Putin llamó a Elton John pa falar d’homofobia

El presidente de Rusia, Vladimir Putin, contactó personalmente esti xueves con Elton John p’alcordar una xunta si la so apretada axenda de trabayu lu dexara.

La noticia confirola’l voceru del Kremlin, Dmitri Peskov, esti día: “Putin dixo que sabe que Elton John ye un intérprete bien popular y que, si nel futuru les sos axendes coinciden, va tar dispuestu a encetar cualquier asuntu nel que tea interesáu’l cantante”, amestó Peskov.

El cantante, nun recién viaxe a Kiev, solicitó l’alcuentru pa charrar con Putin sobre la situación de les minoríes sexuales en Rusia tres l’aprobación d’una llei que prohibe la propaganda homosexual. John recibió va unos díes una llamada d’unos humoristes que se fixeron pasar pol presidente rusu y, anque al principió creyóse la chancia, depués escribió na so nel so perfil de Instagram que-y paecía graciosa, pero que “la homofobia nunca lo ye”. El voceru del Kremlin tamién se pronunció tocantes a esti asuntu y pidió a los autores de la chancia que pidan perdón al artista.

Según denunció un informe de la organización internacional Human Rights Watch (HRW), dempués de qu’en 2013 entrara a valir la llei que prohibe la propaganda gai, los ataques homófobos aumentaron en Rusia. Elton John manifestó que l’actitú del presidente con al respective de los derechos de la comunidá LGBT “ye risible”.