Convocatories

Esti xueves 19, a les siete la tarde, la llibrería Bertrand, asitiada nel centru comercial Epaciu Buenavista d’Uviéu, va acoyer la presentación del llibru “Prensa política y sindical asturiana en la Transición”, de Carlos Gordon y publicáu pola Fundación Juan Muñiz Zapico.

L’hestoriador y director de la revista Erada, Rafael Valdés, va tar xunto al autor na presentación.

L’asociación “La Brisa de Japón” va presentar mañana xueves el programa del I Congresu de Cultura Xaponesa, heriede de les dos xornaes de cultura xaponesa celebraes en 2007 y 2008. El Congresu, que va tener a Asturies y la llingua asturiana como coprotagonistes, xunto col xaponés, va celebrase ente los díes 16 y 19 de marzu nel Edificiu Hestóricu de la Universidá d’Uviéu.

El Club de Prensa Asturiana va recibir la presentación a les siete la tarde cola participación de Javier López Espinosa, presidente de l’Asociación cultural “La Brisa de Japón” y director del Congresu, Gerardo Antuña Peñalosa, conceyal de Mocedá del Ayuntamientu. d’Uviéu ya Iván de Santiago González, conceyal d’Hermanamientos y Rellaciones institucionales.

Na organización d’esti congresu participa tamién la Universidá d’Uviéu, l’Atenéu Cultural Xuan María Acebal y persones venceyaes al asturianismu cultural, como Inaciu Galán, director d’area de llingua asturiana de l’asociación organizadora.

Asturnews adelanta’l programa completu d’esti I Congresu de Cultura Xaponesa, tituláu “Asturies y Xapón, Fusión de Cultures”.

Programa completu del I Congresu de Cultura Xaponesa

Güei xueves, a les siete y media la tarde, l’Edificiu Hestóricu de la Universidá va acoyer una conferencia de Sebastián Álvaro, alpinista y creador del programa de TVE “Al filo de lo Imposible”, titulada “No hay nada imposible”.

Esta conferencia enmárcase na Serie Papeles de la Ciencia del Ciclu de Conferencies del Aula Magna, organizáu polos Vicerrectoraos d’Investigación y Estensión Universitaria, Cultura y Deportes de la Universidá d’Uviéu.

Sebastián Álvaro Lomba (Madrid, 1950), Premiu Nacional del Deporte 2005, ye alpinista y creador del programa de televisión española “Al filo de lo imposible”. Dempués de pasar la mayor parte la so vida na televisión pública y 27 años como director del esitosu programa, nel so haber tán 200 espediciones, ente elles los 14 ochomiles del planeta, la travesía a pie del Polu Norte y la esploración de llugares tan inhóspitos como l’Antártida y Tierra de Fueu.

La Conseyería de Cultura y Turismu convoca esti concursu pa trabayos d’investigación sobre hestoria, xenealoxía, heráldica, bibliografía o archivística asturianes. El premiu ta dotáu con con 6000 euros, pudiendo presentase trabayos hasta’l 20 de marzu.

Bases completes del concursu (BOPA)

El Conceyu por Otra Función Pública va ufrir una charra pa tratar “la politización de les Alministraciones Públiques asturianes pente medies del procesu conocíu como ‘clientelismu’”, el que consideren “ún de los problemes estructurales más graves que carez Asturies”.

Pal Conceyu, presidíu pol xurista Xabiel Álvarez Villa, esti fenómenu “afítase nuna seleición de personal per criterios se sometimientu que non de méritu y capacidᔠy “xorrez fasta abarcar a tolos niveles y estayes de lo público”. Un procesu que los xuristes “fína dafechu la operatividá d’una de les principales ferramientes pa la toma de decisiones nes sociedaes modernes”.

La charra va titulase “El botín de l’Alministración Pública Asturiana” y va celebrase nel llar de la Sociedá Cultural Xixonesa, asitiada na cai Belmonte, 4 entresuelu-drecha, el xueves 29, a les ocho la tarde.

El llocal del Conceyu Abiertu organiza pa esti xueves 22 a les 20:00 hores la charra “¿Qué alternatives frente a la crisis?”. Nel actu va intervenir Josep María Antentas, Profesor de socioloxía de la UAB.

El Conceyu Abiertu ta asitiáu na Cai La Gascona 12 baxu-A, Uviéu y el teléfonu de contactu ye’l 985 203 122

Como cada añu, l’Academia de la Llingua Asturiana abre’l plazu pa presentase a esta prueba que cola que s’algama la certificación de les sos conocencies de la llingua. La prueba convócase en xineru y mayu.

La de xineru tien llugar el día 31 y la matrícula pue facese del día 19 al 29 de xineru.

Les estayes de les que s’esamina son: -La estaya llingúistica, na que se verán la gramática y el dominio oral y escritu y -La estaya de llingua y sociedá na se verá la conocencia del allugamientu de la llingua dientro la sociedá. La prueba inclúi parte escrita y prueba oral.

P’apuntase hai que llamar a l’ALLA, al teléfonu 985 211 837.

La obra publicóla en castellán en 1995, El Comercio, por iniciativa de Francisco Carantoña. La editorial Trabe vuelve a asoleyala agora tornada al asturianu por Esther Prieto y colos mesmos orixinales dibuxaos nos años noventa por Issac del Rivero Sr., sobre los testos de Juan José Plans.

La presentación del cómic “Xovellanos” va celebrase güei xueves a les ocho la tarde, nel Muséu Casa Natal de Xovellanos, embaxo l’agospiu del Foro Jovellanos.

La esposición “Cruces: Artesanos del sieglu XXI”, pue visitase hasta’l 8 de xineru próximu nel Palaciu del Conde de Toreno n’Uviéu.

Esta muestra enmárcase nel programa d’actos “Asturies 2008” de la Conseyería de Cultura y Turismu y “Artesanía d’Asturies” de la Conseyería d’Industria y Empléu. La esposición ta compuesta por venticinco pieces d’artesanía fehes n’estremaos materiales. Nella puen vese trabayos n’acebache, aceru, madera, cueru, aluminiu, papel, pintura o xoyería componiendo, d’esta forma, una amuesa de pieces de diferentes artesanos asturianos.

Los artesanos que participen na amuesa son Ana Belén González Noriega, Acebache Llantones C.B, Asun Aguilera, Eliseo Nicolás Alonso, Esther Martínez Cañadell, Javier Ruiz Cuevas Montes, Jose Manuel Díaz, Luis Parades, Luis Sánchez Fernández, María Meana, Pedro Bueno, Susana Suárez, Tilo Mar, Valle Baranda Ferrero, Victoria Casielles Rodríguez, Alfredo Escalada, Faustino Fernández Fernández, Jose María Mataix Hernando, Rita María Prendes Artime, Julio García de la Calle, Carmen Montes Velasco y Carlos Fuente García-Portilla.

Güei, llunes 29 d’avientu, na sala de prensa de La Llaboral y a partir de les seis de la tarde, cuntando cola presencia de los autores y de Jesús López, xerente de RECREA; José Ramón Pérez Ornia, director del Ente Públicu de Comunicación del Principáu d’Asturies y de Cristian Velasco, editor de la obra va presentase una guía de la Universdá Llaboral de Xixón, “La Llaboral de Xixón, un secretu”, nuna cuidada edición trillingüe (asturianu, castellán ya inglés) redactada por Adolfo Camilo Díaz y Mercedes Menéndez. La presentación va cuntar con una visita a los principales llugares del edificiu.

Adolfo Camilo Díaz (Ayer, 1963) ye historiador, xestor cultural y escritor. Nome fundamental de la nueva lliteratura asturiana. Ensayista («El teatru popular asturianu», «El cine fantaterrorífico español»), narrador («Imago», «Diariu de viaxe»), dramaturgu («País», «Nueche»); director de videoclips («Miraes») y compositor («Inaux», «Una mañana»).Mercedes Menéndez (Uviéu, 1979) ye historiadora del arte, especialista en Xestión Cultural y Postgráu d’Escritura y Producción pa TV pola Universidá d’Uviéu; conductora de l’Axenda Cultural «Al aldu» de la RTPA; como analista cultural collabora nel selmanariu Les Noticies, La Voz de Avilés o en publicaciones especializaes como El Súmmum.