Cine Xixón acueye lestrenu del doblaxe al asturianu dEl tercer home by asturnet 4 de febreru, 2011 La versión dEl tercer home doblada a la llingua asturiana va poder vese esti sábadu, 5 de febreru, a partir de les 18:30 hores, nel salón dactos del Centru de Cultura Vieyu Institutu de Xixón, allugáu nel 21 de la cai Xovellanos. Nel doblaxe asturianu participaron, ente más otros, Antón Caamaño (Holly Martins), Mar Buelga (Anna Schmidt), Norberto Sánchez (Mayor Calloway), Jesús Parrado (Harry Lime), Eladio Sánchez (Doctor Winkel), Oscar Ybarra (Popescu), Fernando Marrot (Señor Crabbin), Alberto Álvarez Peña (Sarxentu Paine), Eduardo Zulaiba (Barón Kurtz) y Carlos Novoa (Narrador). Blogue del doblaxe Gonzali Producciones acaba dabrir un blogue dedicáu a “El tercer home”, onde se recueyen informaciones sobro esti clásicu del cine mundial y sobre’l procesu del so doblaxe al asturianu. Blogue d’El tercer home 4 de febreru, 2011 0 FacebookTwitterPinterestEmail
Cine Entamen un concursu de curtios contra la violencia de xéneru by asturnet 1 de febreru, 2011 L’asociación xuvenil Los Palacios convoca esti certame empobináu a mozos dente 14 y 30 años. Los trabayos van ser presentaos nasturianu o en castellán y tendrán de ser orixinales. La duración máxima de los curtiumetraxes va ser de 10 minutos. El plazu de presentación remata’l 1 de mayu, cuntando la convocatoria con dos premios, de 100 y 50 euros. El curtiumetraxe tendrá de ser unviáu al corréu de l’Asociación Xuvenil dientro del plazu d’entrega afitáu ajlospalacios@gmail.com Bases completes del concursu 1 de febreru, 2011 0 FacebookTwitterPinterestEmail
Cine El Ministeriu de Cultura convoca ayudes a la realización d’audiovisuales by asturnet 27 de xineru, 2011 El Ministeriu de Cultura convoca ayudes pa la realización d’obres audiovisuales que, utilizando nueves tecnoloxíes nel campu audiovisual y cinematográficu, se destinen al so espardimientu per cualesquier mediu de tresmisión lletrónica que permita emitir y recibir conxuntamente imaxe y soníu distintu del propiu de les sales d’exhibición, televisión o vidiu domésticu. L’importe máximu de l’ayuda nun puede pasar penriba de los 100.000 euros y nun tien de superar el 50% del presupuestu del proyectu nin la inversión del productor. El plazu pa la presentación de solicitúes remata l1 de marzu. Les bases tán espublizaes nel BOE de 13 de xineru. 27 de xineru, 2011 0 FacebookTwitterPinterestEmail
Cine Convoquen ayudes a la producción de curtiumetraxes by asturnet 27 de xineru, 2011 L’Institutu de la Cinematografía y de les Artes Audiovisuales convoca ayudes pa la producción de curtiumetraxes a les que pueden optar les empreses productores inscrites primeramente como tales na Sección Primera del Rexistru d’Empreses Cinematográfiques y que tengan la condición d’independientes. El plazu pa presentación de solicitúes remata’l 15 de xunetu, pa los calificaos dende’l 2 de xineru hasta’l 30 de mayu de 2011 inclusive. Les bases pueden consultase nel BOE de 13 de xineru. 27 de xineru, 2011 0 FacebookTwitterPinterestEmail
Cine Pablo Quiroga presenta una escoyeta de los sos curtios en Cangas by asturnet 25 de xineru, 2011 El realizador Pablo A. Quiroga Prendes presenta dellos de los sos curtios nel Auditoriu de la Casa Cultura “Palaciu d’Oumaña”, en Cangas. Lactu va entamar a les ocho y media la tarde desti miércoles, 26 de xineru, cuntando cola presencia del propiu autor. Quiroga Prendes ye cineasta, xestor cultural y dirixe Algamar Producciones, una productora que trabaya duna manera amplia nel campu de la cultura. 25 de xineru, 2011 0 FacebookTwitterPinterestEmail
Cine Mieres acueye la proyección de dos películes sobre la memoria hestórica by asturnet 18 de xineru, 2011 La Casa Cultura de Mieres acueyel 27 de xineru la presentación de dos películes: Sangre y 34-35, que se centren na memoria dAsturies y que tán dirixíes por Ramón Lluís Bande y Alberto V.G., respectivamente. La entrada ye llibre de magar les 20:15 hores. “SANGRE” Nel monte, al traviés del paisaxe y de les palabres del güelu, un neñu va descubrir el pasáu escondíu de la historia familiar. DURACIÓN: 12 min. “34-45” Pura intrahistoria. Al traviés de los testimonios de 10 asturianos y asturianas percurre los repetíos esilios en suelu francés, teniendo como puntu de partida la derrota de la Revolución de 1934, pasando pela cayida dAsturies en1937 y la cayida de Cataluña de 1939. A partir de 1939 asistimos al pasu destos homes y muyeres, apátrides según Franco y Hitler, pelos campos de concentración franceses, los campos desterminiu alemanes, la so importante participación en La Resistencia, la División Leclerc ol maquis francés hasta la victoria final sobre los nazis. DURACIÓN:110 min. 18 de xineru, 2011 0 FacebookTwitterPinterestEmail
Cine Proyéctase un documental sobre lalmacenamientu de residuos nucleares by asturnet 17 de xineru, 2011 El Salón dActos de Vieyu Institutu de Xixón acueye esti martes a les 19:30 hores la proyección del documental Into Eterny, en versión orixinal sotitulada en castellán. La película recueye un repás pola situación almacenaxe de residuos nucleares, dando a conocer el casu del primer cementariu nuclear permanente, que ta construyéndose en Filandia. El basureru nuclear ta construyéndose al traviés d’un complexu sistema de túneles soterraños tallaos nun sosuelu de roca sólida. Una vegada los residuos tean almacenaos, les instalaciones tienen de ser sellaes y nun van abrise nunca, hasta pasaos 100.000 años, yá que ye’l tiempu que los residuos siguen siendo peligrosos. El documental faise entrugues como, ¿somos a aseguralo?, ¿Cómo podemos alvertir a los nuesos descendientes que los residuos nucleares tán ehí? El director ye lartista conceptual Michael Madsen, ñacíu en 1971. Director de dellos documentales, ganó premios con To Damascus: A Filme on Interpretation (2005). Fundador y líder artísticu de la instalación Sound/Gallery na plaza del Conceyu de Copenhague, Madsen foi profesor convidáu en The Royal Danish Academy of Art, The Danish Filme School, y The Danish School of Design, ganando premios en festivales de Polonia, Suiza y Bélxica. El martes 24 va poder vese, nesti casu nel Centru Municipal de Cultura de L’Arena. 17 de xineru, 2011 0 FacebookTwitterPinterestEmail
Cine Preséntasel doblaxe al asturianu de Los viaxes de Gulliver by asturnet 22 d'avientu, 2010 Lasociación lArribada y Gonzali Producciones organicen nel Centru Cultural de LArena, en Xixón, lestrenu de Los viaxes de Gulliver, un llargumetraxe danimación producíu polos Estudios Paramount dirixida por Dave Fleischer y producida pol so hermanu Max Fleischer, dos pioneros del cine animáu que nos años cuarenta fueron mui populares polos sos curtiometraxes de Superman. A les seis de la tarde, Illán Gonzali, productor y director del doblaxe, y Antón Caamaño, actor participante nel doblaxe, van facer una introducción a la mesma. Darréu va proyectase la película que van sacar a la venta, dica poco, y en formatu DVD. En terminando la película, a les 19:30 hores, va actuar el dúu Mestura. 22 d'avientu, 2010 0 FacebookTwitterPinterestEmail
Cine Sestaferia organizal perimer Festival Alternativu de Cine de Xixón by asturnet 15 d'avientu, 2010 Les películes que nun almitiól Festival de Cine de Xixón y dalguna más tienen el so espaciu nel primer AlterFICXixón 2010. El centru social Sestaferia, asitiáu na cai Joaquín Alonso Bonet de Xixón acueye estos díes les proyecciones. Esti miércoles 15, a les 20 hores faise una sesión de curtiumetraxes asturianos titulada delincuentes varios. El xueves 16, a la mesma hora, proyéctase ‘Paradise Now’ (Hany Abu Assad, Palestina, 2005), un llargumetraxe de 90 minutos. El vienres 17, a les 21.30 hores, va ponese ‘El hombre del traje blanco’ (A. McKendrick, 1951), un llargumetraxe d85 minutos. El festival alternativu va pesllasel sábadu 18, a les 18 hores con ‘Asturias D.I.Y.’ (S. Garay, 2010), un documental sobre los colectivos autoxestionaos n’Asturies de 98 minutos, siguíu duna charra. 15 d'avientu, 2010 0 FacebookTwitterPinterestEmail
Cine Los muertos vivientes lleguen a Villaviciosa by asturnet 25 de payares, 2010 Esti viernes celébrase la 2º Xornada de LArribada 2010 en Villaviciosa. La primer xornada desti añu ficiérasel pasáu 21 de mayu. Les actividaes entámenles lAsociación Cultural LArribada a comuña cola asociación maliaya La Compaña del Ronchel y desárrollense nel Teatru Riera. El programa entama a les 19.00 hores con “L’especial de Navidá paramilitar de Lobo” – curtiumetraxe (subtituláu n’asturianu) de 14 minutos; pa siguir darréu, a les 19.15 hores, con una Mesa redonda sobre Zombies na lliteratura y el so treslláu al cine, cola participación de Jesús Parrado, Alberto Álvarez Peña ya Illán Gonzali. A les ocho la tarde va proyectase “La nueche de los muertos vivientes” (Night of the living dead), llargumetraxe dobláu al asturianu. 25 de payares, 2010 0 FacebookTwitterPinterestEmail