Música

El sábadu 8 de mayu, na Estación d’autobuses de Llangréu, celébrase dende les doce la mañana una prestosa Feria d’artesanía y gastronomía y la III Feria del Discu y el Llibru n’asturianu. Amás, coincidiendo cola inauguración d’estes dos feries, conciertu de la Banda de Gaites Conceyu de Llangréu, y a les 12:30, conciertu de la Banda de Música Conceyu de Llangréu. La mañana piésllala un directu de Tina Gutiérrez, a les 13:15.

Yá al escurecer, celébrase un conciertu de Duerna, Felpeyu+Frigg (con espeutáculu esclusivu pa esti festival), Dixebra y IMG, dende les 21:00 hores.

La xornada cabera entama’l domingu 9, a les 12:30, na Estación d’Autobuses de Llangréu, col conciertu de la Banda de Gaites La Salle y festival de tonada, dende les 12:30. Pela tarde, a les cinco y media, conciertu de Jerónimo Granda, y más sero, conciertu homenaxe a la gaita con Ramón García Morán(teclaos), (guitarra), Rubén ÁlvarezHoracio García (baxu y contrabaxu), Chus Castro (batería), Andrés Fernández (gaita),Pablo Carrera (gaita), Chus Solís (gaita), Dani García Argüelles (gaita), Nacho Cuetos (gaita), Adrián Muñiz (gaita) y Andrea F. Joglar (gaita). Toos ellos, xuntos nun espectáculu especialmente diseñáu pal festival y coordináu por Xuan Nel Expósito.

Güei, xueves 6 de mayu, de magar les 22:05 hores, el cantautor Tolin Morilla va ufrir un conciertu nel chigre Café Trisquel, nel que va tocar cantares nuevos y temes del so repertoriu habitual.

Un añu más torna a Llangréu ún de los festivales culturales más afitaos del país, Tolo d’Asturies, que se celebra nesti conceyu del 6 al 9 de mayu, con música tradicional, rock, folk, bandes de gaites, artesaría, gastronomía, discos, llibros… y too ello con dos característiques en común: ser productu cultural y tener los sos raigaños n’Asturies.

Los actos entamen el xueves 6 mayu na Casa los Alberti cola inauguración oficial. A les 19:30, celébrase un conciertu d’Alfayé, Cyrille Brotto y Xuan Nel Expósito. El vienres, nel Nuevu Teatru La Felguera, otra vegada la música como protagonista: Espido y Mapi Quintana, a les 20:30 hores.

El sábadu 8 de mayu, na Estación d’autobuses de Llangréu, celébrase dende les doce la mañana una prestosa Feria d’artesanía y gastronomía y la III Feria del Discu y el Llibru n’asturianu. Amás, coincidiendo cola inauguración d’estes dos feries, conciertu de la Banda de Gaites Conceyu de Llangréu, y a les 12:30, conciertu de la Banda de Música Conceyu de Llangréu. La mañana piésllala un directu de Tina Gutiérrez, a les 13:15.

Yá al escurecer, celébrase un conciertu de Duerna, Felpeyu+Frigg (con espeutáculu esclusivu pa esti festival), Dixebra y IMG, dende les 21:00 hores.

La xornada cabera entama’l domingu 9, a les 12:30, na Estación d’Autobuses de Llangréu, col conciertu de la Banda de Gaites La Salle y festival de tonada, dende les 12:30. Pela tarde, a les cinco y media, conciertu de Jerónimo Granda, y más sero, conciertu homenaxe a la gaita con Ramón García Morán(teclaos), (guitarra), Rubén ÁlvarezHoracio García (baxu y contrabaxu), Chus Castro (batería), Andrés Fernández (gaita),Pablo Carrera (gaita), Chus Solís (gaita), Dani García Argüelles (gaita), Nacho Cuetos (gaita), Adrián Muñiz (gaita) y Andrea F. Joglar (gaita). Toos ellos, xuntos nun espectáculu especialmente diseñáu pal festival y coordináu por Xuan Nel Expósito.

Güei, miércoles 5 de mayu, a les 20:30 hores, en La Casa Posafuelles, va facese la presentación del discu qu’edita la Xunta pola Defensa de la Llingua Asturiana en collaboración col colectivu Músicos pola Oficialidá, y que nesta ocasión esplora la rellación ente la música asturiana y les tendencies lletróniques. Xune Elipe va presentar l’actu y depués Da Robotz va facer una sesión de música folk llectrónicu.

Dende hai cinco años, la Xunta pola Defensa de la Llingua Asturiana, en collaboración con Músicos pola Oficialidá, colectivu formáu por artistes de diferentes estilos musicales, publiquen un cantar que val como banda sonora del movimientu de reivindicación llingüística. De mano, la propuesta venía en forma d’un solu cantar pa dir pasando colos años a presentar el tema acompañáu d’otres canciones, en forma de recopilatoriu.

Dende’l folk, el rock, hip-hop, toles propuestes musicales van formando parte de les creaciones que faen Músicos pola Oficialidá. Nesti añu avérense a los ritmos lletrónicos.

El single d’esti añu, “El Ramu del Día de les Lletres”, lleva delles cuartetes qu’interpretaron na Manifestación del Día de les Lletres Asturianes del 2009 un grupu d’unes 40 pandereteres qu’abrieron el cortexu nesa xornada reivindicativa.

Esti single ta recoyíu nun cedé recopilatoriu, “Asturllétric”, xunto a otros 12 temes más. Estos temes son reellaboraciones de dellos de los grupos más punteros del país que rellacionen la música tradicional asturiana cola música lletrónica, que son estos: Balandrán, Anabel Santiago, Corquiéu, Tutu Studiu, La Col.la Propinde, Herbamora, Xera, La Bandina, Dixebra, Soncai System y Toli Morilla.

El conceyu de Santu Adrianu acueye güiei, 1 de mayu, el IX Alcuentru de Pandereta Galega y Asturiana, que cada añu tien llugar nún de los dos países participantes, y que va entamar n’esta ocasión a les ocho y media la tarde, col recibimienut per parte d’El Sabil de Santu Adrianu y la celebración d’una cena de confraternización.

A les 23.30 hores van ser les actuaciones de la banda anfitriona, Cantaruxare (que tienen como particularidá ser una agrupación de pandereta formada namás por homes), y del grupu invitáu, que son nesti casu Os Muiños de Oliveira, de Ponteareas. Los actos van acabar con una fiesta que ta previsto qu’empiece alredor de la una y media de la mañana. Los interesaos n’asistir pueden apuntase contactando directamente con El Sabil, por teléfonu (985 761 472). Les inscripciones cuesten 35 euros.

El Conceyu de Bimenes ta acabante convocar la XI edición del Concursu de gaiteros y gaiteres mozos de Bimenes, nel que van poder tomar parte tolos concursantes que quieran, siempres a títulu personal y teniendo menos de 21 años el día 30 de xunu del añu 2010. Nel Concursu va afitase un llímite máximu de 10 participantes, que van ser almitíos por rigurosu orde d’inscripción. Sicasí, una vegada superada esta cifra na fase d’inscripción quedará abierta una llista de reserva pa cubrir posibles baxes. La fecha tope pa la receición de les inscripciones ye’l llunes 21 de xunu de 2010 a les 12:00 hores.

La rellación de participantes fadráse pública’l martes 22 de xunu, nun actu abiertu al públicu que se va facer na Casa la Cultura de Bimenes a les 12:00 hores. Nesti actu va sortease l’orde de participación nel certa.

La preselección va facese’l sábadu 26 de xunu, a les 11. La final del concursu va ser el sábadu 3 de xunetu, a les 18:30 hores, en Xenra (Bimenes), nel marcu de la XIV Fiesta de la Oficialidá de la Llingua Asturiana. El concursante tendrá de presentase, como mínimo, 30 minutos enantes del entamu pa interpretar dos temes, ún obligatoriu de la llista dada pol Conceyu y otru que pue ser llibre. Los temes han de ser interpretaos ensin añadíos nin supresiones son Muñeira de Remis, Floréu de Remis, Diana floriada de Veriña, Fandangu puntiáu, Muñeira Barganaz, Xota’l Centru, Muñeira Lliberdón, Alborada’l paxarín, Xota l’Oriente o Carretera d’Avilés.

Los concursantes han d’emplegar como instrumentu la gaita tradicional asturiana (d’un sólu roncón) en cualesquiera de les sos modalidaes. Tamién ye obligatoriu l’usu del traxe tradicional asturianu.

Van dase trés premios, con valos de 300, 200 y 100 euros, y troféu. El Xuráu tará compuestu por miembros cualificaos, designaos pol Conceyu de Bimenes y presidíu pol alcald. El fallu sedrá inapelable.

La propuesta d’inscripción tien de formalizase unviando per corréu los datos personales nuna fueya (onde constarán nome y apellíos, direición y teléfonu de contautu), amás d’una fotocopia del DNI a: Casa la Cultura de Bimenes IX Concursu de Gaiteros y Gaiteres Mozos – Santuyano s/n. CP 33527 – Bimenes.

La Sala Polivalente de la Casa Cultura de Grau va acoyer güei a les seis de la tarde un actu, enmarcáu dientro de los V Alcuentros de Lliteratura y Artes colos que se celebra’l Mes del Llibru” en Grau. Nel mesmu van participar Edu Vázquez y Ana Vega, músicos.

L’actu entámalu’l Foru de Creación y Llectura de la Biblioteca Municipal de Grau, La Conceyalía de Cultura, La Fundación Aula de Les Metáfores y l’Asociación Valentín Andrés.

El pasáu sábadu, 24 d’abril, celebrábase nel Recintu Ferial Luis Adaro de Xixón, el XXII Conciertu pola Oficialidá, cola participación de Xentiquina, La Bandina la Curuxa, Toli Morilla, DRD, Skama la Rede, Los Berrones, Dixebra y Misiva. Quien nun pudiera averase pela celebración va poder disfrutar agora de les imáxenes del mesmu, montaes pol realizador Pablo A. Quiroga Prendes.

La música de fondu ye “El ramu del Día de les Lletres”, cantar de 2010 grabáu polos Músicos pola Oficialidá, yá incluyíu dientro del discu “Asturllétric”.

La presentación de “D’abéu”, el nuevu discu de Verdasca, va tener llugar esti xueves a les 20:00 hores nel pabellón de CaxAstur de la Feria Muestres de Xixón. Nel mesmu, van poder sentise los nuevos temes d’esta formación moza que surde el mes de xineru de 2006 de la xuntanza d’ún grupu de músicos procedentes de la Escuela Municipal de Música de Llanera y la banda de gaites “La Raitana”. Mañana vienres, la formación va ser amás protagonista de la “Entrevista de la selmana” n’Asturnews.

Basen el so repertoriu na reellaboración de musica tradicional asturiana y composiciones propies del grupu. La so propuesta ye dafechu acústica, basando la so intrumentación nel emplegu d’instrumentos tradicionales asturianos, como la gaita, el curdión diatónicu, el vigulín o les percusiones tradicionales, asina como otros instrumentos como la guitarra acústica o les percusiones llatines.

En xunetu de 2007 espublicen la so primer maqueta discográfica, compuesta por una selección de cuatro pieces del so repertoriu onde espeyen el trabayu que llevó a cabu el grupu durante esi primer añu de trabayu, asina como la propuesta musical que quier desendolcar. En agostu de 2007 formen parte de la Delegación Asturiana nel Festival Interceltique de Lorient, onde algamen el segundu puestu nel Trophée de Musique Celtique “Cidrerie du Terroir”.

En 2008 algamen el primer premiu nel Concursu y Muestra de Folclor “Ciudá d’Uviéu”, troféu “Igor Medio y Carlos Redondo” de la modalidá de grupos de folk. En febreru de 2009 reciben el premiu AMAS como grupu revelación del añu 2008. A lo llargo d’esti mesmu añu, el grupu fizo diverses apariciones televisives na TPA (Televisión del Principáu de Asturies) en programes como “Pieces”, “Nos” o “Camín de Cantares”.

Verdasca tien actuáo nuna montonera d’escenarios per toa Asturies, amás de visitar otros llugares d’España, como Alcobendas, Ourense o Barcelona, y tamién festivales nel extranxeru como’l Festival Intercélticu de Lorient na Bretaña Francesa o ‘l Festival Ethnosuoni y la Festa Internazional de la Zampogna de Scapoli, los dos n’Italia.

El grupu “The Cabriolets”, llideráu por Bimba Bosé, ta a piques de sacar discu nuevu, dempùés de rematar la xira del so primer álbum, “Demo”. D’esti discu nuevu dicen “ta pensáu dafechu pal directu y compuestu con ritmos rockeros na sala d’ensayu”. El conciertu va celebrase esti xueves 29 a les 10 de la nueche, na Sala Savoy, asitiada na cai Pelayo de Xixón.