Cine

La Filmoteca de Cataluña va estrenar el próximu miércoles n’España les imaxes inédites del actor y director Orson Welles, afayaes nel añu 2005 y que namái foron proyectaes n’Estaos Xuníos, Italia y Francia, hasta’l momentu. Les imaxenes d’esti rodaxe amuesen el llau más “frívolu, atentu y risonderu” del gran director.

Según esplicó en rueda de prensa esti miércoles el director de la institución, Esteve Riambau, les imaxes nun foron rodaes como prólogu de la comedia teatral “Too Much Johnson” pa complementar y dialogar” cola obra. Riambau remarcó que la combinación de teatru y vídeu anguaño denominaríase “multimedia”, y detalló que se trata de 66 minutos d’imaxes ensin montar que teníen de preceder a caún de los trés actos de la representación teatral, lo qu’amuesa nidiiamente’l calter innovador del direutor, que s’adelantaba con esta propuesta munchos años nel tiempu.

Les imaxes foron rodaes en xunetu de 1938, cuando Welles cuntaba con solu 23 años y yera yá una estrella del teatru.

Esti martes 4 de febreru, inaugúrase na Biblioteca ‘Pérez de Ayala’ d’Uviéu, a les 19.30 hores, el ciclu de cine tituláu ‘Miraes estranxeres en redol a la última guerra civil española’, siendo la primera de les proyecciones la dedicada a la película de Ken Loach, ‘Tierra y llibertá’, que va dir precedida d’un documental pocu conocíu de l’axencia soviética Soyuz, realizáu en 1936.

Nes socesives sesiones, que van incorporar cada martes, hasta’l 11 de marzu, filmes d’orientación ideolóxica diversa, tamién se van amestar reportaxes y documentales de gran valor históricu, recuperaos por recién investigaciones, que al igual que delles películes son material casi inéditu, incluyendo un rodaxe de Randolph Hearst.

La próxima selmana va proxectase ‘Bloquéu’, de William Dieterle, nel so momentu censurada por Hollywood y producida por Walter Wanger, quien tamién tuvo detrás de ‘La dilixencia’, de Ford, o d’Unviáu especial’, de Hitchcock. Les sos secuencies finales, según el director de la Filmoteca d’Asturies, Juan Bonifacio Lorenzo, guarden paralelismu cola obra de Dieterle. ‘Defensores de la fe’, en fecha posterior, de Russell Palmer, va ufiertar un puntu de vista cercanu a les posiciones franquistes. Y en la clausura, ‘Alantre, el mio amor’, de Mitchell Leisen, que puede considerase un estrenu, con guión Billy Wilder. De ‘Por quién doblen les campanes proxectaráse la versión íntegra.

El cine asturianu d’anguaño va tener un espaciu privilexáu en Colunga demientres tou esti mes de febreru col ciclu “Y, sicasí, muévese…”, dedicáu a la cinematografía actual de la rexón, va estrenase’l próximu vienres a les 19.30 hores cola proyección de “La perlla de Jorge” na sala Loreto. Pablo Fernández Vilalta dirixió esta cinta en 2012 y el realizador va tar presente en Colunga pa presentar la so obra y caltener un alcuentru col públicu.

La película foi rodada nel so mayor parte na zona de Villaviciosa y n’Uviéu y ta protagonizada por Roberto Álvarez, ente otros. La área cultural del Conceyu colungués y la Filmoteca d’Asturies entamen esti ciclu, que va proxectar una película cada vienres del mes.

El director artísticu asturianu Gil Parrondo va recibir el premiu “Ricardo Franco” por tola so trayectoria nel ámbitu cinematográficu español, dientru les actividaes que desendolca’l Festival de Cine Español de Málaga en collaboración cola Academia de les Artes y les Ciencies Cinematográfiques d’España. Amás, “La prima Anxélica”, de Carlos Saura, va ser designada “Película d’oru” pol certame malagueñu, que se celebra del 21 al 29 de marzu.

Gil Parrondo (nacíu en L.luarca en 1921) tien una amplia trayectoria en cine, con más de doscientes películes, teatru y televisión, desque empezó a trabayar en 1939 como ayudante de decoración.

>p>En 1951 asumió la dirección artística de la película “Día tres día”, d’Antonio del Amu, y empecipió una etapa prolífica pa depués empezar a trabayar en diverses coproducciones estadounidenses que se rodaron n’España, llogrando dos “Óscar” y una nominación más al premiu cimeru de la cinematografía mundial.

Esti xueves 30 de xineru arranca la VI edición del Festival Internacional de Cine Gai y Lésbicu d’Asturies, que va desenvolvese demientres tres díes, nel Salón d’Actos del Antiguu Institutu de Xixón. Ellí van proxectase más d’una decena de curtiumetraxes xuntu cola película “Habita conmigo”, una obra de temática lésbica.

Ente los nomaos al meyor curtiumetraxe atópense Desnudos, de José Antonio Cortés, “Yo soi deséu”, d’Ana 2Frescu y Esperándola”, de James Joint. Ente actores y actrices qu’opten al premiu del públicu destaquen nomes como Macarena Gómez, Pedro Casablanc, Félix Gómez y Bebe.

El Festival Internacional de Cine Gai y Lésbicu d’Asturies (CinegailesAST) nació un 26 de xunetu de 2006 en Xixón col enfotu de premiar y dar a conocer n’Asturies el cine de temática LGTB que se fai nel mundu. Les proyecciones llevar a cabu nel Salón d’Actos del Antiguu Institutu de Xixón y na sesión inaugural cuntar cola presencia de Isaac del Rivero, fundador del primer Festival de Cine pa la Infancia de Xixón, y col representante de l’asociación LGTB asturiana Xente Gai Ástur, Tino Brugos. So la dirección de Xaviel Vilareyo, CinegailesAST proyectó más d’un centenar de películes y trabayos cinematográficos que nunca antes fueren estrenaos n’Asturies y quier siguir presente como unu más de los festivales LGTB de reconocíu prestixu a nivel mundial, prestíu que vien dáu pol fechu de que concede los sos premios por votación del públicu.

El primer Casa nunca Blanca llanzamientos de Festival de cine del Estudiante güei — y ye abiertu a estudiantes d’EE.XX., graos K-12. Tamos preguntar pa contestar estes cuestiones grandes: Qué ye la vuesa hestoria d’educación & qué fai la tecnoloxía y la conectividad cabíes a cómo apriendes n’escolar o pola to cuenta? Cómo imaxines la tecnoloxía va camudar la esperiencia educativa pa neños nel futuru? Les películes pueden ser curties – de fechu 3 partes cimeros de minutos. Les selecciones oficiales van ser presentaes nel sitiu web de Casa Blanco, y compartíu al traviés del mundu en sitios de Casa Blanca y cuentes de medios de comunicación sociales oficiales. Ello ye que si escoyíu, puedes tener una posibilidá d’atender la película fest tu na Casa Blanca. A puntu de mano? Comprobar la nuesa páxina oficial en WhiteHouse.Gov/FilmFest — Ónde puedes aprender más, lleíu les riegles oficiales, ver cómo p’apurrir el vuesu vídeu, y oyer de Bill Nye (el Tipu de Ciencia). Y si yes un padre, guardian, o profesor, marca seguro estendisti la palabra a neños con idees grandes! Nun podemos esperar pa ver lo que fexes. Equí ye detalles más importantes tendríes que saber: –Cada entrada d’estudiante tien que tener un padre/guardian o patrocinador de profesor. –Les películes pueden ser apurríes agora al traviés de xineru 29.º, 2014. –Si’l vuesu vídeu ta escoyíu como una selección oficial, podríes tener una posibilidá d’atender el mid-esploración de febreru na Casa Blanca. Lleíu les riegles completes (y apurrir el vuesu vídeu!) En WhiteHouse.Gov/FilmFest

La 51 edición del Festival Internacional de Cine de Xixón rexistró una subida del 26 por cientu nel númberu total d’espectadores, sigún desplicaron esta selmana los sos organizadores, llogrando algamar casi los 45.000 en taquilla. El crecimientu produxose tanto n’entraes individuales como en bonos, lo que fala nidiamente de la so capacidá d’atracción nestos momentos de crisis.

El númberu total de persones que participaron n’alguna de les actividaes que se’entamarona lo llargo de la celebración del Festival xorrez hasta les 73.397, un datu que fala pala organización del 2compromisu de xixoneses y visitantes col certame”.

Leer más:

Los Goya 2013 ya tienen preseleccionaos y ente ellos alcuéntrase Adriana Navarro, una asturiana nacida en Vizcaya, qu’estudiare’l bachilleratu na Universidá Llaboral y vive en Llanera, que col so primer curtiumetraxe “Vía Tango” recupera les téuniques de Disney y quier sorprender al mercáu cinematográficu esapañol. Llicenciada en Belles Artes y master n’Animación Cinematográfica, Adriana punxo munchu llabor nos 3,17 minutos que dura la so película.

Titúlase ‘Vía tango’ y recupera, «dibuxu a dibuxu» -y son 2.500 los que sumó- les vieyes técniques de la factoría Disney. Equí nun hai más aventura dixital que la que rique’l montaxe y la coloración de los personaxes. «El trabayu foi de lápiz y papel, como faíen los clásicos», diz la realizadora, qu’invirtió dos años de trabayu.

El curtiu presentose nel pasáu, nel Festival Internacional de Cine de Xixón, dientru la sección Día d’Asturies.

Guillermo G. Peydró vieno acabante ganar el premiu Universu vídeu, concedíu pol Festival Internacional de Cine de Xixón y Llaboral, como parte de les actividaes que formen parte de FICXLAB, nueva sección que s’incorporó a la presente edición del Festival y que’l so oxetivu ye diseñar y producir una serie de proyecciones y actividaes que rellacionen el cine coles artes visuales. Ello ye que supon la introducción del vídeu-arte y del cine de corte esperimental nel marcu d’un certame de cine como’l de Xixón.

Como parte del programa, Llaboral y la Sala Astragal de Xixón acueyen la esposición Universu vídeu_l’otru audiovisual español, comisariada por Alfredo Aracil, qu’inclúi obres de Samuel Alarcón, Albert Alcoz, Velasco Broca, Chus Domínguez, Guillermo G. Peydró, Kikol Grau, Verónica Ibarra, Alberte Pagán. Los ocho autores españoles, escoyíos a partir del arquivu online PLAT, competíen por una residencia de producción de dos semanes en Llaboral Centru d’Arte nos primeros meses de 2014.

El xuráu escoyó a Guilllermo G Peyró, quien demientres los dos selmanes de residencia artística en Llaboral va producir una obra que se va estrenar nel FICX de 2014 y va pasar a formar parte del Arquivu del Festival Internacional de Cine de Xixón que se curia en Llaboral Centru d’Arte, con fines promocionales, didácticos y d’investigación, comprometiéndose siempres a citar al autor de la mesma. Los honorarios pola residencia van xubir a 600 € brutos y el cineasta va disponer d’agospiamientu, espaciu, medios y asesoramientu técnicu pa trabayar en Llaboral.

La so propuesta de curtiu en Xixón, al igual que los sos anteriores trabayos sobre ciudaes (París, Nueva York, Montreal) va consistir, en principiu, n’entrar en relación cola ciudá al traviés del so cámara, partiendo de la so mirada d’historiador del arte y cineasta. Según diz, “nos dos selmanes que tengo, l’acercamientu va ser necesariamente más epidérmicu que nesos trabayos onde tuvi de dos a cuatro meses, pero creo que puedo faer daqué interesante”.

Guillermo G. Peydró ye cineasta ya historiador del arte, foi programador del Greenpoint Filme Festival (Brooklyn, Nueva York) en 2011. Anguaño termina’l Doctoráu del Muséu Nacional Centru d’Arte Reina Sofía con una tesis centrada nel filme-ensayo sobre arte, onde estudia les formes de diálogu críticu ente’l cine y les artes visuales dende entamos del sieglu XX, según les sos aplicaciones estétiques, académiques, polítiques.

Mamatayoe, marca asturiana de moda pa muyer, prepara la grabación d’unos de los sos vídeos pa la promoción internacional de la firma. El videu, que va rodase nesta ocasión n’Asturies, dempués de preparar los audiovisuales de promoción de les últimes colecciones en Barcelona, va dar vida a la colección “Sotto il Girasole della Toscana”. Pal rodaxe del videu Mamatayoe busca a tres muyeres con un casting que va celebrase na Escuela Superior d’Arte Dramáticu de Xixón.

La convocatoria ta abierta pa toles muyeres d’ente 20 y 35 años d’una talla alredor de la 38. La prueba va llevase a cabu nes instalaciones de la Escuela Superior d’Arte Dramáticu d’Asturies, asitiada en La Llaboral, ciudá de la cultura, el vienres 22, de 16 a 18 hores. Pa cualquier consulta, el Departamentu de Comunicación de Mamatayoe atiende na páxina de la marca en Facebook y Twitter.

Mamatayoe ye una marca de la empresa asturiana Comercializadora de Moda del Norte, que lleva más de veinte años nel mercáu. Dende va más d’una década la so internacionalización llevó a Mamatayoe a tar presente en más de trenta países d’Europa, América, Asia y Oceanía, siempres dende’l so llar central en Xixón.