Récord de visitantes nel Albergue de Pelegrinos de Aviles mientres 2015

En total 6.402 utilizaron les instalaciones avilesines, un 15% más qu’en 2014 y el pasáu añu realizáronse obres de rehabilitación per valor de 26.000 euros.

L’Albergue de Pelegrinos “Pedro Solís” d’Avilés, que rexenta’l Conceyu d’Avilés en collaboración y conveniu cola Asociación Ástur-Galaica de Santiago Apóstol, rexistró una cifra récord de pelegrinos agospiaos mientres el acabante rematar añu 2015.

Fueron 6.402 les persones qu’utilizaron les instalaciones municipales, amás d’otres munches que, magar pasen pa rellenar los trámites de la “Compostela” al ser una de les entidaes acreditaes con tal fin, escueyen p’agospiase la ufierta hotelera avilesina.

Correspondiendo con 58 nacionalidaes distintes y la presencia de pelegrinos y pelegrines estranxeres ye cada añu más vultable. En 2015, el porcentaxe de pelegrinos estranxeros foi del 60% aprosimao, frente al 40% d’españoles. Como ye habitual, el alemanes encabecen claramente’l ranking per países, siguíos de franceses ya italianos.

Pa dar un meyor serviciu a esti continuu fluxu de pelegrinos, apocayá’l Conceyu d’Avilés realizó obres de meyora de les instalaciones, habilitación d’una nueva sala d’estancia comedor, reformes nel patiu esterior y llabores de pintura y caltenimientu por importe de más de 26.000 euros.