Música

La Biblioteca d’Asturies n’Uviéu va acoyer hasta’l 15 d’Avientu l’amuesa espositiva XXV años de producción y edición fonográfica, una esposición que repasa prácticamente toles ediciones discográfiques editaes a lo llargo d’estos venticinco años en diversidá de soporte per parte de los trés sellos que formaron, y entá formen, parte importante de la hestoria de la música creao y editao n’Asturies: El Cohete Producciones, Waco Records y Aris Música.

Dende’l pop inmaculáu ya imperecederu de Los Locos editáu al traviés d’El Cohete Producciones pasando poles ediciones de Kactus Jack, Smellie Fingers o Y-330 pa Waco Records, pieces bien representatives de la meyor escena underground que se xeneró n’Asturies nos años noventa (bautizada como Xixón/Asturies Sound), hasta delles de les referencies más relevantes del grupu Texedor editaes yá na división Aris Música, lo mesmo que la última edición publicada hasta la fecha (de casualidá la música más antigua del catálogu), obra del Coru de les Monxes Benedictines de San Pelayo d’Uviéu, más conocíu como Les Pelayas.

Dientro del Ciclu de Conciertos del Muséu Muséu Casa Natal de Xovellanos va ufrise esti vienres 29 de noviembre a les 19.30 hores un conciertu del violinista Miguel Colom y el pianista Denis Lossey na Casa Natal de Xovellanos con pieces de Debussy ente otros compositores.

El Muséu Casa Natal de Xovellanos y Mocedaes Musicales de Xixón presenten una nueva sesión de los sos conciertos del Muséu a cargu del violinista Miguel Colom y del pianista Denis Lossev.

Miguel Colom Cuesta naz en Madrid (1988). En rematando’l Grau Mediu de violín con Premiu Estraordinariu, estudia na Escuela Cimera de Música “Reina Sofía” y na Hochschule für Musik “Hanns-Eisler” de Berlín. Anguaño realiza un Máster de violín cola Profesora Antje Weithaas. Foi ganador del Primer Premiu, Premiu Especial y Premiu al meyor intérprete de música española nel VI Concursu Internacional de Violín “Villa de Llanes” (2004), amás de Primer Premiu nel Concursu Permanente de Mocedaes Musicales d’España (2010). Actuó como solista con delles orquestes, paralelamente a una creciente trayectoria como músicu de cámara, estrenando obres como’l Duo-Sonata per a violí i pianu, de Jordi Cervelló.

Denis Lossev nació en San Petersburgo (1974). Empecipió los sos estudios de pianu a los 7 años na Escuela Especial pa Neños Dotaos, onde se diplomó coles máximes calificaciones y llogró el Primer Premiu del Concursu pa neños especialmente dotaos. Siguió’l so aprendizaxe nel Conservatorio “Rimsky Korsakov” de San Petersburgo, onde completó la so formación como profesional. A partir d’entós dio numberosos recitales y conciertos con orquesta, tantu en territoriu rusu como en dellos países d’Europa, ente les que destaquen les retresmisiones realizaes pola Televisión Italiana dende’l Teatru Odeón de Catania. La so formación cimera tuvo llugar na Escuela Cimera de Música “Reina Sofía” de Madrid, la École Normale de Pianu “Alfred Cortot” de París y el Conservatorio Nacional de Rexón de París. Ente 2006 y 2010 foi Profesor Pianista Acompañante na Escuela “Reina Sofía” (Cátedra de Violín “Telefónica”), y dende esi añu ye Profesor Asistente de la Cátedra de Pianu “Fundación Banco Santander”. Debutó como solista con diecinueve años na Gran Sala de la Filarmónica de San Petersburgo acompañáu pola Orquesta Filarmónica d’esta ciudá. Foi’l primera pianista en tocar el Conciertu pa Pianu de Britten, tres l’actuación de Sviatoslav Richter con este mesmu programa, na Gran Sala de la Filarmónica de San Petersburgo, pola que llogró gran ésitu de públicu y crítica.

PROGRAMA

Claude Debussy (1862-1918) Sonata pa violín y pianu en Sol menor Dimitri Shostakovich (1906-1975) 24 Preludios Op. 34 (selección) (arreglu pa violín y pianu de Dimitri Tsyganov)

POSA

Richard Strauss (1864-1949) Sonata n’El mio bemol mayor pa violín y pianu Op. 18 TrV 151

Yá ta nos puntos de venta avezaos de Discos L’Aguañaz (grandes almacenes, chigres, llibreríes) “Tiempos Modernos”, el trabayu discográficu nuevu de Dixebra, que fai’l númberu doce na so carrera.

Según el veteranu grupu asturianu, “apegaes a la realidá más que nunca les quince pieces que componen el discu pueden sentise como cantares independientes o como un too con un filu conductor: aquellos tiempos modernos que yá avanzare Chaplin nos años trenta del sieglu pasáu son güei la vida de tolos díes de miles de persones nesti capitalismu xabaz. Paru, perda de derechos, represión, corrupción, políticos ensin escrúpulos, alienación… son claves pa entender l’actualidá y too ello ta presente nes lletres d’esta obra musical, pero tamién la esperanza, la resistencia, la solidaridá o l’activismu tienen espaciu nella”.

Tiempos Modernos de Dixebra ye una reflexón dende la música sobre los díes convulsos que nos tocó vivir n’Asturies y nel mundu; asina nun falten les referencies al nuestru país en temes como «Nueva economía», «A golpe de tacón», «Caballu al verde», «Motivos pa regresar» o «Química inorgánica» (el primer cantar dedicáu esplícitamente a la ciudá que vio nacer a la banda, Avilés), pero tamién otres más xenerales en «Cinco cifres», «¿Qué más falta?», «Banqueru» o «A punta de pistola», cuando non directamente internacionales, como por exemplu «Antístasi», sobre la situación actual en Grecia.

Musicalmente sigue la filosofía que la banda mantién dende la so nacencia, esto ye, nun refugar a priori nada que pueda arriquecer el so soníu; d’esti mou podemos alcontrar pieces de calter reggae, ska, punk, folk, funk, metal o rap, cola presencia d’una bayurosa representación d’instrumentos, onde amás de los avezaos tamién pue sentise’l timbre d’otros como’l banjo, acordión, violín, ukelele, guitarra acústica o diferentes percusiones. Bien importantes son nesti trabayu les collaboraciones, que lleguen de la mano de Lisardo Prieto (Felpeyu), Ángel Ruíz, Toño Gómez, Javier Tejedor o Vito Álvarez, destacando nel aspectu vocal la presencia del raperu colombianu afincáu n’Asturies Shalóm o de la cantante cubana, tamién afincada equí, Ariane Valdivié. Y conxuntamente con too ello una presentación de lluxu, con una estética mui cuidada y tola información necesaria pa entender dafechu’l sentíu y el por qué de cada canción. Tiempos Modernos va ser, de xuru, ún de los trabayos cimeros de Dixebra, una obra versátil musicalmente y crítica temáticamente, con pieces crudes, rápides y contundentes, y otres sutiles, cadencioses y hasta llamatives. Un discu al altor de lo esperable d’estos músicos.

Un títular que diga qu’un grupu como “Extremoduro manda a tomar pol culu” a los implicaos nel pirateo del so nuevu discu llama l’atención, porque cuando ún llee’l comunicáu del grupu y entiende que lo que fai ye una cenciella crítica del sistema emplegando’l títulu del so discu en direutu más nomáu, a la conclusión que llega ye que’l periodismu vive les sos peores hores y la Cadena Ser que firma un artículu nel que nun s’entiende nada exemplifica la cuestión.

El pasáu 21 de payares un mozu foi deteníu y puestu a disposición xudicial por aprovechar el so trabayu de mozu d’almacén pa robar l’últimu discu de la banda Extremoduro que con 30 años nos escenartios preparaba’l lanzamientu de ‘Pa tolos públicos’. El mozu taba acusáu de colgar el so conteníu n’Internet, pero la polémica entamó porque la Guardia Civil dexó entrever na rueda de prensa que la banda de rock denuciara’l robu, lo que’l grupu vieno acabante desmentir con un percuriosu comunicáu nel qu’emplega’l titulu del so discu<

Poco dempués del ruobu y de xubir a la rede les canciones en mp3, l’últimu trabayu de Robe y compañía tenía 60.000 descargues.

Sigún la CADENA SER, “esto fadió a la banda hasta’l puntu de mandar “a tomar pol culu” a unos y otros dende la so web”. Na realidá lo que cixo’l grupu nesi comunicáu yera que “nun primer momentu, pensamos en demandar al que robó’l discu, pero depués dimonos cuenta de que’l chorizu solo tenía una mínima parte de la culpa”… “Entós pensamos en demandar a tolos que se baxen música ensin pagar”. “Más tarde, cuando tou salió a la lluz público al traviés de los medios de comunicación, pensamos en demandar a toos esos medios de pacotilla qu’anunciaron que nós punximos la primer demanda”.”Y, entá más tarde, pensamos en demandar a la Guardia Civil por dexar entever na so confusa rueda de prensa que la denuncia partió del grupu. A la fin, paeciónos que sería demasiáu trabayu, porque, yá d’antes, teníamos pendiente demandar a la compañía discográfica y a la oficina de contratación”-

Nesta evidente ironía que nun paecen entender dellos de los medios de comunicación a los que precisamente critíca’l grupu col comunicáu, los d’Extremoduro finen “Asina que lo pensemos meyor: IROS TODOS A TOMAR POR CULO”, faciendo un guiñu a tolos que conocen la trayectoria del grupu y que persaben el títulu del so LP en direutu, como reconoz la noticia del mediu referíu que foi’l que más difusión dio al comunicáu en cuantes se produxo.

Luar Na Lubre va actuar esti sábadu 30 de Noviembre a les 20 hores nel Centru Cultural Valey de Castrillón nun conciertu qu’frirá les entraes antemanaes a 12 euros y en taquilla a 15. LUAR NA LUBRE ye güei una de les formaciones más importantes de folk n’España, con un ampliu historial tres de si, con una fama que trespasó fronteres desque’l prestixosu músicu británicu d’ascendencia irlandesa, Mike Oldfield, interesarase pola so música.

A partir d’ende, un rosariu de premios, bones crítiques, actuaciones nos meyores escenarios y dos discos d’oru conforme esta llarga hestoria qu’entama nel añu 1986. Considerando a Galicia como puntu fundamental del so trabayu, y teniendo en cuenta’l so calter, LUAR NA LUBRE entiende que la música ye unu de los más importantes factores culturales pa l’afirmación del derechu a la diferencia enriquecedora del pueblu gallegu.

El grupu pretende qu’en Galicia predomine la so cultura anque nun refuga influencies qu’ameyoren la so propuesta ensin deturpar el calter central del so proyectu. El proyectu musical básase fundamentalmente nes músiques de raigañu gallegues, polo que dediquen particular atención al estudiu de los principales cancioneros gallegos según al trabayu de campu que-yos apurre un fonda conocencia sobre la realidá musical gallega que se tien reveláu determinante nes sos propies composiciones.

El Centru Niemeyer, n’Avilés, va conmemorar les celebraciones a nivel mundial de Giuseppe Verdi y Richard Wagner con motivu del bicentenariu de la nacencia de dambos compositores. Y va facelo acoyendo esti xueves 21 de payares, a les 20,30 hores, un conciertu del Coru y Orquesta de la Ópera del Teatru Nacional de Brno que, baxo la direición de Jakub Klecker y Josef Pancík, van interpretar Obertures y coros de los dos maestros de la música.

Esta sedrá la primer vegada que l’escenariu del Niemeyer ufierta un espectáculu d’estes característiques que va sirvir d’estrenu de la nueva xira que’l Teatru checu fadrá per delles ciudades España como Santander, Pamplona, Zaragoza o Castellón, .

Esti martes, 12 de noviembre, a les 19:30 hores, va celebrarsepor primer vegada na Catedral d’Uviéu una Misa de Gaita presidida pol arzobispu, Jesús Sanz Montes, y na que va participar el tenor Joaquín Pixán acompañáu pol gaiteru José Manuel Texedor y Javier Texedor como tambor, xuntu col Coru d’alumnes de la Escuela Municipal de Música Tradicional de Cangas, dirixíu por Isabel López.

L’actividá ta entamada pol Aula Valdés Sales de la Universidá d’Uviéu.

La banda de rock avilesina Dixebra va presentar el pro&#769;ximo vienres 15 de noviembre a les 20:30 nel auditoriu de la Casa de la Cultura d’aquella ciudá so trabayu discogra&#769;fico nuevu, que lleva por ti&#769;tulu “Tiempos Modernos”. Va facelo con un conciertu onde van dar a conocer la mayori&#769;a de temes que formen parte d’esta entrega nueva de la so mu&#769;sica, que fai yá la nu&#769;meru dolce dende la so nacencia nel an&#771;o 1987. La presentacio&#769;n esta pensada como una actuacio&#769;n especial, cola colaboracio&#769;n de dalgunos de los mu&#769;sicos convidaos na grabacio&#769;n, casu de Ton&#771;o Go&#769;mez (trombu&#769;n), Javier Texedor (acordeo&#769;n), Vito A&#769;lvarez (voz) o’l raperu asturcolombianu Shalo&#769;m; adema&#769;s d’ello los cantares van complementase con montaxes de video inspiraos nes lletres, fechos pa la ocasio&#769;n pol realizador Guillermo Ferna&#769;ndez.

El conciertu tendra&#769; dos partes estremaes, una primer compuesta mayoritariamente polos temes nuevos incluyíos nesti discu, con introducciones onde van esplicase co&#769;mo surdieron y que los inspiraron, y una segunda onde van facer una repasada polos cantares ma&#769;s conocíos y queríos polos sos siguidores.

Tiempos Modernos presenta quince composiciones que musicalmente muevense ente’l punk-rock, el metal-rap, el ska- reggae y el folk-rock, con un amiestu d’estilos yá caracteri&#769;sticu nel grupu. La base sonora (bateri&#769;a, baxu y guitarres) rexístrose&#769; al empar, cola cuenta de nun perder nada de la fuerza y espontaneidá que queri&#769;an amosar los componentes de la banda, despue&#769;s d’ello fueron incluyi&#769;ndose los dema&#769;s preseos (guitarra acu&#769;stica, ukelele, gaites –midi y tradicional-, violi&#769;n, acordeo&#769;n, metales, etc) y les voces. La resultancia final ye un discu con un soníu nada encorsetáu, contundente y con un puntu de naturalidá que lu alloña de cualquier artificiosidá. Tema&#769;ticamente los cantares traten d’asuntos de actualida&#769;, anque enllazando pasáu y presente, con referencies a la hestoria contempora&#769;nea d’Asturies, pero ensin escaecer otres cuestiones ma&#769;s xenerales o internacionales. El ti&#769;tulo del discu, sacante d’una frase d’ún de los cantares, fai referencia a la famosa peli&#769;cula de Chaplin, colo que Dixebra quier reflexar qu’aquel tiempu que crei&#769;amos yá desterráu esta&#769; ma&#769;s cerca que nunca.

La banda espera tar arropada nesta presentacio&#769;n con una bona cantidá de «dixebriegos», que pueden faese coles entraes a un preciu de 12 euros antemanada y 15 en taquilla.

El Teatru Prendes de Candás (Carreño) acueye la estrena del espectáculu escénicu “Palabres”, los díes 8 y 9 de payares pol Grupu de Baille “San Félix” de Candás que presenta la obra basada nuna idega orixinal del escritor Xurde Fernández, en coproducción col propiuTeatru Prendes, . La propuesta tien un nidiu calter multidisciplinar y axunta música, baille tradicional, lliteratura y arte audiovisual nun espectáculu únicu del que ya amosó avances el grupu n’imporantes actuaciones como les que lu llevaron a Lorient.

PALABRES ye un espectáculu del Grupu de Baille “San Félix” de Candás que, en coproducción col Teatru Prendes de Candás, desendolca una idea orixinal del escritor Xurde Fernández (Candás,1975). Nella, la música, la lliteratura, la danza tradicional y l’arte audiovisual conviven nun mesmu espaciu escénicu, xenerando asina un discursu artísticu nuevu que s’articula alredor d’un doble oxetivu: el respetu a la tradición propia; y la anovación y creación de víes d’accesu afayadices p’atraer a nuevos públicos interesaos en reflexonar sobre’l propiu conceptu de “tradición”.

Pa ello, l’espectáculu PALABRES cuenta con música en directu, de nueva creación, compuesta pola cantante y contrabaxista Mapi Quintana y el curdionista Marcos García. Tarán acompañaos n’escena pol guitarrista Rubén Bada, el multipremiáu percusionista Fernando Arias y el trompetista holandés Thomas Welvaadt.

La música arropará a los escritores Aurelio García Ovies, Xandru Fernández, Pablo Texón, Concha Quintana, Elías Veiga y Xosé Miguel Suárez que lleerán fragmentos de la so obra en directo, iguando’l discursu sobre’l que s’articula l’argumentu de la obra.

Les empreses de producción audiovisual Señor Paraguas y Proima-Zebrastur axunten al espectáculu un trabayu sofitáu n’elementos de lluces y solombres, clips de videu, pantayes que modifiquen les percepciones del públicu y xuegos audiovisuales que completen la propuesta de PALABRES.

Too ello cola misión d’ufiertar nuevos puntos de vista dende los qu’analizar la realidá llingüística asturiana d’anguañu.

Xunta añal y la xornada de formación de la Rede de Museos Etnográficos d’Asturies. Muséu del Pueblu d’Asturies . Xueves 24 d’ochobre a partir de la 10.00 hores Esti próximu xueves, 24 d’ochobre de 2013, nel Muséu del Pueblu d’Asturies va celebrase la xunta añal y la xornada de formación de la Rede de Museos Etnográficos d’Asturies. Esta Rede foi creada en 2001 por aciu un conveniu ente la Conseyería d’Educación y Cultura del Principáu d’Asturies y la Fundación Municipal de Cultura, Educación y Universidá Popular del Conceyu de Xixón y so cometíu ye la coordinación de los trabayos y la xestión de colecciones, espardimientu, investigación y formación nos museos d’esta clase esistentes n’Asturies.

A esta xunta van asistir los responsables de los 14 museos qu’integren la Rede de Museos Etnográficos d’Asturies coles mires de coordinar los trabayos y la xestión de colecciones, espardimientu, investigación y formación nestos museos.

El programa ye’l siguiente:

10:00 h. Xunta de los responsables de los museos: Balance d’actividaes realizaes en 2013 y proyectos pa 2014.

XORNADA DE FORMACIÓN

• 11:00 h. Audición comentada: “Interrellaciones ente música culta y popular nel repertoriu de la gaita asturiana”, por Alfonso Fernández García, na que se van analizar dellos exemplos de melodíes de gaita que pueden rastrexase en diverses obres pianísticas y sinfóniques europees y españoles.
• 12:00 h. Resultancies del proyectu: “Fórmules máxiques na tradición oral d’Asturies”, realizáu nel marcu del Plan Nacional de Salvaguarda del Patrimoniu Cultural Inmaterial, por Jesús Suárez López.
• 13:00 h. Proyección del documental “Espui” (2012), realizáu por Anna Soldevila. Documental grabáu a lo llargo de 12 años que narra’l viaxe d’una muyer que torna al pequenu pueblu de los sos ancestros. El pasu del tiempu foi camudando la vida d’esti pueblu del Pirinéu y l’imaxe del valle, sobremanera arriendes de la construcción d’un macrocomplejo turísticu.
• 16:00 h. Visita empuesta a les esposiciones Muebles de guardar. Arques y armarios de los sieglos XIV al XIX” y “Semeyes con animales (1890-1990).