Educación

El rector de la Universidá d’Uviéu, Ignacio Villaverde, va visitar  l’Academia de la Llingua Asturiana esti xueves, nuna receición que celebra l’asoleyamientu de los seis tomos del  Diccionariu Etimolóxicu de la Llingua Asturiana, de García Arias,  coeditáu por dambes instituciones.

El Gobiernu, cola collaboración de les universidaes públiques, va empecipiar el próximu añu un programa de formación al que yá llamen “Erasmus Rural” que pretende cumplir un doble oxetivu: reconectar a la mocedá coles zones más despobladas del país y contribuyir al dinamismu y al emprendimiento nestes árees rurales.

Consciente del problema de fondu qu’esiste col estáu emocional de la mocedá y de cómo se vio agraváu pola pandemia, la Conceyalía de Mocedá d’Avilés tomó la decisión de realizar un diagnósticu que dexe, a partir de les resultancies llograes, poner en marcha les acciones que meyor s’afaigan a la realidá del conceyu, dientro de les posibilidaes d’una alministración local.

Un proyectu ambiciosu, que tien como exes principales la formación dual, la innovación y l’orientación ye como pue resumise la nueva Llei Orgánica d’Ordenación ya Integración de la Formación Profesional, de la qu’enagora se presentó l’anteproyectu, en pallabres del director xeneral d’Enseñances Profesionales, Javier Cueli.

El Miercoles dio empiezu n’España la EBAU (Evaluación de Bachilleratu d’Accesu a la Universidá), enantes conocida como Selectividá. Los estudiantes de Murcia fueron los primeres en realizar les pruebes d’accesu a la Universidá de 2021, que se van allargar hasta’l 17 de xunu n’Andalucía, la comunidá que más tarde fai los exames.