Cine

Una clase maxistral del director Jaime Rosales, galardonáu con dos premios Goya por La Soledá”, va ser una de les novedaes dela programación del Avilés Acción Film Festival 2019. Van tratase nella temes como les fases de la creación o la naturaleza de la obra cinematográfica. 

L’estudiu Paramount prepara una precuela del célebre musical Grease (1978), sigún informó’l mediu especializáu The Hollywood Reporter. Summer Loving ye’l títulu d’esti proyectu pal que se fichó a John August, guionista de “Big Fish” (2003), “Corpse Bride” (2005) o de la inminente y nueva versión de “Aladdin”, que va llegar a los cines en mayu.

Petra, de Jaime Rosales, ganó’l gran premiu Julio Verne y el premiu del xuráu nuevu del Festival de cine español de Nantes, nel oeste de Francia, que compensó’l so amiestu de “fuerza ya intelixencia” na narración d’una traxedia.

Esti martes a les 20:15 nel Auditoriu de la Casa de Cultura, el Cine de los Martes d’Avilés proyecta “Destroyer”, con una aplaudida Nicole Kidman como protagonista, nun segundu periodu del ciclu que se va estender hasta’l mes de xunu, tán programaes nueve películes de seis países distintos.

El CMI de La Calzada presenta esti martes a les 19 hores la proyección de La fuerza de la palabra, un documental sobro la tortura n’Asturies de l’Asociación Memoria Oral y Social d’Asturies (AMOS).

PlayPresta estrenó’l Proyectu Webserie esti domingu a les 21,30 hores na so páxina web www.playpresta.com y nes sos canales de Facebook y Youtube. Esti martes 2 a les 19:30 hores na Vieya Escuela Comerciu de Xixón va presentase la serie, dempués del so preestrenu en Villaviciosa y Bimenes, cola participación de los actores y el director

Dolor y gloria , la nueva película de Pedro Almodóvar, llogró axuntar a 180.809 persones dende que llegó’l vienres a les sales y convirtióse nel meyor estreno español del añu, con más de 1,2 millones d’euros recaldaos na so primer fin de selmana en cines.

Faía yá un tiempu que l’Academia de cine plantegábase l’incluyir les series nos sos galardones estrella. Sicasí, en axuntándose esti llunes, la xunta directiva decidió por unanimidá caltener el sistema actual p’aspirar a los Premios Goya.