San Mateo ta siendo una plataforma pa sofitar a los artesanos

El conceyal d’Economía, Empléu, Comerciu y Mercaos, Javier Cuesta, visitó esti día les casetes del Mercáu d’Artesanía instaláu nel Campu San Francisco por cuenta de la celebración de les fiestes que se programara como plataforma pa sofitar a los pequeños empresarios y artesanos.

El conceyal indicó que “San Mateo nun ye solo hostelería o música, sinón tamién un espaciu por que pequenos empresarios de distintos ámbitos, como l’artesanía y el comerciu, puedan aprovechar el fluxu de visitantes y persones que vienen a les fiestes”. Una “plataforma para poder sofitar el sector comercial que tuvo bien afectáu pola crisis sanitaria”.

Cuesta esplicó que nesta iniciativa “hai 15 negocios: toos ellos pequenos empresarios con un componente artesanal , de diseñu o de productu manufacturáu nes sos propies instalaciones. Amás, 5  d’ellos, (Très Chic Accessoires; Cuerokas;  Dame Xabón; Joellejoyas  y Muscovado by María) son proyectos de Creo n’Uviéu, la plataforma creada para ayudar al sector servicios y en concretu, al comerciu”.

El Mercáu va poder visitase na Avenida d’Italia del Campu San Francisco, hasta’l  día 21 de setiembre, n’horariu de 11.00 a 15.00 y de 17:00 a 21:00 hores. A entrugues de los periodistes, el conceyal indicó que yá se ta trabayando pa desenvolver el mercadín de Navidá: “lo que se consensuó col Principáu ye que los artesanos que taben na Rosaleda integrar nel mercáu navidiegu de la ciudá, que se va instalar na Plaza de la Catedral y na Plaza Porlier, n’ónde van tar unos 110 puestos disponibles para los artesanos y el vendedores ambulantes”.