Música

El pueblu d’adopción del célebre gaiteru asturianu Ramón García Tuero, más conocíu como’l Gaiteru Lliberdón, ñacíu n’Arroes (Vilaviciosa) en 1864 y fináu en Lliberdón (Colunga) en 1932, yá cunta col centru d’interpretación de la so obra y vida. Inauguróse’l día 7 de xunetu cola presencia del viceconseyeru de Promoción Cultural, Jorge Fernández León, y l’alcalde de Colunga, Rogelio Pando, acompañáu d’otros miembros de la Corporación Municipal, familiares del Gaiteru Lliberdón encabezaos pol so nietu Juan Miranda, los miembros habituales del Xuráu del Certame de Gaita Asturiana Premiu Gaiteru Lliberdón (Luis Estrada, Javier d’Arroes y Vicente Prado «El Pravianu») y otres personalidaes rellacionaes col mundu de la música tradicional asturiana.

La formación Zapica, va tocar esti sábadu, 10 de xunetu, a partir de les 22:30 hores, en Porrúa, conceyu de Llanes. Zapica ye una formación compuesta por músicos con abondos años d’esperiencia na escena folk del país. El grupu cunta con un karoke colos cantares tradicionales pa que’l públicu los acompañe nes actuaciones.

La cantante Jessye Norman pertenez a la llista onde figuren Renata Scotto, María Calas, Montserrat Caballé, Renata Tebaldi, Kiri Te Kanawa, Barbara Hendricks… Ye la llista de les 35 meyores sopranos de tolos tiempos. Considerada como figura absoluta de los escenarios operísticos mundiales, Jessye Norman namás atiende a siete cites nel mes de xunetu dientro de la so xira europea. Tres el so pasu per Xixón va ufiertar un conciertu en Barcelona, pa siguir el so periplu por Stuttgart y Mónacu.

El programa que va executar nel Xovellanos ta compuestu por dos partes estremaes. Na primera d’elles va tocar temes tradicionales espirituales y otros de Ch. Gabriel, D. Ellington, L. Bernstein, W. Donaldson o K. Weill, ente otros.

Na segunda parte, va interpretar repertoriu d’artistes franceses como F. Poulenc, V. Scotto o V. Duke, ente otros. En dambes partes va tar acompañada por Mark Markham al pianu, Ira Coleman al baxu, Steve Johns a la batería, Mike Lovatt cola trompeta, y Martin Williams col saxo, xiblates y clarinete.

L’Asociación Artística Multicultural “Asartim”, organiza esti festival que va entamar güei y termina’l domingu, 11 de xunetu, nel Teatru Filarmónica y nel parque del Milán d’Uviéu. La cita entama güei vienres, a les ocho la tarde. Nel festival participen grupos folclóricos del Estáu español, Ecuador, Colombia, Cuba, México y Venezuela.

El domingu, a partir de les 12 del meudía, toles delegaciones actuarán nel Parque del Milán de la ciudá, onde se podrá esfrutar de comides y bebíes típiques de los diferentes países.

El grupu folk Zapica, fundáu nel 2008 col envís de “dar puxu a los cantarinos tradicionales”, va tocar güei, xueves 8 de xunetu, a partir de les 22 hores, na sidrería Tierra Astur de Cualloto. Amás, el día 10, a les 22:30 hores, van tocar en Porrúa. Zapica ye una formación compuesta por músicos con abondos años d’esperiencia na escena folk del país.

El cantautor asturianu Alfredo González toca esti xueves, 8 de xunetu, nel Savoy de Xixón, de magar les doce la nueche. El que fuera ganador del Premiu al Meyor Cantar en llingua asturiana y representante d’Asturies nel Liet Internacional, va llevar el so repertoriu habitual al chigre xixonés, asitiáu na cai Pelayo.

Entrevista de la selmana a Alfredo González (06/11/2009)

El festival Beltaine, Avilés intercélticu, torna na so segunda edición con representantes de Bretaña, Gales, Cornualles, Irlanda, Islla de Mann, Galicia, Portugal, País Vascu y Asturies. Una riestra de grupos que van enllenar de música les cais de la villa del Adelantáu. Sicasí, nun ye too música, nel programa inclúin tamién talleres, desfiles, esposiciones, conferencies, deportes, teatru…

Ente los grupos asturianos Tejedor, Felpeyu o Corquiéu, los irlandeses Lúnasa, la gallega Susana Seivane y dende Portugal, Galandun-Galandaina. Amás, nel Carbayedo o Sabugo van acytuar bandes de rock asturianes como Tronco, The Paperbacks, Capitán Cavernícola Blues Band, Morrigans y Crudo. La programación completa ta yá disponible na web del festival.

Programa completu del Beltaine 2010

Güei, martes 6 de xunetu, de magar les ocho la tarde, los xardinos de la Casa Conceyu de Noreña, asitiaos na cai Flórez Estrada, númberu 2, van acoyer l’actuación de les banes xuveniles de Noreña y Llíria (País Valencianu). Esti conciertu ta enmarcáu dientro de ente la Banda de Música de Noreña y la Banda Xuvenil Primitiva de Llíria, sofitáu pola Conceyalía de Cultura del Conceyu de Noreña.

Na primer parte de la xornada, van interpretase les obres “Agüero” (Pasodoble), de José Franco Ribate, “Un cuento de hadas”, de Ferrer Ferrán, y “Danza del sable”, d’A. Katchaturian; darréu van sonar “No lo olvido” (Pasodoble), d’A. Nieto, “Queen in concer”t, de J. de Haan y “El camino real”, d’A. Reed.

La banda llocal pa tocar col valenciana na segunda parte, na que van treslladase a la Ilesia de Santa María de Noreña.

El grupu Falanoncaduca, que va tar esti sábadu xunto a Tejedor nel festiva vascu Mendebala Jaialdia, va actuar el vienres 2 de xunetu na Terraza’l Filanguiru de La Pola L.lena. Amás, a lo llargo’l branu, va actuar notros sitios como’l programa Arte Na Cai de Xixón, los XXVIII Cursos de Branu de l’ALLA o la nueche astur-romana de Carabanzo el 14 d’agostu, dos díes enantes de qu’entren a grabar “Tiempu de povisa”, el so primer discu.

Más información del grupu

El folk de Tejedor y l’ska-fusión de Falanoncaduca van tar presentes nuna nueva edición del festival vascu Mendebala Jaialdia. Los prósimos díes 2 y 3 de xunetu va tener llugar na llocalidá de Sopuerta (Bizkaia) esti eventu qu’axunta una bona esbilla del folk y rock de raigañu de la Cordillera Cantábrica. Con una entrada y zona d’acampada llibre, les bandes asturianes va actuar el sábadu 3 xunto a los grupos vascos Xabi Aburruzaga y Sokaide.

Dende va dellos años la llocalidá vizcaína de Sopuerta acueye anualmente’l festival Mendebala Jaialdia, un eventu que tien por oxetivu puxar pola música en vivo de bandes vasques, cántabres, asturianes y gallegues que desendolquen un soníu marcáu pola música de raigañu d’eses tierres. Artistes asturianos como Hevia y Skama la Rede yá participaron nel festival y nesta nueva edición tóca-yos el turnu a Tejedor y Falanoncaduca.

El 3 de xunetu ye’l día nel qu’estes dos formaciones asturianes van llevar el so soníu a Sopuerta. Mientres que Tejedor va poner enriba les tables el so cuidáu folk, Falanoncaduca van encargase de pesllar la nueche a ritmu de “Mecigayu son”, o lo que ye lo mesmo: una fusión de soníos como’l ska, rock, folk, surf, reggae y metal. Nel escenariu van acompañar l’acurdionista vascu Xabi Aburruzaga y el grupu euskaldun de folk-rock Sokaide.

El Mendebala Jaialdia caracterízase tamién por celebrase nun enclave natural perguapo, ente les montañes de la Cordillera Cantábrica, na llende de Bizkaia con Cantabria. Ehí ye onda s’asitia una zona d’acampada llibre pa tolos asistentes a esti festival gratuitu. Amás, señalar tamién que’l eventu arranca’l vienres 2 coles actuaciones de los vascos Adarrots y Bizardunak y los gallegos Luar Na Lubre.