Educación

L’institutu Rei Pelayo de Cangues d’Onís ta de norabona, porque non solo celebren recibir el premiu nacional d’Educación pal Desenvolvimientu que convoca la fundación Vicente Ferrer, sinón que se congratulen tamién por saber tresmitir a los sos alumnos valores tan fundamentales como’l de la empatía.

Los rectores españoles aprovecharon la presentación del so estudiu añal, ‘La Universidá española en cifres’, para reclamar al Gobiernu qu’encete de momentu la que consideren la mayor prioridá de la educación cimera española: amenorgar los precios de les matrícules -­les quintes más cares de la UE- y camudar y ampliar un sistema de beques que consideren que ta “ente los más débiles ya insuficientes” de los países desenvueltos.

La demanda de matrícula de la Universidá Popular Uvieina aumentó un 42 per cientu solo nun añu, dende la puesta en marcha d’esti nuevu serviciu que depende de la Conceyalía d’Educación que dirixe Mercedes González  de Somos Uviéu.

La Escuela Oficial d’Idiomes d’Avilés empecipió la selmana pasada, de manera oficial, el nuevu cursu escolar, apostando por abrise a toles modalidaes d’estudios ya implementando l’aprendizaxe d’inglés a distancia, al incorporar el nivel avanzáu a los otros dos disponibles, que tomaben a los alumnos de nivel básicu y entemediu.

Na que foi la primer xunta ordinaria nesti cursu del Conseyu de Gobiernu de la Universidá d’Uviéu diose’l vistu bonu a la implantación del grau n’Inxeniería d’Organización Industrial que previsiblemente va empezar a impartise na Escuela Politécnica d’Inxeniería de Xixón (EPI) nel cursu 2018-2019 y va ufrir sólo 60 places per cursu.

Dende finales del cursu pasáu los profesores de la Universidá d’Uviñeu yá cunten con un aliáu na xera de xixilar que nun haya plaxu nos trabayos del alumnáu. Llámase ‘Urkund’ y ye un sistema que dexa detectar testos que nun respeten les normes relatives a la propiedá intelectual sobro’l plaxu.

L’Asamblea pol Futuru de la Investigación n’Asturies (AFIA) apura la convocatoria y resolvimientu de les ayudes para les estancies curties nel estranxeru y denuncia, los retrasos que se tán produciendo anguaño que “suponen una bultable torga pa cumplir esti requisitu”.

La rede d’escueles infantiles empecipia’l cursu n’Uviéu con 636 alumnos y 19 educadores más y va  en 2018 con un centru de trés unidaes en Trubia. La creación esti cursu d’una bolsa propia d’educadores va entainar la sustitución de les baxes llaborales que se produzan.

El conseyeru d’Educación, Genaro Alonso, presentó esti miércoles al Conseyu de Gobiernu l’informe internu realizáu sobre les opciones de xestión del ciclu de 0 a 3 años.