Lliteratura

Va dellos díes que pue atopase nes lliberíes l’últimu llibru de la editorial Trabe dientro de la colección “Mastros del homor”, l’antoloxía de monólogu modernu “Pa echar unes rises” onde Inaciu Galán antologa dellos monólogos propios y otros escritos por Cristina Muñiz Martín, Azucena Álvarez García, Isaac G. de L’Arada, Benxa Pérez y Chechu García. Un llibru que ye’l frutu del trabayu fechu por actores y autores nos últimos años pa la modernización del monólogu asturianu.

Nel entamu del antologador, Galán comenta como “dende va unos años delles persones venimos trabayando na modernización d’un xéneru lliterariu y escénicu que s’espresó siempres n’Asturies na nuesa llingua con más que notable ésitu y que nes últimes décades taba perdiendo públicu ensin parar”. Pal coordinador del llibru, esta perda venía, per un llau, «pola desconexión temática y estética del monólogu tradicional asturianu col públicu más mozu y urbanu» y, per otru, «pola sustitución del xéneru tradicional asturianu por otru tipu d’humor: el monólogu “stand-up comedy”, ye dicir, les formes y temes del monólogu modernu y televisivu fechu nos Estaos Xuníos y, amás, en castellanu».

Nel llibru pueden atopase los monólogos “Asturianos al volante”, “Les vueltes que da la vida” y “Los asturianos dende fuera”, escritos por Inaciu Galán y González & Isaac G. de l’Arada; “L’home y la gochería”, “La hestoria, más o menos” y “Qué guapu ye l’amor” de Benxa Pérez; “Cuatro verdaes” y “Otres cuatro verdaes” de Chechu García; “El soplómetru”, “El prexubiláu”, “Dientro la llegalidᔠy “Mensaxes curtios” de Cristina Muñiz Martín y “Tópicos asturianos” d’Azucena Álvarez García.

La presentación del llibru va facese na seronda coincidiendo cola celebración del IV Certame de Monólogu Modernu, entamáu por Xareos! Xestión Cultural.

Margaret Atwood, Juan Goytisolo, Ian Mcevan e Ismail Kadaré son los cuatro candidatos finalistes al Premiu Príncipe d’Asturies de Les Lletres, fallu que va dase a conocer esti día nel hotel Reconquista d’Uviéu, según informaron a Europa Press fontes próximes a la Fundación.

En total fueron 32 los candidatos, procedentes de 25 nacionalidaes. Ente los nomaos taben tamién Jorge Semprún, Ko Un, Antonio Tabucchi, Eduardo Galeano, Richard Ford, Alí Ahmad Said ‘Adonis’ y Haruki Murakami.

El xuráu encargáu de fallar el galardón, qu’entamó ayeri les discutinios, ta compuestu por Andrés Amorós, Luis María Anson; J. J. Armas Marcelo; Blanca Berasátegui; María Luisa Blanco; Carmen Caffarel; Pedro Casals; Antonio Colinas; Francisco Javier Fernández Vallina; Víctor García de la Concha; Laura García Lorca; José Luis García Martín; Pilar García Mouton; Olvido García Valdés; Emilio González Ferrín; Manuel Llorente Manchado; Jacobo Fitz-James Stuart Martínez de Irujo; Rosa Navarro Durán; Berta Piñán; Fernando R. Lafuente; Fernando Sánchez Dragó; Darío Villanueva y Román Suárez Blanco.

Margaret Atwood algamó esta mañana’l Premiu Príncipe d’Asturies de Les Lletres superando nes votaciones finales a Juan Goytisolo, Ian Mcevan e Ismail Kadaré nun fallu que se daba a conocer al meudía nel hotel Reconquista d’Uviéu.

El xuráu encargáu de fallar el galardón, qu’entamó güei les discutinios, ta compuestu por Andrés Amorós, Luis María Anson; J. J. Armas Marcelo; Blanca Berasátegui; María Luisa Blanco; Carmen Caffarel; Pedro Casals; Antonio Colinas; Francisco Javier Fernández Vallina; Víctor García de la Concha; Laura García Lorca; José Luis García Martín; Pilar García Mouton; Olvido García Valdés; Emilio González Ferrín; Manuel Llorente Manchado; Jacobo Fitz-James Stuart Martínez de Irujo; Rosa Navarro Durán; Berta Piñán; Fernando R. Lafuente; Fernando Sánchez Dragó; Darío Villanueva y Román Suárez Blanco.

L’autora valdesana va presentar el so poemariu “Pisadas”, premiáu pol Conceyu d’Uviéu y asoleyáu pola Academia de la Llingua Asturiana na coleición «Premios Uviéu» güei, xueves 19 de xunu nel Salón d’actos del IES “Isla de la Deva” de Piedras Blancas.

Na presentación intervendrán Ana María Cano González, Presidenta de l’Academia de la Llingua Asturiana, Ángela Vallina de la Noval, Alcaldesa de Castrillón y Xosé Suárez Arias-Cachero “Felechosa”, Conceyal de Cultura del Ayuntamientu d’Uviéu.

La presentación del actu tará a cargu de Juan José Sánchez Navarro, direutor del Centru.

Mª Esther García naz en La Degol.lada (Valdés). Ye mayestra, llicenciada en Pedagoxía, Esperta en Filoloxía Asturiana y miembru correspondiente de l’Academia de la Llingua Asturiana dende 2002.

Esti vienres pasáu inauguróse en Xixón la esposición como un homenaxe a la escritora xixonesa, Mª Teresa González, a la que’l Gobiernu-y dedicó esti añu la XXIX Selmana de les Lletres Asturianes. La muestra va poder vese nel segundu pisu del Vieyu Institutu Xovellanos de Xixón.

Na esposición van poder vese los trabayos ganadores del segundu concursu “Ruempi la mollera”, organizáu pola Oficina Municipal de la Llingua de Xixón, xunto cola amuesa dedicada a Mª Teresa González. Les dos esposiciones van tar abiertes hasta’l 21 de xunu.

Güei, xueves, 5 de xunu, a les siete la tarde, nel nel Club de Prensa Asturiana de La Nueva España d’Uviéu, la escritora Aurora García Rivas (A Antigua, San Tiso d’Abres, 1948) va presentar les sos obres “Trinquilintainas” y “Cinco contos pra xogar coa música”, editaes por Trabe y escrites n’eonaviegu.

“Trinquilintainas” ye l’últimu poemariu de la escritora, mientres que “Cinco contos pra xogar coa música”, asolyáu na colección Montesín, ye un llibru empobináu pal públicu infantil, con ilustraciones d’Helena Reyero Martínez.

Aurora García Rivas tien publicaos llibros como “O viaxeiro da noite” (Trabe, 2004), “Contos, ducia e media d’eles” (Trabe, 2007), amás de ser responsable de l’antoloxía “Na boca de todos” (Conceyu d’A Veiga, 2007) y collaboradora d’asociaciones como l’Arribada de Xixón, onde vive.

El Conceyu Llaviana convoca esti concursu al que pueden presentase testos con un llargor máximu de 10 fueyes hasta’l próximu día, 9 de xunu. Los trabayos, tanto en prosa como en versu, han tar redactaos en llingua asturiana. El tema va ser llibre valorándose los trabayos que recueyan tradiciones, costumes, llugares, fechos, paisaxes d’Asturies y, sobremanera, del conceyu de Llaviana y el Valle del Nalón.

Los premios son de 600, 300 y 150 € Les obres van remitise, en sobre zarráu a: Casa Conceyu de Llaviana Concursu de narraciones curties cai Joaquín Iglesias e/n. La Pola. Llaviana El plazu d’almisión de trabayos finaliza’l vienres 9 de xunu

Bases completes

El xueves, 5 de xunu, a les siete la tarde, nel nel Club de Prensa Asturiana de La Nueva España d’Uviéu, la escritora Aurora García Rivas (A Antigua, San Tiso d’Abres, 1948) va presentar les sos obres “Trinquilintainas” y “Cinco contos pra xogar coa música”, editaes por Trabe y escrites n’eonaviegu.

“Trinquilintainas” y l’últimu poemariu de la escritora, mientres que “Cinco contos pra xogar coa música”, asolyáu na colección Montesín, ye un llibru empobináu pal públicu infantil, con ilustraciones d’Helena Reyero Martínez.

Aurora García Rivas tien publicaos llibros como “O viaxeiro da noite” (Trabe, 2004), “Contos, ducia e media d’eles” (Trabe, 2007), amás de ser responsable de l’antoloxía “Na boca de todos” (Conceyu d’A Veiga, 2007) y collaboradora d’asociaciones como l’Arribada de Xixón, onde vive.

Güei, martes 3 de xunu, a les ocho la tarde, el Club de Prensa de La Nueva España de la Casa de Cultura d’Avilés va acoyer la presentación del llibru “El secretu de la cámara de cuarzu”, la nueva novela xuvenil de Miguel Solís Santos. Nel actu van tar col autor Pablo Rodríguez Medina, escritor, y Esther Prieto Alonso, representate d’Ediciones Trabe, qu’asoleya la obra.

Esti miércoles 18 de xunu, a les seis de la tarde na Biblioteca del FUNDOMA, van entregase los premios del XV Concursu de Cuentos pa Rapacinos y Xóvenes d’Asturies, qu’entamaba l’Asociación Cultural “El Portón” en collaboración cola Asociación Xuvenil el Tragaluz y la Fundación Docente de Mineros Asturianos, y na que van lleese los cuentos ganadores y entregar los premios y tamién una presentación a cargu de miembros del xuráu.

Darréu ufrimos l’acta del Xuráu del Concursu con tolos premios d’esta XV edición:

Aconceyaos n´Uviéu’l día 30 de mayu de 2008 na FUNDOMA los componentes del xuráu: Ramón d´Andrés, Mª Antonia Pedregal y Xuan Bello, acordaron que los ganadores del XV Concursu de cuentos pa rapacinos y xóvenes d´Asturies, organizáu pola Asociación Cultural “El Portón” en collaboración cola Asociación xuvenil “El Tragaluz”, son los que vienen darréu: CATEGORÍA “A”(Primaria) 1º “El tríu investigaor” de Aixa Fernández Fernández (11 años). 2º “Algo raru hai pel monte” de Ana Fernández Gayo (11 años). Accésits: 1- “Los mapes” de Cristina González Iglesias (9 años). 2- “La biesca de la lloba” de Munia Braña Fuentes (10 años). 3- “ El calambre “ de Lara Díaz Rodríguez (11 años). CATEGORÍA “B”(Secundaria) 1º“Clases,filósofos y esencia”de Beatriz Noriega(2º Bachillerato). 2º“Les guerres nun son d´agora” de Sergio Pérez García(15 años). Accésit: “Pepín, Maruxa y nós” de Maya González. CATEGORÍA “C” (19 a 30 años) 1º “Cadena perpetua” de Jorge Fernández García.