Escéniques

El Teatru Familiar torna al Centru Sociocultural de Los Canapés col estrenu absolutu de “Los ruios de la nueche”, la más recién producción de la compañía asturiana Factoría Norte. Una creación d’Ánxeles Jiménez Soria, protagonizada Ana Morán y Sheila Montes, que podrá vese esti vienres, a les 18.00 hores.

La Zaranda, una de les compañíes de mayor prestíu d’España, llabráu en 40 años de trayectoria nos que les sos obres vieron per primer vegada la lluz en teatros de París y Nueva York, escueye’l Teatru Palacio Valdés para llanzar el so nuevu estrenu absolutu, “La batalla de los ausentes”, una sátira del poder col que se cierra’l ciclu de xineru a marzu de escenAvilés, esti vienres 26 de marzu a les 19.15 hores.

La maxa en redol a la memoria, un viaxe de fantasía y diversión, ye la segunda propuesta del Teatru Familiar d’Avilés de marzu, con “Alcordances”, que podrá esfrutase esti vienres 19 de marzu nel Centru Cultural de Los Canapés a les 18 hores.

Col llevantamientu de les restricciones sanitaries que imposibilitaban la celebración d’actividaes culturales con públicu, retomose en marzu la programación de Teatru Familiar nel Centru Cultural de Los Canapés, con dos funciones gratuites recuperaes tres la so suspensión. La primera, foi esti vienres 5, “El Gorrumbu”, de Saltantes Teatru; y el vienres 19, “Alcordances”, de Compañía Adrián Conde.

Tornó’l teatru al centenariu Palaciu Valdés tres les últimes restricciones, con aforu amenorgáu pero cola mesma brillantez de siempres y la obra “Fortunata y Benito”. Les entraes, con precios d’ente 10 y 22 euros en función de la zona del teatru nun fueron problema pa enllenar l’aforu.