Lliteratura

La segunda xornada de l’Arribada va entamar güei a les once la mañana del sábadu cola presentación de la revista Al debalu, asoleyada por Espublizastur. A les 11:30 hores Xaviel Vilareyo va falar de “La llingua asturiana en Salamanca y Cantabria” y a les doce va presentase la obre “Los venticinco pasos”, poemariu de Rubén d’Areñes. “Lais de la vieya Bretaña”, de María de Francia, va presentase a les 12:30 hores.

Más tarde, a la una, Nicolás Bartolomé Pérez va presentar “La tradición oral nel ámbitu asturlleonés”.

A les cuatro la tarde, Xaviel Vilareyo, va falar n’esti casu, teniendo como tema la ponencia “Festival de cine asturianu: cuatro años de camín”.

La revista lliteraria “Estandoiru” va presentar el so primer númberu a les 17 hores. Media hora dempués Faustino Zapico va presentar “La revolución de mayu de 1808”, asoleyada por Trabe ediciones. Darréu, la tema del llibru va dar pa una tertulia col autor, l’empresariu y escritor Inaciu Iglesias, l’escirtor L.luis Fernández, l’escritor Xosé Nel Riesgo y l’abogáu de l’Arribada, Roberto González.

A les 18:30 hores, Pilar Sánchez Vicente va presentar la novela en castellán, “La diosa contra Roma”.

A les siete la tarde, Xurde Morán, Alberto Álvarez Peña y Mari Luz Pontón van participar na tertulia “Cultura tradicional y llingua nes televisiones d’Asturies”. A les 19:30, Xurde Blanco va introducir la sesión de “cinema y lliteratura”, onde va poder vese “Los que vuelven”. La nueche del sábadu va pesllala l’actuación del grupu “Kadarma”.

L’Arribada 2008 va entamar güei vienres, como ficiere na edición anterior, cola llegada de los congresistes a El Muelle de Xixón, a les cinco la tarde. A les seis, yá nel Salón d’Actos del Antiguu Institutu Xovellanos, va procedese a la inauguración del eventu, cola presencia de políticos y miembros de la organización. Media hora más tarde va facese un homenaxe al escritor Antonio González Busto, decanu de los lliteratos asturianos. El día va pesllase a partir de les siete cola llectura de testos lliterarios per parte de representantes de los grupos polítcicos del Conceyu de Xixón.

La segunda xornada de l’Arribada va entamar a les once la mañana del sábadu cola presentación de la revista Al debalu, asoleyada por Espublizastur. A les 11:30 hores Xaviel Vilareyo va falar de “La llingua asturiana en Salamanca y Cantabria” y a les doce va presentase la obre “Los venticinco pasos”, poemariu de Rubén d’Areñes. “Lais de la vieya Bretaña”, de María de Francia, va presentase a les 12:30 hores.

Más tarde, a la una, Nicolás Bartolomé Pérez va presentar “La tradición oral nel ámbitu asturlleonés”.

A les cuatro la tarde, Xaviel Vilareyo, va falar n’esti casu, teniendo como tema la ponencia “Festival de cine asturianu: cuatro años de camín”.

La revista lliteraria “Estandoiru” va presentar el so primer númberu a les 17 hores. Media hora dempués Faustino Zapico va presentar “La revolución de mayu de 1808”, asoleyada por Trabe ediciones. Darréu, la tema del llibru va dar pa una tertulia col autor, l’empresariu y escritor Inaciu Iglesias, l’escirtor L.luis Fernández, l’escritor Xosé Nel Riesgo y l’abogáu de l’Arribada, Roberto González.

A les 18:30 hores, Pilar Sánchez Vicente va presentar la novela en castellán, “La diosa contra Roma”.

A les siete la tarde, Xurde Morán, Alberto Álvarez Peña y Mari Luz Pontón van participar na tertulia “Cultura tradicional y llingua nes televisiones d’Asturies”. A les 19:30, Xurde Blanco va introducir la sesión de “cinema y lliteratura”, onde va poder vese “Los que vuelven”. La nueche del sábadu va pesllala l’actuación del grupu “Kadarma”.

El domingu la xornada va celebrase de mañana y va entamar con dos presentaciones, la del Atles Sonoru de la Llngua Asturiana a les 11 la mañana y cola presencia de Fernando Ornosa y Jesús Suárez López y a les once y media, la presentación del “Diccionario Toponímico del Concejo de Gijón”, de Ramón d’Andrés.

A les 12 Neto va presentar la recopilación de tires cómiques “Na punta la llingua” y al es doce y media David Guardado va presentar la obra “Llingua estandar y normalización llingüística”, asoleyada por Araz Llibros.

A la una va fallase’l premiu Timón, que l’añu pasáu foi a parar a manes de la escritora valdesana Nené Losada, y un cuartu d’hora más tarde, va producise l’actuación del grupu “A la gueta la runa”. Les actividaes van tornar na tarde del llunes y hasta’l sábadu siguente.

El sábadu tuvo llugar, na llibrería xixonesa “Alborá”, la presentación del programa de la viniente Arribada 2008. Nel actu intervinieron David M. Rivas, de la secretaría técnica del eventu, Humberto Gonzali, coordinador de l’Arribada, y Roberto Colunga, miembru del Bloque por Asturies y asesor de política llingüística de la Conceyalía de Cultura Tradicional de Xixón. La tercer edición d’esti alcuentru de lliteratos va entamar esti vienres a les cinco la tarde cola llegada del barcu “Cimavilla I” a El Muelle de Xixón.

A lo llargo d’esta Arribada van celebrase 35 presentaciones de llibros, 6 conciertos y ocho proyecciones audiovisuales.

Adolfo Camilo Díaz publica “Khaos”, una novela que la editorial Trabe premió, na convocatoria del 2006, col Montesín de Lliteratura Xuvenil. La obra ye un estensu thriller, d’ambiente apocalípticu, na que l’autor de Caborana recupera dalgunos de los raigaños de la so primer novela, “Añada pa un güeyu muertu”, espublizada en 1985.

L’argumentu entama cola preguntándose “¿y si la fin del mundu empieza n’Asturies?”. Tres mozos van facer entós lo posible por salvar el mundiu nuna hestoria enllena d’enguedeyos varios.

El Salón del Llibru Asturianu celebra estos díes la so sesta edición nuna carpa asitiada na cai Tomás y Valiente, xunto a la Plaza’l Parchís de Xixón. Manolo Abad va presentar güei vienres el llibru “Vasos sucios en la madrugada”, editáu por Septem.

Yá pal sábadu a les 12 hores, va tener llugar la presentación los cuentos infantiles “El viaxe de Tin y Ton” y “¿De qué tará fecha la lluna” de Miguel Rojo, asoleyaos por Pintar-Pintar.

A la una y media, La Cruz de Grau va presentar el llibru “La droga: el cuerpo y la cura”, de José Ramón Bahamonde y Pedro Carlos Martínez.

A les 19:30 hores, los poetes d’Aurora García Rivas, José Luis Rendueles y Pablo Texón van participar nun recital poéticu que va convertise na presentación de los sos últimos poemarios “Trinquilintainas”, “Ferruñu” y “La culpa y la lluz”, respectivamente.

El domingu, día de clausura, David M. Rivas va ufiertar la conferencia “La sidra asturiana, presente, pasáu y futuru”. Darréu va celebrase una preba de “Sidra Brut” del grupu Trabanco.

El día va rematar con Aurelio González-Ovies, que va presentar los cuentos “Cascoxu” y “El poema que cayó a la mar”, asoleyaos por Pintar-Pintar, va ser a les siete y media la tarde. Con estes presentaciones va rematase esta edición del Salón del Llibru Asturianu, organizáu pol Gremiu d’Editores d’Asturies.

La escritora Esther García López va presentar “Faraguyas”, unos de los sos últimos llibros, esti xueves a les siete y media la tarde na carpa instalada pol Gremiu d’Editores d’Asturies na cai Tomás y Valiente, xunto a la Plaza’l Parchís. El llibru asoleyólu la editorial Madú.

La obra de la escritora valdesana afonda na tradición del haiku xaponés, entregando una coleición d’ochenta poemes pequeños escritos na variante occidental del asturianu y acompañaos poles ilustraciones de Miguel Solís Santos.

El prologuista, Roberto González Quevedo, comenta del llibru que-y presta especialmente esti l.libru “porque Esther l.logra xunir la naturaleza ya la sensibilidá pa colos animales con un ritmu ya una cadencia especiales”. Pal académicu “Suenan en muitas páxinas estos haikus como música: paecen pentagramas nos que l’autora va reflexando en miniatura rel.lumos ya imáxenes. Pero nun son rel.lumos namás, sinón que detrás hai una especial sensibilidá ya comprensión del mundu que ta alredor de nós”.

Mañana vienres, Manolo Abad va presentar, nel mesmu marcu, el llibru “Vasos sucios en la madrugada”, editada por Septem.

El Salón del Llibru Asturianu acueye güei a les 19:30 hores la presentación de “¡Pa echar unes rises!”. Cristina Muñiz, Azucena Álvarez, Isaac G. de l’Arada, Benxa Pérez, Inaciu Galán y Chechu García, van presentar el llibru, que ye la primer antoloxía de monólogu modernu n’asturianu.

El llibru, coordináu y prologáu por Inaciu Galán y asoleyáu por Trabe, inclúi una esbilla de los meyores monólogos modernos xeneraos pol nuevu movimientu lliterariu que nos últimos años revitalizó’l xéneru, dende l’implusu de l’asociación Xareos!.

Mañana xueves Esther García López va presentar nel mesmu llugar “Faraguyas”, un llibru de haikus escritu pola escritora y académica valdesana y asoleyáu por Madú Ediciones.

Yá ta nes lliberíes “Pa echar unes rises”, la primer antoloxía de monólogu modernu n’asturianu

L’asociación cultural Colectivu Misiva, de La Pola, conceyu de Siero, ta acabante convocar el IV Concursu de Microrrellatos “Lleendes urbanes”. Un concursu nel que se pueden presentar obres n’asturianu y en castellán, siendo’l tema del microrrellatu llibre y nun pudiendo pasar de les venticinco llinies.

Pueden presentase trés microrellatos y ha facese unviandose al apartáu de correos 113 de La Pola (Siero), 33510 Asturies. El plazu de presentación finaliza’l 20 de payares del 2008.

El primer premiu ta dotáu con 700 euros y el segundu con 300, faciéndose públicu’l el 16 d’avientu.

Güei a les siete y media la tarde y dientro del VI Salón del Llibru Asturianu, Javier García Cellino va presentar “Círculos de tiza”, de la editorial Septem.

Mañana, Cristina Muñiz, Azucena Álvarez, Isaac G. de l’Arada, Benxa Pérez, Chechu García ya Inaciu Galán, van presentar el llibru “¡Pa echar unes rises! Antoloxía de monólogu modernu”, coordináu y prologáu Galán. El llibru inclúi una esbilla de los meyores monólogos modernos xeneraos pol nuevu movimientu lliterariu que nos últimos años revitalizó’l xéneru, dende l’implusu de l’asociación Xareos!.

La editorial Trabe ta acabante anuncia la convocatoria del Premiu Montesín, al que han presentase llibros escritos n’asturianu ensin qu’importe’l xéneru(narrativa, poesía, teatru…) pero empobinaes pa rapazos. La dotación económica del premiu ye de 3.000 euros y amás, la editorial comprométese a la publicación de la obra ganadora.

Nel premiu puen participar toles persones interesaes, soles o en grupu, ensin llímite d’edá, con obres de lliteratura xuvenil en llingua asturiana, yá seyan noveles, recopilaciones de cuentos, poemes o obres de teatru. Los trabayos presentaos, a escepción de la poesía, nun tendrán menos de trenta páxines DIN A-4 o foliu mecanografiaes a doble espaciu per una sola llana (1.800 caracteres). Han ser inéditos y han tar ensin premiu n’otros concursos como conxuntu, quier dicise, puen presentase obres de les qu’apaecieren fragmentos publicaos.

El xuráu pue partir el premiu o conceder accésit, recomendar la publicación d’otres obres o dexalu desiertu según aconseye la calidá de los trabayos presentaos.

Les obres han mandase, per corréu o en mano, en cuatro copies a Ediciones Trabe, S. L. U., c/ Padre Buenaventura de Paredes, 4, 33001 d’Uviéu, enantes de les 24 hores del día 30 de payares de 2008, faciendo constar la siguiente lleenda: “PREMIU MONTESÍN DE LLITERATURA XUVENIL 2008”, de dos xeitos: firmando col nome, dirección y teléfonu o baxo plica, quier dicise, figurando dientro d¹un sobre zarráu los datos del autor y fuera¹l títulu de la obra presentada y l’alcuñu col que se presenta, d’habelu.

E xuráu tará formáu por persones relacionaes col ámbitu de la lliteratura asturiana. Como secretariu o secretaria, con voz pero ensin votu, actuará un representante d’Ediciones Trabe. Al fallu del xuráu nun se pue retrucar. Fadráse públicu enantes del día 31 de xineru de 2009. El xuráu queda autorizáu a abrir la plica de les obres premiaes y de les que recomiende pa publicar. Pal casu de les obres que nun reciban premiu económicu, Ediciones Trabe tien que se poner d’alcuerdu col autor o autores enantes d’entamar la so edición.