Riaño alluga la oficialidá nun 0,5% del presupuestu

El presidente de l’Academia de la Llingua Asturiana (ALLA) asitió’l costu de la oficialidá namái que nun 0,5% del presupuestu autonómicu nuna conferencia cola qu’abrió esti martes les XXXVII Xornaes d’Estudiu ue se van desenvolver hasta’l xueves na Facultá de Filosofía y Lletres de la Universidá d’Uviéu.

Xosé Antón González Riaño fizo alcordanza na so ponencia nes Xornaes d’Estudiu que la inversión económica necesria pa desenvolver la oficialidá nun va recayer namái que na alministración asturiana, ya que son munches les inversiones que se comparten col Estáu, polo que la Oficilidá representaría una inyeición económica pal territoriu. Una inyeición económica que vendría tamién de la man de la dinamización industrial que xeneren los procesos de normalización llingüística que xeneren producción económica en sectores como l’editorial, el musical, l’audiovisual o les artes escéniques por poner los exemplos más evidentes.

El presidente de l’Academia de la Llingua Asturiana, Xosé Antón González Riaño, tamién quixo dexar bien a les clares que “l’exerciciu de derechos democráticos nun pue depender del so coste económicu”, afitando otra vuelta que poner en marcha la oficialidá de la llingua asturiana supondríanamái que’l 0,5% del presupuestu autonómicu.