Convocatories

L’alcalde de Mieres va entregar mañana, miércoles 23 d’abril, el XVIII Premiu de Poesía Teodoro Cuesta. El ganador foi esti añu Xosé Anxelu Gutiérrez Morán y va recibir 4000 euros, pol poemariu Diversa Memoria.

L’asociación Alfabetización y Deprendimeintu del Asturianu (AYDA) orgaiza esta fin de selmana, 25 y 26 d’abril, unes xornaes en Beleño, conceyu de Ponga, embaxo’l nome “Vezos y creyencies populares” y cola participación d’autores como Roberto González Quevedo, Ramsés Ilesies o Alberto Álvarez Peña.

El sábadu 25 a les 11:30 hores entamen les xornaes cola charra-alderique “El filu d’oru: Relixón ya identidá na tradición oral asturiana” por Cristobo García Pérez. P’hacia les cinco la tarde, Alberto Álvarez Peña va dar llectura a la conferencia “La bruxería n’Asturies” y a les siete la tarde va facese un averamientu prácticu al baille’l país por Ramsés Ilesies, rematando la xornada con una danza na plaza l’ayuntamientu, a partir de la medianueche.

El domingu, a les 11:30 entama la segunda xornada cola charra “¿Fiestes cristianes…o fiestes paganes?” por Roberto González Quevedo, pa finar con una xinta na Fonda Ponga.

L’agospiu y les xintes tán incluyíes nos precios, 30 euros por un día, 60 poles dos xornaes; incluyendo en dambos casos los materiales del cursu. P’apuntase ha mandase un corréu a aydastur@hotmail.es

L’Ayuntamientu de Villaviciosa, ta acabante convocar un concursu pa da-y llogotipu a la Casa d’Alcuentros de la Muyer. El premiu ye de 300 euros y cada artista pue presentar dos trabayos, faciéndolos llegar, hasta l’1 de xunu, a la Conceyalía de Muyer ya Igualdá, asitiada na Plaza’l Güevu 33300 Villaviciosa.

Bases completes del concursu

El Club de Prensa Asturiana acoyó esti llunes, a partir de les ocho la tarde, la presentación del programa de la XXX edición de la Selmana del Folklore Astur qu’organiza l’agrupación El Ventolín y qu’esti añu va dedicase a “El baille n’Asturies”. Na presentación van participar Isaac Vallina Arboleya, Laura Ruiz González y Conchi Peña Sánchez, miembros del grupu.

Les actividaes d’esta XXX Semana del Folklore Astur entamará’l lunes 6 d’Abril a les 20 hores cuando se presente nel Club de Prensa de La Nueva España la programacion de la selmana.

El llunes 13 d’Abril a les 20 hores na Casa Municipal de Cultura fadráse l’apertura oficial cola entrega de medalles de plata y un conciertu de curdión a cargu de Xuan Nel Expósito.

La programación de la Selmana inclúi tres esposiciones pa la selmana del Folclore astur .

El miércoles 15 d’Abril a les 20 hores na Casa Municipal de Cultura celebrarase una conferencia sobre’l tema “El baile n’Asturies” a cargu de Fernando Manuel de la Puente Hevia.

Y el xueves 16 de Abril, a les 20,30 hores representarase na Casa Municipal de Cultura una escenificación de teatru costumista asturianu a cargu del Grupu de teatru de Carbayín cola obra “Ello yera una vez……”.

Pa finar la selmana, el sábadu 18 d’Abril a les 20 hores na Casa Municipal de Cultura celebrarase’l tradicional Festival Folclóricu Nacional colos grupos Vezos Astures, Centro Asturiano de Madrid, profesores de la escuela de música tradicional del ventolin y el G.F.I. El Ventolín.

El Grupu Folclóricu y d’Investigación El Ventolín foi creáu en 1978 como rempuesta a la necesidá esistente de fundar una asociación que se dedicase a la conservación, fomentu y divulgación del folklore tradicional, especialmente ente los más mozos.

Yá ta abiertu’l plazu pa presentase al cursu d’Alfabetización d’Adultos en Llingua Asturiana en Mieres, que va dar l’Academia de la Llingua Asturiana en collaboración col Serviciu de Normalización Llingüística d’esti conceyu.

El cursu va entamar el 14 d’abril y va tener llugar nel C.P Aniceto Sela de cinco a siete la tarde, con una duración total de 36 hores.

L’Academia de la Llingua Asturiana abre’l plazu pa presentase a la segunda convocatoria de 2009 pa esta prueba cola que s’algama la certificación de conocencia básica de llingua asturiana. La convocatoria va tener llugar el 30 de mayu n’Uviéu y la matrícula pue facese del día 18 al 28 de mayu.

Les estayes de les que s’esamina son: -La estaya llingúistica, na que se verán la gramática y el dominio oral y escritu y -La estaya de llingua y sociedá na se verá la conocencia del allugamientu de la llingua dientro la sociedá. La prueba inclúi parte escrita y prueba oral.

P’apuntase hai que llamar a l’ALLA, al teléfonu 985 211 837.

Bases completes della convocatoria

Con esti llamativu títulu “PROHIBIDO CANTAR… desentonáu”, ,la Escuela de Música Tradicional de Noreña, col sofitu del Aytu. de Noreña, etama’l I Certame de cantares en chigre. El proyectu quier “reuperar les tertulies nos chigres onde se xuntaba la xente pa echar unos cantarinos, a la par que se divertíen y facíen rellaciones sociales”.

El I Certamen de cantares en chigre “PROHIBIDO CANTAR ….desentonáu” va entregar los premios el día 27 a les ocho la tarde nel Salón d’Actos de la Casa Cultura de Noreña cola actuación especial d’Anabel Santiago y Héctor Braga, amás de los alumnos y profesores de la Escuela de Música Tradicional de Noreña.

A partir de les nueche la nueche, nos establecimientos collaboradore, van celebrase actuaciones de les rondes, con delles actuaciones especiales de los participanetes na gala, que van sumase a l’animación de les cais, que va tar al cargu de delles pareyes de gaiteros.

Bases completes del Concursu

Güei, martes 24 de marzu, a les ocho la tarde la Sala de Conferencies del Vieyu Institutu Xovellanos de Xixón va recibir la presentación de los llibros “Mundu saber y decir nel refraneru” y “Ría del Eo (España y Asturies: futuru y coyuntura)”, espublizaos pola Fundación Nueva Asturies. La presentación de los llibros de Sánchez Vicente y Xesús Cañedo va correr a cargu del ex presidente d’Asturies, Sergio Marqués.

”Mundu saber y decir nel refraneru” de Xesús Cañedo Valle y Xuan Xosé Sánchez Vicente, recueye una riestra de refranes ordenaos temáticamente y, asinamesmo, ensierta un par d`estudios, ún sobre la definición de paremia y les formes asemeyaes a la paremia, asina como sobre la asturianidá del refraneru; l`otru versa sobre`l refraneru de la salú y la melecina. Neto que llibros precedentes de dambos autores tocántenes a esti campu de la erudición y del saber tradicional asturianu, el llibru contién novedaes y enfoques estremaos de los de trabayos anteriores.

“Ría del Eo (España y Asturies: futuru y coyuntura)” de Xuan Xosé Sánchez Vicente, contién una selección de los artículos asoleyaos na prensa del país pol escritor y Presidente del PAS. Según el títulu indica, les materies enxertes nél nun son solo les referíes a Asturies y a la nuestra sociedá, sinón otres atinxentes a la economía española, a la situación d`Euskadi, el estatutu de Cataluña, etc., y delles otres d’ámbitu européu o mundial.

La presentación de los llibros van facela, respectivamente, Sergio Marqués Fernández y Xesús Cañedo Valle, Secretariu Xeneral del PAS. A los asistentes va regalase-yos un exemplar de cada llibru.

L’Atenéu Cultural Xuan María Acebal, va organizar esti xueves 26 de marzu una mesa redonda sobre territorialidá hestórica d’Asturies. L’actu va cuntar tamién cola presentación del llibru de Xaviel Vilareyo tituláu “Los ámbitos de la Nación Asturiana”, editáu apocayá por Espublizastur.

Na mesa redonda van participar Javier Cubero de Vicente, presidente del Atenéu Cultural Xuan María Acebal; Antón Martínez, hestoriador y el propiu autor del llibru, escritor llicenciáu en drechu, Xaviel Vilareyo.

L’actu va tener llugar nel llar del Atenéu Obreru de Xixón na cai Cuadonga, 7, a partir de les siete y media la tarde.

La editorial Suburbia organiza güei llunes la presentación del poemariu nuevu d’Ignaciu Llope, “El combate melancólicu”. L’actu va tener llugar a les siete y media la tarde na llibrería Treito de Cangas del Narcea, asitiada na Plaza d’Asturies 4. Amás del autor, van intervenir José Manuel Martínez, alcalde de Cangas del Narcea; Silvia Cosio, editora; y l’escritor Xuan Bello.

Ignaciu Llope, ñaz en Cuideiru nel añu 1961, ye poeta y ensayista. Nel añu 89 publica De les coses del mundu, artículos y ensayos que vinieran la lluz en delles publicaciones: La Voz d’Avilés, Hojas universitarias, Ámbitu, Lletres Asturianes, L’Esperteyu, asina como otros trabayos inéditos. Nel añu 1992 sal al mercáu’l poemariu Xeografía del augua. En 1999 algamó’l premiu de poesía Fernán Coronas col llibru El llugar del sol (Trabe, 2000).

Amás de les revistes citaes a propósitu de los artículos de De les coses del mundu, Llope publicó poesía en diverses revistes como Adréi y Lúnula. Ye tamien conocíu como lletrista del grupu folk Llan de Cubel. Fue ún de los traductores de los dos episodios de Les aventures de Tintín al asturiano.

Ye miembru del conseyu editorial de la revista Lliteratura de l’Academia de la Llingua Asturiana.