recibe güei a los grupos participantes na Selmana de Folclor de la ciudá, que va celebrase hasta’l próximu 27 de xunetu y qu’esti añu medra en conteníos. Dende esti añu va ser vezu sumar la participación d’un grupu procedente del pueblu o conceyu ganador del Premiu Príncipe d’Asturies, n’esti casu “Folclor Ayerán”, del conceyu d’Ayer, que van sumase na primer xornada a “Xaranzaina”, de Xixón, y Millauquen, de Chile.

Pero los actos van entamar primero, a les 22:00 hores, cola interpretación del himnu oficial o “Valse de la Camaretá”.

Mañana vienres, a la mesma hora, van actuar los grupos folclóricos “Azabache” (Xixón) y “Abdullah Bittar” (Siria) amás del grupu de coros y dances “Museo de la Huerta”, d’Alcantarilla, Murcia. El sábadu 26, va ser el turnu del grupu “La Alegría”, de Xixón, los percusionistes chinos “Shaanxi” y el Grupu Folclóricu Nacional Arfan, d’Osetia del Norte. Nes cais de la ciudá va poder amás, estos díes, deprender baille tradicional de la mano de los grupos llocales.