Educación

La prueba d’accesu a la Universidá, la EBAU, va realizase tamién en Tapia de Casariego finalmente. Asina lo decidió la comisión paritaria organizadora, qu’aceptó la ufierta de l’alcaldesa del conceyu, Ana Vigón, d’acoyer los exames nel polideportivu de Tapia, onde se van esaminar los estudiantes de Tapia, pero tamién los d’A Veiga.

«España foi referente n’Europa y en casi tol mundu en caltener los centros educativos abiertos y que sían seguros. Agora, cola vacunación a toa máquina, hai que faelo con mayor determinación». Ye l’argumentu remanáu pola ministra d’Educación, Isabel Celaá, por que’l próximu cursu sía prácticamente normal: con docencia presencial en tolos niveles y etapes.

La Universidá diseñó trés escenarios pal próximu cursu académicu nel Plan Marco, que foi presentáu nel grupu de coordinación contra la covid, y que se va llevar al Conseyu de Gobiernu de la institución el próximu día 28 y volver a la facultá ocupando un sitiu sí y otru non va ser una les opciones con más posibilidaes pal nuevu cursu.

Los sindicatos educativos refuguen en comuña que se relaxen les midíes pal próximu cursu, que se presenta 100% presencial, tal que indiquen ministeriu y conseyería. Una les midíes, avanzada por Celaá, ye flexibilizar la distancia de seguridá y pasar de los 1,5 metros actuales a los 1,2 ente pupitres.

«Tenemos que ser una universidá más presente y de referencia n’Iberoamérica». Asina lo aseguró ayeri’l rector de la Universidá d’Uviéu, Ignacio Villaverde, apostando por una plataforma estratéxica d’universidaes iberoamericanes.

Pa facilitar la preparación d’exames énte la previsible medría d’usuarios y usuaries, na Biblioteca Bárganos Candamo de la Casa Municipal de Cultura va ampliase l’horariu de les sales de consulta y estudiu mientres les fines de selmana dende’l 14 hasta’l 30 de mayu.

Un documentu de ventiocho páxines, colos nomes y DNI de los aspirantes a les places d’Hestoria de les oposiciones al cuerpu de Secundaria, apaeció esta selmana nos foros d’internet. Una filtración de documentación que tenía de ser confidencial hasta que se produza’l resolvimientu oficial de la conseyería y que xeneró esmolición ente los docentes.

La conseyera de Cultura, Política Llingüística y Turismu del Gobiernu asturianu, Berta Piñán, aseguró esta selmana que la Conseyería d’Educación va realizar el cambéu normativu que correspuenda pa reconocer como formación permanente la certificación en llingua asturiana de profesores.

La comisión permanente del Conseyu Escolar destacó na so cabera xunta l’esfuerzu realizáu pa garantizar equipos y conexón a la rede al alumnáu que tien que siguir les clases a distancia. A fecha de 4 de mayu, el Conceyu emprestara para usu del alumnáu 180 ordenadores, 95 routers y 15 conectividades.