Gastronomía

La Sociedá de Promoción Esterior Principáu d’Asturies S.A. ASTUREX promociona los quesos artesanos del país nos Estaos Xuníos al traviés de la web www.asturiascheese.com y con un proyectu de marquetin en llinia en delles redes sociales (Facebook, Twitter y un blogue). Nesti proyectu participen 18 queseríes artesanes, l’Asociación de quesos artesanos d’Asturies y les comercializadoras de productos asturianos del sector.

Pa la presentación d’esti proyectu nos Estaos Xuníos, participóse con un puestu institucional de 18m2 na feria Summer Fancy Food, que se celebró del 10 al 12 de xunetu de 2011 en Washington. Nel puestu asturianu va pudieron prebase les más de 40 variedaes de quesos asturianos mientres los 3 díes de la feria.

La ventiava edición de la Fiesta de la Sidra de Xixón va buscar la meyor sidrería de la ciudá y otorgará-y el Premiu “Tienes de dir a…” Esti premiu va acreditar a la sidrería ganadora como un llugar de referencia obligáu si quier tomase un bon culín de sidra. Pa determinar qué establecimientu s’alzará col Premiu “Tienes que dir a….” van formase dos xuraos independientes: unu de calter técnicu (Xuráu A), formáu por trés persones escoyíes pola organización, y otru de calter popular (Xuráu B), que va ser tol públicu de Xixón interesáu en participar emitiendo’l so votu.

Les sidreríes interesaes en participar tendrán d’inscribise, previu pagu de 10 €, y n’horariu de 09:00 a 14:00 hores, nes oficines del Teatru Xovellanos, asitiaes na cai Cabrales, 82. El plazu d’inscripción va ser hasta’l día 15 de xunetu a les 14:00 hores.

De toles sidreríes participantes van clasificase diez. D’ente esos diez, trés van ser finalistes y, finalmente, namá una va ser la ganadora. El Premiu apurrirá’l domingu 28 d’agostu, día grande de la Fiesta de la Sidra, na Plaza Mayor.

El xuráu B va participar nel sortéu d’un premiu que va ser sorteáu ente tolos votos válidos emitíos. Consiste nuna nueche d’agospiamientu y almuerzu en cuartu doble pa dos persones con un circuitu hidrotermal y un ritual de mazana d’una hora pa dos persones qu’inclúi: Peeling corporal con aromaterapia de mazana, bañera d’hidromasaxes con sales refrescantes de mazana verde y una hidratación corporal con maniobres de masaxe nel Bal Hotel& Spa.

Sidreríes Tierra Astur y Crivencar organicen por quintu añu consecutivu estes xornaes gastronómiques pioneres na recuperación de la raza asturiana del Corderu Xaldu. Les actividaes van terminar el 19 de xunu nes sidreríes Tierra Astur de Cualloto, Uviéu y Xixón.

A lo llargo d’estos díes van poder preb ase numberoses recetes basaes nel usu d’esta fibrosa carne d’ovinu d’altes propiedaes organoléptiques y nutritives, platos como la Ensalada de Verdines con Xaldu Escabecháu, el Frixuelu rellenu de xaldu con verdurines al gratén, l’arroz con Corderu Xaldu o’l Xaldu Asáu al Fornu con patatinos.

Amás nestos díes va promocionase la venta del corderu xaldu nes tiendes de Crivencar y na so web.

La revista La Sidra estrenó va seis meses la páxina web lasidra.as, y agora anuncien l’ésitu de la iniciativa, yá que la web s’atopa como “cabezalera de les webs sidreres a nivel mundial”. Según los datos recoyíos en www.alexa.com, espéyase como la web asturiana ta nel puestu 3.098.725 de toles páxines espublizaes a nivel mundial, y nel 44.950 a nivel estatal, asitiándomos agora mesmo de cabezaleros nel rankin de webs que tienen a la sidra comu oxetu.

Por poner unos exemplos orientativos d’otres webs sidreres y el so asitiamientu a nivel mundial, podemos ver: tapadai.com, que s’afaya nel puestu 3.554.156 munidal y 68.086 a nivel estatal, sidradeasturias.es, puestu 5.480.953, sagardoetxea.com nel puestu 6.956.785; museodelasidra.com, puestu 7.539.017; sidrerias.com, puestu 8.487.593; o la web del gaitero.com, puestu 9.442.592.

Arriendes d’ello, según s’espeya na web d’ alexa.com, la progresión de lasidra.as ye d’un 400% mensual, de les más altes a nivel mundial, y recibe una media d’unes 1.000 visites diaries.

Pa los responsables de la páxina “estos datos confirmen la perbona acoyía de LA SIDRA n’internet, tanto ne páxines comu facebook (con más de 11.000 fans y de 15.000 amigos) o col boletín lletrónicu que tien agora mesmo más de 15.000 soscritores”, comenten.

La Sidra califica esti ésitu d’audiencies d’“auténticu fenómenu social”, que recuerden “débese al llabor desinteresáu de munches persones comprometíes cola cultura de la sidra y/o col nuesu país”.

Web La Sidra

El salón de recepciones de la Casa Conceyu de Xixón foi l’escenariu de la presentación de la Primer Sidre l’Añu’11 cuntándose cola presencia del Conceyal de Cultura Asturiana, Jesús Montes Estrada y de la representante de la Fundación Asturies XXI, Llucía Fernández Marqués, ente otres persones de la organización. La presentación d’esta segunda edición cuntó con una importante novedá la edición d’un sellu comemorativu de cursu llegal, y n’asturianu.

Amás, nesta segunda edición hai de destacar la implicación de la hostelería xixonesa, qu’entamen unes xornaes gastronómiques de la Primer Sidre, el mayor númberu de llagares participantes, hasta 83, y una importante cantidá d’actividaes.

Un sellu pola Primer Sidre

Con motivu de la cellebración del II Certame Agroalimentariu Nacional de la Primer Sidre l’Añu, La Sidra presenta’l so primer sellu conmemorativu, con un formatu de 30 x 40 milímetros, nel que se representa’l cartelu oficial de la segunda edición de la Primer Sidre l’Añu.

N’años vinientes dirán editándose igualmente los sellos correspondientes a cada edición, siendo posible asina dir faciendo la colleición.El sellu ye de cursu llegal, ello ye, validáu por correos, y la so edición ye llimitada.

Quien quiera mercalu podrá facelo, al preciu de dos euros, nes instalaciones del Pueblu d’Asturies nos díes 21 al 24 d’abril, nel están de la organización del II Certame Agroalimentariu Nacional de la Primer Sidre l’Añu.

http://www.lasidra.as/index.php?option=com_content&view=article&id=428:programa-de-la-primer-sidre-lanu&catid=41:actualida
Programa completu de la Primer Sidre l’Añu 2011

Esti martes 19 de Abril nel Auditoriu Príncipe Felipe d`Uviéu (Asturies) cellebrarase una rueda de prensa pa presentar la IX Edición del Certamen Gastronómicu ‘Asturies, el país de los 40 quesos’, entamáu por Crivencar y que va cellebrase por primer vegada na plaza cubierta de Trescorrales pente`l 21 y el 24 d`Abril (del xueves al domingu de Semana Santa).

Asistirán al actu representantes del Ayuntamiento de Uviéu, además de la empresa organizadora y el técnicu-especialista en quesos, el catalán Jordi Feliú.

Enolia Tast it Xixón va celebrar la so primer edición nel Museu del Ferrocarril d’Asturies. L’ésitu d’esti formatu de salón que dende va más de diez años se celebra en distintes ciudaes de la xeografía estatal, agora llega a Xixón nuna xornada que nun va dexar indiferente a naide.

Esti salón profesional ufierta un espaciu a les bodegues y almazares onde amosar los vinos más prestixosos y los aceites d’oliva virxe más saludables y sabrosos. Tamién vamos cuntar col espaciu Tast It, onde se va presentar una selección de productos gourmet y de gran calidá.

Amás, van dase a conocer les últimes novedaes del sector y va haber una galería d’arumes onde los asistentes van poder deprender a prebar y afayar les esencies de los vinos y dellos destilaos.

L’apertura del salón va ser a les 12:00h. media hora más tarde ta prevista la visita de les distintes autoridaes llocales. Amás de el espositores mientres la xornada van facese distintes actividaes, esibiciones de coctelería de l’Asociación de Barmen d’Asturies y dos prebes.

La primera d’elles va tener llugar a les 17:30 hores y va ser de distintos llugares del mundu. Darréu a les 19:30 hores Serxu Solares (www.serxusolares.es), va presentar les sos Gin & Tonic Sensation y los Momentos Gin & Tonic maridaos con quesos asturianos, una oportunidá única pa poder afayar los más curiosos arumes del mundu. Los bautizaos como “Momentos Gin & Tonic” estrémense en trés: “Relax” nel que les alcordances mentolaes mos envolubren na tranquilidá d’un momentu de relaxación; “Vitality” bien cítricu con un pequeñuu toque de xenxibre, pensáu pa espertar los sentíos; y “Splash”, especiáu, con un toque de regaliz, el curiosu de la llima y un pequeñu matiz picante de la pimienta, esti ye’l gin & tonic chocante, sorprendente, descubridor de sensaciones.

Yá ta na cai un númberu nuevu de la revista La Sidra, disponible tamién na rede pa descargar en pdf. El númberu 86, correspondiente al mes de febreru, tien como temes principales el festival QueSidra! de sidra y quesu na comarca d’Avilés, La primer sidre l’añu, festival que se va desendolcar del 21 al 24 d’abril en Xixón y el II Premiu d’Ensayu Emilio Trabanco.

La revista sigue cuntando coles estayes avezaes nesta publicación y ufre información abondo sobre l’actualidá sidrera, entrevistes, reportaxes, etc.

La Sidra n’Alemaña

Amás, la revista La Sidra y el Grupo Trabanco representaron a Asturies nel Apfelwein im Römer, celebráu en Frankfurt esta pasada fin de selmana, con una perimportante presencia de profesionales del sector sidreru.

La revista presentó la Primer Sidre l’Añu, que se fai esti añu en Xixón, y averó a los asistentes a la realidá sidrera asturiana (desconocida prácticamente dafechu, según cuenten los ellí asistentes), aniciándose contactos con llagareros, y estremaes personalidaes de la escena sidrera internacional, ente les que cabría destacar pola so trescendencia ya interés amosáu hacia la sidra asturiana, a Eric Bordelet, afirmen dende la publicación. Na feria repartióse un folletu qu’agora pue descargase de baldre.

Trípticu repartíu n’Alemaña

Conforme al compromisu alquiríu pola revista La Sidra de dir editando los llibros premiaos nel Premiu d’Ensayu Emilio Trabanco Trabanco, vien d’espublizase la que foi la primer obra qu’algamó esti gallardón, el “Diccionario Sidrero Asturiano Español”, del que ye autor Fernán Gonzali Llechosa y que vien a ser una edición correxida y aumentada del orixinal en llingua asturiana “Diccionariu Sidreru” que tan bona acoyida tuvo.

Según afirmen dende la revista “trátase d’una obra imprescindible pa quien quiera averase a la cultura asturiana de la sidra”, amás esti diccioerniu supón pa los encargaos de la so edición “una de les mayores y más interesantes aportaciones a la so dignificación, conservación y espoxigue”.

El llibru ta ilustráu coles semeyes finalistes del IV Concursu Semeyes la Sidra, y la portada ye obra de Luis José Vigil-Escalera (Lujó Semeyes). Con un formatu de15 x15 centímetros, encuadernación rústica y 144 páxines a color, tien un preciu de 15 euros (12 pa soscritores de La Sidra) y pue atopase bien nes llibreríes o pidise direutamente a La Sidra nel corréu info@lasidra.as

L’asesor gastronómicu asturianu Serxu Solares, qu’apocayá punxo en marcha “Morgana Le Fay, aula gastronómica”, va tar nel Forum Gastronomic de Girona que se celebra del 20 al 23 de febreru, presentando les sos últimes creaciones en Gin & Tonic. Concretamente van ser cuatro, una colección d’arumes y colores naturales que van sosprender al degustador, de xacíu respetando escrupulosamente les característiques de la xinebra y facilitando la degustación al máximu.

Serxu Solares va intentar sosprender, una vegada mas y na busca permanente de la innovación, a los responsables de Cafés Cornellá y al públicu asistente al Forum. Nesti casu con un “Gin + Tonic + Coffee” nel que fundió tola elegancia d’una xinebra calidable, Gin Mare, cola complexidá d’un café como la Selección Nature 100% arábica de Cafés Cornellá, una auténtica xoya de la gastronomía gourmet.

Solares ve nesta ocasión “una oportunidá única pa siguir poniendo a Asturies no más alto de la gastronomía del momentu”.