Educación

L’asociación Unión de Estudiantes de Asturias (UDE) foi la ganadora nes elecciones universitaries celebraes durante’l día d’ayeri na Universidá d’uviéu pa escoyer a los representantes d’estudiantes nel Claustru.

UDE foi la opción más votada nel 75% de les Facultaes, siendo bultables les victories qu’algamo na Escuela Polítécnica d’Inxeniería de Xixón y nes Facultaes d’Economía y Empresa, onde nun llegaron a cubrise les places del Claustru convocaes por falta de candidatos, y Filosofía y Letras.

El númberu total de representantes llográu por UDE foi de 37 claustrales, d’un total de 75, rozando la mayoría absoluta.

Pues seguir a lo llargo de la tarde d’esti xueves 4 de Payares de 2010 les conferencies que se van dir ufriendo nel programa de les XXIX Xornaes d’Estudiu de l’Alla y l’homenaxe a Xosé Lluis García Arias na portada d’Asturnews, al traviés del so serviciu en Twitter.

El Ministeriu de la Presidencia, al traviés del Centru d’Investigaciones Sociolóxiques, convoca seis ayudes pa la esplotación del Bancu de Datos del CIS, y dos ayudes pa la finalización de tesis doctorales en ciencies polítiques o socioloxía, en materies d’interés pal Organismu. De los seis ayudes pa la esplotación del Bancu de Datos del CIS, trés van ser pa investigadores individuales y trés pa equipos d’investigación.

El Centru d’Investigaciones Sociolóxiques va facilitar información sobre la convocatoria nel Departamentu de Publicaciones y Fomentu de la Investigación, nel teléfonu: 915 807 615, per corréu lletrónicu, en fomento_investigacioncis.es y al traviés de la páxina web www.cis.es, onde tamién s’espondrán les bases de la convocatoria y el modelo de solicitú. El plazu de presentación de solicitúes remata’l día 3 de noviembre de 2010.

Xuventú Asturianista emitió un comunicáu nel que celebra la sentecia del Tribunal Supremu pol que se deroga’l cupu d’alumnos pa la creación de grupos d’enseñu dle asturianu, que califica como “una derrota más d’Areces nos tribunales y un ésitu pal enseñu del asturianu”.

Pa la xuventú del PAS “Areces nun buscó más, nos sos doce años de gobiernu que l’acabar cola llingua asturiana” y esperen “que’l Gobiernu de PSOE ya Izquierda Unida, termine con esta vergoñosa decisión pola que l’asturianu tuvo tovía más en peligru nestos años”.

Xuventú Asturianista celebra que se cumpla por fin nesti asuntu la Llei d’Usu del Asturianu, “consiguida pol PAS” y recuerda tamién la situación llamentable que viven los profesores d’asturianu, “que tán en circunstancies llaborales fuera de la Llei”.

La mocedá del PAS esixe al Gobienru “l’acatamientu inmediatu de la sentenci” y un cambiu nes sos polítiques “d’aniquilación de la nación asturiana, al traviés del afuegue de la llingua asturiana y de toles manifestaciones de la nuesa cultura”.

Dende Xuventú Asturianista esixen “un respetu a la sentencia” per parte del Gobiernu Asturianu y la Conseyería d’Educación, xestionada por el Señor Herminio Sastre, que dixo al saber de la sentencia que diba recurrila.

El Conseyeru d’Educación, Herminio Sastre esplicó ayeri al respective de la sentencia del Tribunal Cimeru de Xusticia d’Asturies (TSXA) qu’“hai otres sentencies en sentíu contrariu, polo que ta siendo estudiada y pensamos en recurrila”. La sentencia establez que nun ye necesariu un númberu mínimu d’ocho alumnos pa constituyir grupu; la normativa esistente establez esi mínimu pa toles optatives na ESO.

Herminio Sastre indicó que “una sentencia d’eses característiques ye de mal cumplimientu, cuidao que implica qu’un alumnu constitúi un grupu y ruempe toa planificación”. Sastre dixo que “Nun me presta la sentencia y esmolezme que quien plantegen estos recursos nun busquen una meyora del sistema educativu”. Tamién punxo de relieve que “como norma xeneral toles sentencies cúmplense cuando son firmes”.

Les protestes de los colectivos nun se ficieron esperar. Organizaciones como la Xunta pola Defensa de la Llingua Asturiana o Xuventú Asturianista del PAS esixeron yá’l cumplimientu de la sentencia.

La Xunta pola Defensa de la Llingua Asturiana felicítase pola sentencia de la Sala de lo Contencioso Alministrativu del Tribunal Superior de Xusticia d’Asturies, que declara nulu «por ser contrariu a derechu», l’artículu de la resolución del 16 de mayu del 2008 onde la Conseyería d’Educación y Ciencia establecía un númberu mínimu de 8 alumnos pa facer grupos na asignatura de Llingua Asturiana na Educación Secundaria.

De la mesma manera, la Xunta quier treslladar la norabona a tola xente que llevó alantre esta reclamación fundamental pa los derechos de los estudiantes y pal cumplimientu de les lleis vixentes, qu’establecen la presencia de la materia en tolos tramos educativos sin que la Alministración pueda furtar esi derechu al traviés de les diferentes maniobres a les que nos tien avezaos (falta d’información, derivaciones, ratios…).

Por eso, esperamos que la sentencia s’execute inmediatamente en tolos centros d’enseñanza, públicos y concertaos, y d’esta manera s’entame’l camín de la normalización llingüística y el cumplimientu de la llei nel sistema educativu.

La Xunta pola Defensa de la Llingua Asturiana felicítase pola sentencia de la Sala de lo Contencioso Alministrativu del Tribunal Superior de Xusticia d’Asturies, que declara nulu «por ser contrariu a derechu», l’artículu de la resolución del 16 de mayu del 2008 onde la Conseyería d’Educación y Ciencia establecía un númberu mínimu de 8 alumnos pa facer grupos na asignatura de Llingua Asturiana na Educación Secundaria.

De la mesma manera, la Xunta quier treslladar la norabona a tola xente que llevó alantre esta reclamación fundamental pa los derechos de los estudiantes y pal cumplimientu de les lleis vixentes, qu’establecen la presencia de la materia en tolos tramos educativos sin que la Alministración pueda furtar esi derechu al traviés de les diferentes maniobres a les que nos tien avezaos (falta d’información, derivaciones, ratios…).

Por eso, esperamos que la sentencia s’execute inmediatamente en tolos centros d’enseñanza, públicos y concertaos, y d’esta manera s’entame’l camín de la normalización llingüística y el cumplimientu de la llei nel sistema educativu.

La resolución de 2008 de la Conseyería d’Educación qu’obligaba a la inscripción d’un númberu mínimu d’escolinos pa garantizar la clas d’asturianu na enseñanza obligatoria ye historia. El Tribunal Superior de Xusticia acaba poner sentíu común y llegalidá al pilancu más grave que se-y puinxere en democracia a la llibertá d’escoyeta de los pás no que cinca al asturianu.

La Sala de lo Contencioso Alministrativu del Tribunal Superior de Xusticia d’Asturies falló esti día a favor de la demanda interpuesta polos servicios xurídicos de CC.OO contra la resolución del 16 de mayu del 2008, de la Conseyería d’Educación y Ciencia, pola que s’establecía la ufierta y les condiciones pa la elección de materies optatives y materies opcionales pa la Educación Secundaria Obligatoria.

Na so sentencia, el Tribunal estima’l recursu interpuestu por CC.OO y declara nulu y ensin efectos por ser contrariu a drechu algún, l’artículu 5.1 de la resolución mentada qu’establecía un númberu mínimu d’ocho alumnos pa formar un grupu na asignatura de Llingua Asturiana na Educación Secundaria.

Según CC.OO, trátase d’una “reclamación histórica” pa garantizar el drechu a cursar l’asignatura de forma voluntaria, sin depender del númberu d’alumnáu que lo pida.

Nesta histórica sentencia, la Sala entiende que l’Alministración, al establecer un númberu mínimu pa formar un grupu, desvincúlase de la obligación que-y impón la Llei 1/1998 d’usu y promoción del bable-asturianu, de garantizar la so enseñanza en tolos niveles y graos. La sentencia tamién dexa claro que, por doctrina del Tribunal Supremu, nun pue desoyese’l mandatu llegal del artículu 10.1 de la Llei 1/1998 por razones presupuestaries.

El sindicatu desixe agora el cumplimientu “inmediatu” de la sentencia en tolos institutos qu’haya alumnáu deriváu a otres materies por nun cumplir col requisitu del númberu mínimu d’alumnos.

L’Ayuntamientu de Colunga convocó un procesu selectivu, pente medies de concursu-oposición, pa la contratación temporal d’un Técnicu d’Educación Infantil pal Aula d’Educación Infantil del Conceyu de Colunga.

Les funciones del que resulte escoyíu van ser ellaborar y executar la programación, exercer los llabores docentes dientro de la so unidá y desenrrollar los programes curriculares, incluyendo les actividaes rellacionaes cola salú, hixene y alimen tación de los neños.

Ye necesario tar en posesión del Títulu de Técnicu Superior n’Educación Infantil (Ciclu Formativo de Grau Superior), Técnicu Especialista en Xardín Infancia (FP II), Diplomáu n’EXB, Diplomáu en Maestru Especialista n’Educación Infantil o Maestru Especialista n’Educación Primaria, Personal habilitáu al amparu de la Orde de 11 de xineru de 1996, pola que se homologuen cursos d’especialización pal profesoráu d’educación infantil, educación primaria, educación especial y del primer ciclu d’educación infantil y personal acreditáu al amparu de la Resolución de 11 d’ochobre de 1994, de la Dirección Xeneral de Centros Docentes.

El plazu de presentación de solicitúes remata’l día 25 de payares.

Información nel BOPA d’11 d’ochobre.

L’asociación Accem ufierta a toles persones interesaes un programa formativu empobináu a la participación voluntaria n’entidaes ensin ánimu de porgüeyu nel ámbitu de la intervención con persones inmigrantes.

Accem pon a disposición de les persones interesaes un taller con una duración de 10 hores nel que s’inclúin los tema rellacionaos cola metodoloxía d’enseñanza de castellán con esta población, analís de materiales y actividaes, según les posibililidá de participación voluntaria nesti ámbitu.

Pa les persones interesaes en participar, Accem Asturies ufierta esta formación nel so llar de Xixón, nes vinientes feches: del 26 al 28 d’ochobre de 16:00 a 19:30 hores.

Les persones interesaes pueden ponese en contautu y realizar les inscripciones nel teléfonu 985 16 56 77.