Cine

L’actor Mark Wahlberg s’acaba de coronar como l’actor menos rentable de 2017 sorprendentemente, pos l’intérprete de 46 años foi nomáu’l pasáu mes d’agostu como’l meyor pagáu, gracies a los 68 millones de dólares que ganara nos últimos meses polos sos papeles nes películes Transformers: el postreru caballeru o Deepwater Horizon.

Sony Pictures espublizó esta selmana un nuevu tráiler de “Tol dineru del mundu”, la próxima película de Ridley Scott, esta vegada con Christopher Plummer como protagonista en sustitución de Kevin Spacey.

Disney Pixar vuelve ablucar cola so última propuesta animada, Coco, que s’estrena esti vienres nes sales españoles y de la que dicen los críticos que ye una auténtica obra maestra que se xacia mano a mano con películes de la talla de la saga de Toy Story (1995), Up (2009) o Del Revés (2015).

El vienres 15 d’avientu estrena l’octavu episodiu de Star Wars, ‘Los postreros Jedi’, dirixíu por Rian Johnson. Y l’universu real de Star Wars va dominar otra vuelta’l mes d’avientu.

La estensión de Siero del FICX lleva a Llugones los curtios de Elisa Cepedal y por mor d’ello una selección de trés trabayos de la realizadora asturiana va proyeutase na Casa de Cultura de la localidá’l miércoles 22 de payares, a les 20 hores.

Antonio Banderas yá empezó’l rodaxe de la segunda temporada de Genius, onde interpreta’l papel d’otru iconu malagueñu como él, Pablo Picasso.

Queda pocu más d’un mes para’l momentu que tolos fans de Star Wars tán esperando: l’estrenu de la octava entrega de la saga galáctica. En viendo apocayá’l segundu tráiler, Disney publicó agora una nueva meyora de 45 segundos qu’amuesa delles escenes ya imaxes inédites.

La película The Nile Hilton Incident, roblada por Tarik Saleh, foi galardonada esti sábadu paásu cola Espiga d’Oru al Meyor Llargumetraxe de la 62 edición de la Selmana Internacional de Cine de Valladolid (Seminci).

La Fiesta del Cine de seronda pinchó con solo 1,6 millones d’espectadores, cifra que supon un 8% más qu’en mayu, pero tamién perder un millón d’asistentes respectu al eventu d’ochobre de 2016.

Marisa Paredes va recibir el Goya d’Honor 2018, galardón otorgáu por “una prolífica y enllargada carrera, trayectoria que caltien con absoluta puxanza, apostando en numberosos trabayos por proyectos cinematográficos nacionales ya internacionales definíos pol riesgu y el prestíu”, según alcordó esti llunes 16 d’ochobre la Xunta Directiva de l’Academia de Cine.